Putuputuraa no te Taviniraa

NOTA: Te vai ra i roto i Te taviniraa o te Basileia te porotarama o te hoê Putuputuraa no te Taviniraa no te mau hebedoma atoa o te mau avaˈe Tiurai e Atete. E nehenehe te mau amuiraa e rave i te mau tauiraa e titauhia ma te haapao e e apiti atu ratou i te Tairururaa Mataeinaa “Feia rave i te Parau a te Atua.” Mai te peu e e tano, e nehenehe outou e rave 15 minuti o te Putuputuraa hopea no te Taviniraa hou te tairururaa no te hiˈopoa i te mau aˈoraa taa maitai no roto mai i te api hau o Te taviniraa o te Basileia no Me 2000. A faaitoito i te taata taitahi ia faaherehere tau minuti aˈe hou te mau rururaa i te poipoi aore ra i te avatea no te hiˈo i te porotarama e no te tamata i te feruri eaha te tumu parau. E turu te reira ia ara maite e ia rave i te mau tapaopaoraa poto e te faufaa. E piti e tae atu e maha hebedoma i muri aˈe i te tairururaa, e vauvauhia te hoê hiˈo-faahou-raa e 30 minuti no nia i te mau manaˈo faufaa o te porotarama i te Putuputuraa no te Taviniraa. I taua taime ra, ua faaineine ïa te feia i putuputu mai ia ratou no te horoa i te tahi mau manaˈo ia titau-manihini-hia ratou e na taeae aravihi e toru i maitihia no te aratai i taua tuhaa ra. E haamanaˈo paha taua mau tatararaa ra i te tahi mau manaˈo i faaroohia i te tairururaa o te faaohipahia i roto i te oraraa o te mau Kerisetiano i te mau mahana atoa aore ra i roto i te pororaa. E nehenehe e faahitihia hoê aore ra e piti tupuraa i maiti-aˈena-hia. Na te faaineine-maitai-raa o te taatoaraa e faariro i taua tuhaa o te Putuputuraa o te Taviniraa ra ei mea anaanatae e te faaitoito.

Hebedoma o te 10 no Tiurai

Himene 7

12 mn: Mau parau faaara. Mau parau faaite e tano no Te taviniraa o te Basileia. A tauaparau no nia i te tabula taviniraa no Eperera no Polinesia Farani nei, oia atoa no te amuiraa. A huti i te ara-maite-raa i nia i te tumu parau tarenihia “A hiˈo i te api hopea.” Faahiˈoraa o te hoê o te mau faaiteraa i horoahia o te manuïa maitai i roto i te tuhaa fenua. E faataa maitai te hoê matahiapo i te mau tauiraa i te mau putuputuraa no te taviniraa i faaarahia i roto i te nota i nia nei.

15 mn: “E ore tatou e tia ia ore ia parau.” Omuaraa parau iti mai i te hoê minuti, e aparauraa ma te mau uiraa e te mau pahonoraa. A onoono i nia i te mau tumu e haafaufaa ˈi i te faaueraa e poro. A faaô mai i te tahi mau manaˈo e tano o Te Pare Tiairaa o te 15 no Tenuare 1997, mau api 23-24.

18 mn: “Ia ravehia te mau mea atoa no te patu.” E tauaparau e piti matahiapo no nia i te tumu parau. E taio raua i te mau paratarapha atoa e tae noa ˈtu i te mau irava horoahia. E haamataratara raua i te mau faaueraa tumu e vai ra i roto. E onoono raua i nia i te faufaaraa ia ohipa ma te ite maite i te mau tumu parau i te pae o te mau ohipa tapihoo e te tuuraa i te moni. A hiˈo faahou i te mau aˈoraa o Te Pare Tiairaa o te 15 no Mati 1997, mau api 18-19, 22.

Himene 15 e pure faaotiraa.

Hebedoma o te 17 no Tiurai

Himene 23

15 mn: Mau parau faaara. Tabula faufaa moni. A faataa poto noa nafea ia faaohipa i te buka rairai ra Te iˈoa o te Atua no te tauturu i te hoê taata i anaanatae maitai ia taa i te faufaaraa ia ite e ia faaohipa i te iˈoa iho o te Atua.—Hiˈo Comment raisonner, mau api 200-201.

10 mn: “Tairururaa haaati: te porotarama apî.” Ma te mau uiraa e te mau pahonoraa. A faaara no nia i te taio mahana o te tairururaa haaati e a titau manihini i te taata taitahi ia tae mai i na mahana e piti. A faaitoito i te feia i putuputu mai ia tutava taa ê i te titau manihini i te mau taata e haapii ra i te Bibilia. E nehenehe to ratou taeraa mai e faatupu oioi i to ratou hinaaro e putuputu tamau e te amuiraa.

20 mn: O vai te riro ei hiˈoraa no outou? E faatere te hoê metua tane i te haapiiraa utuafare e te hoê aore ra e piti o ta ˈna mau tamarii taurearea. Aita i maoro aˈenei, ua hiˈopoa oia e e pinepine tei nia noa ta raua mau aparauraa i te mau taata tuiroo i te pae o te tuaro, te teata, te afata teata e te upaupa. Te haapeapea ra oia no taua anaanatae ra, o tei riro ei tapao no te huru feruriraa o teie ao. E tauaparau ratou no nia i te tumu parau o te A ara mai na! o te 8 no Tiunu 1998, mau api 12-14. E taa i te mau tamarii te fifi ia haapopou i taua mau taata tuiroo faaidolohia ra e e farii raua e eita te roo e pûpû i te hoê noa ˈˈe mea no te mau Kerisetiano. E tauaparau ratou no nia i te faufaaraa ia pee i te mau metua, te mau matahiapo aore ra te tahi atu mau melo hiˈoraa maitai o te amuiraa, e ia Iesu Mesia iho â ïa.

