Putuputuraa no te Taviniraa
Hebedoma o te 10 no Eperera
Himene 122
10 mn: Mau parau faaara. Mau parau faaite e tano o Te taviniraa o te Basileia. Eiaha tatou e haamoe e i te 16 no Eperera e vauvauhia te hoê oreroraa parau taa ê “Te tumu e titau ai te huitaata i te hoê hoo.” A faaitoito i te taata taitahi ia pee i te porotarama taioraa taa ê o te Bibilia mai te 14 e tae atu i te 19 no Eperera i roto i te buka iti ra E hiˈopoa anaˈe i te mau Papai i te mau mahana atoa—2000. A haapoto i te tumu parau tarenihia “Faahaamanaˈoraa no te oroa Haamanaˈoraa,” i te api 4 (api hau).
15 mn: “Te pahono ra anei outou i te here o te Mesia?” Omuaraa parau iti mai i te hoê minuti, i muri iho aparauraa ma te mau uiraa e te mau pahonoraa. A faaô mai i te tahi mau manaˈo o Te Pare Tiairaa o te 1 no Me 1998, mau api 16-17, mau paratarapha 12-13. A faaitoito i te taata taitahi ia rave i te hoê tutavaraa taa ê no te titau manihini i te mau taata i te oroa Haamanaˈoraa.
20 mn: “Eperera: te avaˈe no te itoito no te mau ohipa maitatai.” Ma te mau uiraa e te mau pahonoraa. Tauaparauraa anaanatae no nia i te mea ta tatou e hinaaro ra e rave i te avaˈe Eperera. I roto i na minuti hopea e toru aore ra e maha, a hiˈo faahou i te tumu parau tarenihia “Te hoê itoito o te faaanaanatae ra i te rahiraa.”
Himene 199 e pure faaotiraa.
Hebedoma o te 17 no Eperera
Himene 25
13 mn: Mau parau faaara. Tabula faufaa moni. Te toe noa ra e piti hebedoma i te avaˈe Eperera; a faaitoito i te taata taitahi ia poro hou te hopea avaˈe. Faahiˈoraa poto: faaiteraa i te hoê o te mau vea o te avaˈe. I te mea e e anihia mai paha ïa tatou ia apiti i roto i te tahi mau peu tumu i taaihia i te Pasa, a hiˈo faahou eaha ta te Comment raisonner e faataa ra i te mau api 165-166.
16 mn: “E feruriraa haapae anei to outou?” Ma te mau uiraa e te mau pahonoraa. E tia ia tuu tatou i te mau mea faufaa roa ˈˈe i te parahiraa matamua. E tauturu mai te faaitoitoraa i te imi i te ravea e te hitahita ore ia ore tatou e faarue i te mau ohipa e faufaahia ˈi tatou i te pae varua. A faataa eaha ta te hiˈoraa o Iesu e haapii maira.—Hiˈo Étude perspicace, buka 2, api 32, par. 5 e tae atu i te api 33, par. 1.
16 mn: E opere anaˈe i te mau vea ma te faaau. Oreroraa parau apitihia mai e te feia e faaroo ra. A hiˈo faahou i te mau manaˈo o te A ara mai na! o te 8 no Tenuare 1995, mau api 22-24 (Farani). A faataa i te faufaaraa ia uiui teihea huru taata o te anaanatae i te mau vea o te tuatapapa ra i te tahi mau tumu parau taa ê. A faaite i te tahi mau vea tahito e a faataa teihea feia taio, mau toroa aore ra mau taatiraa o tei anaanatae iho â râ i taua mau vea ra i roto i te tuhaa fenua. A titau manihini i te feia e faaroo ra ia faaite mai i te mau faahopearaa maitatai i noaa mai maoti taua raveraa ra.
Himene 71 e pure faaotiraa.
Hebedoma o te 24 no Eperera
Himene 137
10 mn: Mau parau faaara. A faaite i te numera o te feia i tae mai i te oroa Haamanaˈoraa. A titau manihini i te feia e faaroo ra ia faatia mai i te tahi mau manaˈo o te feia i haere mai no te taime matamua.
17 mn: E tauturu anaˈe i te mau taata i anaanatae apî ia haere mai i te mau putuputuraa. Oreroraa parau ia au i te buka ra Te ite, mau api 161-163, mau paratarapha 5-8. I muri aˈe tau taime haapiiraa, mea faufaa ia haamata te mau taata i anaanatae apî ia haere mai i te mau putuputuraa. I te tahi mau taime mea fifi no ratou ia rave i te faaotiraa. Nafea ia faaitoito ia ratou? Mea maitai ia rave i te taime no te hiˈo faahou e te feia e haapii ra i teie tuhaa o te buka ra Te ite e ia horoa ˈtu na ratou i te tahi mau faanahoraa taa maitai e tauturu ia ratou ia apiti mai e o tatou i roto i te haamoriraa mau.
18 mn: “E taata poro tamau anei outou?” Oreroraa parau vauvauhia e te papai parau apitihia mai e te feia e faaroo ra. A faataa no te aha tatou e faahoˈi mai ai i ta tatou tabula taviniraa. (Hiˈo Notre ministère, mau api 106-108.) A faahiti i te tahi mau fifi ia tupu ia faahoˈi-maoro-hia mai te tabula taviniraa. A titau manihini i te feia poro ia faataa nafea ratou e papu ai e ua faahoˈi oioi mai ratou i ta ratou tabula taviniraa. A faahaamanaˈo eaha ta te mau taeae faatere i te haapiiraa buka e nehenehe e rave i roto i taua tuhaa ra. Te toe ra hoê noa hopea hebedoma i te avaˈe Eperera; a faaitoito i te taata taitahi ia poro e ia faahoˈi mai i ta ˈna tabula taviniraa i te hopea avaˈe.
Himene 200 e pure faaotiraa.
Hebedoma o te 1 no Me
Himene 213
12 mn: Mau parau faaara. A faahaamanaˈo i te taatoaraa ia faahoˈi mai i ta ratou tabula taviniraa o te avaˈe Eperera. E tia i te mau taeae faatere i te haapiiraa buka ia tamau noa i te parau i te mau melo atoa o ta ratou haapiiraa buka ia nehenehe te taatoaraa o te tabula taviniraa e faahoˈihia mai no te 6 no Me. A haapoto i te Pahonoraa i ta outou mau uiraa; a faaau i te amuiraa.
15 mn: Mau hinaaro o te amuiraa.
18 mn: “Ia hoˈi faahou mai outou e tia ˈi!” Aparauraa e te feia e faaroo ra. No te aha tatou i te tahi mau taime e ore ai e rave i te mau hoˈi-faahou-raa e farerei? A faataa i te faufaaraa o te mau tapaopaoraa taa maitai e te faaotiraa papu. A horoa i te manaˈo e faaherehere i te taime i te mau hebedoma atoa no te mau hoˈi-faahou-raa e farerei. A hiˈo faahou i te mau manaˈo o te buka ra Notre ministère, mau api 89-90. A faatia poto noa mai i te tupuraa i faahitihia i roto i te Annuaire 1995, api 45.—Kor. 1, 3:6, 7.
Himene 68 e pure faaotiraa.