Putuputuraa no te Taviniraa

NOTA: Mai teie atu nei neneiraa o Te taviniraa o te Basileia, i roto i te porotarama o te mau Putuputuraa no te Taviniraa, te vai ra te Putuputuraa matamua no te Taviniraa o te avaˈe i mua. E ravehia teie tauiraa no te ape i te tahi fifi ia maoro roa te mau haponoraa no te hoê faanahonahoraa apî o te mau haponoraa.

Hebedoma o te 6 no Titema

Himene 207

10 mn: Mau parau faaara. Mau parau faaite e tano o Te taviniraa o te Basileia.

15 mn: “E pee anaˈe i te huru pae tahi ore o Iehova.” Omuaraa parau iti mai i te hoê minuti, e i muri iho aparauraa ma te mau uiraa e te mau pahonoraa. A faataa eaha te auraa o te parau ra huru pae tahi ore, nafea Iehova e faaite ai i te reira, e nafea ia faaite i te reira ia poro anaˈe tatou.—Hiˈo Étude perspicace, buka 1, api 1175 par. 8 e tae atu i te api 1176 par. 3.

20 mn: “Aita anei tatou i faaroo aˈena i te reira?” Oreroraa parau e aparauraa e te feia e faaroo ra. A ani i te mau taeae e mau tuahine ia faataa nafea te faahiti-noa-raa i tauturu ai ia ratou ia taa e ia haafaufaa roa ˈtu â i te parau mau.—Hiˈo Te Pare Tiairaa o te 15 no Tiurai 1995, mau api 21-22, e te 15 no Atete 1993, mau api 13-14, mau par. 10-12.

Himene 218 e pure faaotiraa.

Hebedoma o te 13 no Titema

Himene 168

10 mn: Mau parau faaara. Tabula faufaa moni. A horoa i te tahi mau manaˈo nafea ia pahono ma te faatano i te parau i te mau parau o te aroha o te hopea matahiti. Mai te peu e te vai ra ta te amuiraa te mau buka ra Te taata rahi roa ˈˈe aore ra Orometua Rahi, a faaite nafea ia pûpû i te reira i te tau o te oroa Noela.

15 mn: “Te Haapiiraa o te Taviniraa Teotaratia 2000.” Oreroraa parau vauvauhia e te tiaau o te haapiiraa. A faahaamanaˈo i te mau tauiraa no teie matahiti apî: e niuhia te tumu parau n° 3 i nia i te buka iti rairai ra “Tumu parau tauaparauraa Bibilia,” e tuatapapa te tumu parau n° 4 i te mau taata o te Bibilia i roto i te Étude perspicace des Écritures, e i na avaˈe hopea e toru, e niuhia ïa te reira i nia i te “Tumu parau tauaparauraa Bibilia.” Te auraa o teie tapao (#), oia hoi mea hau aˈe i te horoa i te tumu parau na te hoê taeae. A faaitoito i te feia atoa e faaroo ra ia rave tamau i ta ratou taioraa Bibilia tahebedoma e ia vauvau maitai i ta ratou mau tumu parau.

20 mn: “Eaha ta outou e parau i te hoê taata tiaturi ore i te Atua?” Ma te mau uiraa e te mau pahonoraa. A haamatara i te mau tumu rau i ore ai e rave rahi taata e tiaturi faahou i te Atua. A horoa i te tahi mau ravea no te aratai i te aparauraa e no te faaite no te aha te manaˈo tano e aratai ai ia tatou ia tiaturi e te vai mau ra te Atua. A rave hoê aore ra e piti faahiˈoraa poto. No te mau haamaramaramaraa hau, a hiˈo Comment raisonner, mau api 106-112 e L’humanité à la recherche de Dieu, pene 14.

Himene 220 e pure faaotiraa.

Hebedoma o te 20 no Titema

Himene 219

10 mn: Mau parau faaara. A faaite i te mau faanahoraa taa ê i ravehia no te pororaa i te 25 no Titema. A ani i te tahi feia poro ia faatia i te hoê tupuraa anaanatae i farereihia i roto i te taviniraa.

15 mn: Nafea ia pahono i te mau patoiraa. Aparauraa e te feia e faaroo ra e te mau faahiˈoraa. A taio i te mau “Remarques” o te buka ra Comment raisonner, api 15. A maiti e piti aore ra e toru patoiraa i te mau api 16-20, aore ra te tahi atu o te faaroo-pinepine-hia ra i roto i ta outou tuhaa fenua. A hiˈo faahou i te tahi mau pahonoraa e horoahia ra, e a faataa no te aha mea aravihi te reira. Mau faahiˈoraa poto. A titau manihini i te feia poro ia faahiti i te tahi mau pahonoraa ta ratou e faaohipa ra ma te manuïa.