Himene 34 e pure faaotiraa.

Hebedoma o te 24 no Tiurai

Himene 45

5 mn: Mau parau faaara.

15 mn: E haamaitai anaˈe ia tatou iho ei tavini a te Atua. E tauaparau e piti tavini tauturu no nia i te mau faaitoitoraa Bibilia i faahitihia i roto i Te Pare Tiairaa o te 15 no Titema 1998, mau api 19-20. Te taa ra ia raua te faufaaraa ia rave maitai i ta raua tuhaa e ia imi i te ravea e faaohipa ˈi i taua mau aˈoraa ra i roto i ta raua mau hopoia. E paraparau raua no nia i te faufaaraa ia horoa i te hoê hiˈoraa maitai i roto i te pororaa e e hiˈo raua nafea ia turu maitai aˈe i te mau matahiapo i roto i te tautururaa i te feia poro taitahi. E hinaaro raua e rave i tei maraa no te tauturu i te amuiraa ia haamanaˈo i te huru fifi o teie tau e ia tupu i te rahi i te pae varua.

10 mn: Te pororaa ma te papai i te rata i te mau taata o te ore roa e farereihia. Oreroraa parau e aparauraa e te feia e faaroo ra. Te fifi noa ˈtura ia farerei i te taata i ǒ ratou; teie râ, te manuïa mau ra vetahi na roto i te papairaa i te rata. E tapao anaˈe i teie mau faaueraa: ia poto te mau rata e tia ˈi, ia niuhia i nia i te Bibilia e mea faatura. Eiaha tatou e hapono i te mau rata aita i tarimahia. E papai anaˈe aore e patapata anaˈe ma te mâ e te maramarama. E faaite anaˈe i te vahi o te Piha a te Basileia e te hora atoa o te mau putuputuraa, e e titau manihini anaˈe i te taata ia haere mai. Eiaha roa ˈtu tatou e papai i te afata rata a te Taiete ei vahi nohoraa o te taata hapono. A hiˈo faahou i te mau manaˈo o te Buka no te Haapiiraa, mau api 87-88, e Te taviniraa o te Basileia no Novema 1996, Pahonoraa i ta outou mau uiraa.

15 mn: E faaohipa anaˈe i te tahi mau omuaraa parau o te manuïa. A maiti e piti aore ra e toru omuaraa parau o te buka ra Comment raisonner, mau api 9-15, e a tauaparau no nia i to ratou manuïaraa i roto i te tuhaa fenua a te amuiraa. A uiui i te feia e faaroo ra e: “Teihea omuaraa parau ta outou e faaohipa no te tauaparau e te hoê taata i te pae purumu, ma te faanaho-ore-hia, aore ra i roto i te tahi atu ohipa?” Mai te peu e e taimehia, a faanaho hoê aore ra e piti faahiˈoraa.

Himene 54 e pure faaotiraa.

Hebedoma o te 31 no Tiurai

Himene 66

15 mn: Mau parau faaara. A haamanaˈo i te feia poro ia faahoˈi mai i ta ratou tabula taviniraa no Tiurai. A titau manihini i te feia e faaroo ra ia faatia mai i te tahi mau tupuraa mau i roto i te avaˈe a pûpûhia ˈi te tahi mau buka rairai.

12 mn: Mau hinaaro o te amuiraa.

18 mn: “Te mauruuru ra anei outou i te faaoromai o Iehova?” Ma te mau uiraa e te mau pahonoraa. A faaô mai i te tahi mau manaˈo tano no nia i te faaoromai o Iehova.—Hiˈo Étude perspicace, buka 2, mau api 499-500.

Himene 75 e pure faaotiraa.

Hebedoma o te 7 no Atete

Himene 88

10 mn: Mau parau faaara.

17 mn: “Mea mamahu anei outou?” Ma te mau uiraa e te mau pahonoraa. A faahiti i te hoê tupuraa faaitoito i roto i te Annuaire 1997, mau api 43-44.

18 mn: A rave i te tahi mau opuaraa paari no a muri aˈe. Oreroraa parau vauvauhia e te hoê matahiapo. E hinaaro te mau taurearea e ite i te hoê oraraa oaoa a muri aˈe e te feia ta ratou e here ra. Mai te peu e e hinaaro ratou e faatupu i taua hinaaro natura ra, e tia ia ratou ia faaohipa i te mau aˈoraa no ǒ mai i te Atua ra. (Mas. 19:20) Mea puai te faahinaaroraa i te tamahine aore ra i te tamaroa i roto i te mau taurearea. Ia ore te mau manaˈo hohonu ia haavîhia, mea ino roa te mau faahopearaa. E nehenehe e uiuihia i nia i te faito o te paari o te mau taurearea o te faahoa e te tahi atu taurearea tamahine aore ra tamaroa, o te here atu e o te haamata i te haamatau. A hiˈo faahou i te mau faaararaa i roto i te buka ra Les jeunes s’interrogent, mau api 231-235. A faahiti i te mau manaˈo faufaa o Te Pare Tiairaa o te 15 no Novema 1999, mau api 18-23, o te faaite ra i te faufaaraa ia amo i ta ˈna hopoia i mua i te Atua i te apîraa ra. A faaitoito i te mau taurearea ia feruri i nia i taua mau aˈoraa ra e ia tauaparau no nia i ta ratou mau uiraa e to ratou mau metua.

Himene 101 e pure faaotiraa.