Putuputuraa no te Taviniraa
Hebedoma o te 14 no Febuare
Himene 113
10 mn: Mau parau faaara. Mau parau faaite e tano o Te taviniraa o te Basileia.
15 mn: “A poro i te parau ma te onoono maite.” Omuaraa parau iti mai i te hoê minuti, e i muri iho aparauraa ma te mau uiraa e te mau pahonoraa. A faaô mai i te tahi mau manaˈo no roto i te buka ra Notre ministère, mau api 168-169. A horoa i te tahi mau manaˈo tauturu ohie nafea ia faarahi i ta tatou pororaa noa ˈtu eaha te huru o te ahuaraˈi.
20 mn: “Te ravea no te faatupu i te aravihi no te haaferuri.” Oreroraa parau e faahiˈoraa. A faataa no te aha e mea faufaa roa te aravihi no te haaferuri i roto i ta tatou taviniraa e nafea e noaa ˈi te reira. E aparau e piti feia poro aravihi mea nafea ia faaineine no te pororaa ma te rave faahou i te mau raveraa e horoahia ra i roto i te paratarapha 3, i muri iho e tamata raua i ta raua faaiteraa na roto i te hoê faahiˈoraa.
Himene 182 e pure faaotiraa.
Hebedoma o te 21 no Febuare
Himene 17
10 mn: Mau parau faaara. Tabula faufaa moni.
15 mn: “Te mau ‘vahine o tei ohipa puai nei i roto i te ohipa a te Fatu.’” Omuaraa parau iti mai i te hoê minuti, e i muri iho aparauraa ma te mau uiraa e te mau pahonoraa. A faaô mai i te tahi mau manaˈo no roto mai i Te Pare Tiairaa o te 15 no Setepa 1996, mau api 14-15, mau paratarapha 18-19. A haapopou ma te aau tae i te mau tuahine no to ratou turu itoito, ta ratou mau ohipa faufaa e horoa ra na te amuiraa e no ta ratou pororaa itoito.
20 mn: “Nafea ia mau papu i roto i te faaroo?” Oreroraa parau vauvauhia e te hoê matahiapo. Te ora ra tatou i te anotau fifi e te hinaaro ra tatou paatoa i te turu i roto i te hoê tuhaa aore ra i te tahi atu. A hiˈo faahou eaha ta te mau matahiapo e te mau tavini tauturu e nehenehe e rave no te faaitoito i to ratou mau hoa o tei teimaha i raro aˈe i te mau haafifiraa. (Hiˈo i te upoo parau iti ra “Te tiairaa mamoe o te faaitoito,” Te Pare Tiairaa o te 15 no Setepa 1993, mau api 21-23.) A faataa nafea tatou e nehenehe ai e faaitoito i to tatou mau taeae e mau tuahine ia vai papu i roto i te faaroo.—Roma 1:11, 12.
Himene 82 e pure faaotiraa.
Hebedoma o te 28 no Febuare
Himene 46
10 mn: Mau parau faaara. A faahaamanaˈo i te feia poro ia faahoˈi mai i ta ratou tabula taviniraa o te avaˈe Febuare. A hiˈo poto faahou i na “Raveraa ohie e maha” no te haamata i te mau aparauraa maoti te tauturu a te mau api parau iti (Te taviniraa o te Basileia no Tenuare 2000, api 4). Faahiˈoraa: faaohiparaa o te api parau iti ra A fanaˈo i te hoê oraraa utuafare oaoa no te faaô mai i te buka ra Te ite. I muri aˈe i te uiuiraa i te mau uiraa o te paratarapha e omua ra i te api parau iti, a taio i te paratarapha matamua o te api 3, oia atoa te Salamo 37:29. Ia anaanatae noa ˈtu te taata, a tatara i te buka ra Te ite i te api 5, a taio i te tumu parau tarenihia, i muri iho a pûpû i te hoê haapiiraa. I teie avaˈe, e tia i te taatoaraa ia rave i te hoê tutavaraa taa ê no te haamata i te mau haapiiraa Bibilia.
5 mn: Pahonoraa i ta outou mau uiraa. Oreroraa parau vauvauhia e te hoê matahiapo.
12 mn: E mauruuru anaˈe i te ohipa a te mau tomite paturaa o te fenua iho. Oreroraa parau vauvauhia e te hoê matahiapo, ia au i te api hau o Te taviniraa o te Basileia no Atete 1995. Ua apiti te tomite paturaa e vai ra i te tuhaa fenua a te amaa no Tahiti i roto i te paturaa, te faaapîraa aore ra te tataǐraa i na 16 Piha a te Basileia e faaohipahia ra e na amuiraa e 24. E piti opuaraa e faatupuhia nei: Bora Bora e Rurutu. A hiˈo faahou i te tuhaa a te mau tomite paturaa o te fenua iho e a faatupu i te hinaaro e apiti i roto i te mau paturaa o te mau piha. A faataa o vai te nehenehe e pûpû ia ˈna ei rima tauturu, e a ani hau atu â i te feia e opua ra. A uiui i te tahi mau taeae e mau tuahine i apiti aˈena i roto i te hoê paturaa o te piha e a faahiti i te mau parau e faaite ra i te oaoa ta ratou i ite.—Hiˈo i Te Pare Tiairaa o te 1 no Tiunu 1999, mau api 18-19, mau par. 15-16.
18 mn: “E poro anaˈe i te parau apî maitai ma te tiaturi papu.” Omuaraa parau tamahanahana e piti aore ra e toru minuti ia au i te mau paratarapha 1 e te 2 e te mau irava i faahitihia aore ra i horoahia, i muri iho hiˈopoaraa ma te mau uiraa e te mau pahonoraa i te mau paratarapha 3-12.
Himene 61 e pure faaotiraa.
Hebedoma o te 6 no Mati
Himene 116
5 mn: Mau parau faaara.
10 mn: Mau hinaaro o te amuiraa.
10 mn: “E haapao maitai anaˈe i ta tatou huru faarooraa.” E tauaparau te hoê upoo utuafare raua ta ˈna vahine e ta ˈna mau tamarii no nia i te mau ravea ia haafaufaa rahi atu â i te mau putuputuraa e i te mau tairururaa. Te manaˈo ra oia e e nehenehe te taatoaraa e tutava no te faaroo maitai atu â. E hiˈo faahou ratou i te manaˈo tauturu taitahi e te faaohiparaa ta ratou e nehenehe e rave, e te anaanataeraa atoa no te tauaparau pinepine i nia i te mau mea i haapiihia. E feruri ratou i nia i te faufaaraa ia opua maite eiaha e mairi, mai te peu e e nehenehe, i te hoê putuputuraa aore ra i te hoê rururaa o te hoê tairururaa.
20 mn: “E poro anaˈe i te parau apî maitai ma te tiaturi papu.” I muri aˈe i te hoê haapotoraa o te tauaparauraa no te hebedoma i mairi aˈenei, o tei tuatapapa i na 12 paratarapha matamua, tauaparauraa ma te mau uiraa e te mau pahonoraa i te mau paratarapha 13-24. A faaohipa ma te tano i te mau irava i faahitihia aore ra i horoahia.
Himene 186 e pure faaotiraa.