20 mn: E nehenehe anei au e farii i te hoê ohipa no te hoê faanahonahoraa faaroo? Oreroraa parau vauvauhia e te hoê matahiapo niuhia i nia i Te Pare Tiairaa o te 15 no Eperera 1999, mau api 28-30. Ua farii vetahi i teie huru ohipa a ite atu ai ratou e aita te reira e tuea ra e te mau faaueraa tumu Bibilia. A hiˈo faahou i te mau uiraa te tia ia hiˈopoahia hou e farii ai i te hoê ohipa e tuati rii ra e te haapaoraa. A faaitoito i te feia e faaroo ra ia ohipa ma te tapea i te hoê roo maitai i mua i te Atua.—Kor. 2, 6:3, 4, 14-18.

Himene 109 e pure faaotiraa.

Hebedoma o te 27 no Titema

Himene 166

10 mn: Mau parau faaara. Mai te peu e e taui te hora o te mau putuputuraa a ta outou amuiraa no te matahiti apî, a faaitoito ma te here i te mau taeae e tuahine ia tamau i te haere mai i te mau putuputuraa i te hora apî. E tia ia faaarahia te mau tauiraa atoa i te feia e haapii ra i te Bibilia aore ra e anaanatae ra i te mau putuputuraa. A faaite i te mau faanahoraa taa ê i ravehia no te pororaa i te 1 no Tenuare. A faahaamanaˈo i te taata taitahi ia faahoˈi mai i ta ˈna tabula taviniraa i te avaˈe Titema.

15 mn: “Te Taravanaraa o te matahiti 2000: te manaˈo o te mau Kerisetiano.” Oreroraa parau niuhia i nia i te A ara mai na! o te 22 no Tenuare 1986, mau api 23-25 (Farani). Faahiˈoraa: E faataa te hoê metua tane i ta ˈna mau tamarii eaha te Taravanaraa e e faaitoito oia ia ratou ia tapea i te hoê haerea Kerisetiano.

20 mn: E pûpû anaˈe i te mau buka tahito i te avaˈe Tenuare. Oreroraa parau e te mau faahiˈoraa. A faaite e piti aore ra e toru buka tahito 192 api i neneihia hou te matahiti 1986 e vai ra i roto i te amuiraa, e a faaitoito i te feia poro ia rave mai no te pororaa. (Mai te peu e aita ta outou, a tauaparau no nia i te pûpûraa e mono.) A faataa no te aha e manuïa noa ˈi teie mau buka tahito i te faaara i te anaanatae no te mau tumu parau Bibilia. I roto i te buka taitahi, a tapao i te tahi mau faahitiraa aore ra mau faahohoˈaraa e nehenehe e faaohipahia no te haamata i te mau aparauraa. Mau faahiˈoraa: hoê aore ra e piti mau faaiteraa. Ia au i te anaanatae i faaitehia, e nehenehe e faaohipa i te buka rairai ra Titau i muri iho no te haamata i te hoê haapiiraa.

Himene 224 e pure faaotiraa.

Hebedoma o te 3 no Tenuare

Himene 10

8 mn: Mau parau faaara.

17 mn: Ia ite tatou i te pahono. (Kol. 4:6) Oreroraa parau e aparauraa e te feia e faaroo ra. Te horoa maira te buka ra Comment raisonner i te mau manaˈo faufaa no te faaite i te mau parau mau Bibilia ia vetahi ê. Ia faahapa te taata ta tatou e paraparau ra i te hoê o ta tatou mau tiaturiraa, te vai ra ia tatou te tuhaa ra “Si quelquˈun vous dit” i te hopea o te tuhaa e tuatapapa ra i taua tiaturiraa ra. A aparau i nia i te mau manaˈo haapapu no nia i te Bibilia i te mau api 57-60 ma te faataa ˈtu no te aha e manuïa ˈi te mau pahonoraa i faahitihia.

20 mn: “‘Feia faaohipa i te Parau a te Atua’—Tairururaa Mataeinaa 2000 a te mau Ite no Iehova.” E hiˈopoa te taeae papai parau ma te mau uiraa e te mau pahonoraa i te tumu parau hau. Na mua roa, a taio i te rata o te 15 no Titema 1999 e faaara ra teihea te tairururaa i titau-manihini-hia te amuiraa. A faaohipa i te mau irava i horoahia no te faaite no te aha e tia ˈi ia pee maite i te mau faanahoraa i ravehia e te Taiete. A onoono i nia i te faufaaraa e ani oioi i te tau faafaaearaa no te haere i te tairururaa taatoa, oia atoa i te Mahana pae. A haapopou i te mau taeae e mau tuahine e turu ra i te mau faanahoraa ta te Taiete e rave ra.

Himene 56 e pure faaotiraa.