Pahonoraa i ta outou mau uiraa

◼ E tia anei ia pia i te hoê hohoˈa tuhaa fenua a te amuiraa i te Piha a te Basileia?

Oia mau, e tia ia faaetaetahia te hoê hohoˈa tuhaa fenua i te raau e ia tamauhia i nia i te hoê papai o te Piha a te Basileia, eiaha râ i nia i te tabula piaraa. E tia ia itehia i nia iho te mau otia o te tuhaa fenua a te amuiraa, te vahiraa o te reira, e te mau numera o te mau tâpû tuhaa fenua. E tia atoa ia reni i te mau otia o te tuhaa fenua a te mau amuiraa taitahi o te putuputu ra i roto i te Piha a te Basileia. E ite ïa te feia poro e te feia e tae apî mai e te noho ra ratou i roto i te tuhaa fenua a teihea amuiraa. Ia faataahia te mau vahi putuputuraa o te mau haapiiraa buka i nia i te hohoˈa fenua, e ite ïa te taata atoa ihea ta ˈna pǔpǔ e amui ai. E tia ia faatano-noa-hia te hohoˈa fenua.

E haamanaˈo taua hohoˈa fenua ra i te feia poro atoa e e nehenehe ratou e fanaˈo i te hoê tuhaa fenua na ratou iho. Maoti te reira e nehenehe ai te feia e hinaaro e maiti i te hoê tuhaa fenua i pihai iho i to ratou faaearaa. Hau atu â, i te tahi taime, eita e mâuˈa te taime i te mau putuputuraa no te pororaa, no te mea e nehenehe te mau taeae faatere e faaite oioi noa i te pǔpǔ taata poro taitahi ihea e tia ˈi ia ratou ia poro.

E faaite atoa te hohoˈa fenua e mea nahonaho te amuiraa no te poro maite i te poroi o te Basileia i roto i ta ˈna tuhaa fenua.—Luka 9:6.