Putuputuraa no te Taviniraa no Novema
Hebedoma o te 1 no Novema
Himene 156
10 mn: Mau parau faaara. Mau parau faaite e tano o Te taviniraa o te Basileia. A haapoto “A hiˈo i te puai o te Bibilia!”
15 mn: “Te faataa ê ra te pororaa ia tatou.” Omuaraa parau iti mai i te hoê minuti, e i muri iho aparauraa ma te mau uiraa e te mau pahonoraa. Ma te faaohipa i te buka ra Te ite, mau api 173-174, par. 8, a faaite poto noa eaha te nehenehe e parauhia no te faaitoito i te hoê taata haapii i te Bibilia ia opua oia e poro.
20 mn: “O vai te nehenehe e farii i te hoê haapiiraa Bibilia?” Oreroraa parau e mau faahiˈoraa. Ia au i te paratarapha 4, a faaite i te mau ravea e rave rau ia anaanataehia mai ta tatou mau papai. E piti faahiˈoraa poto no nia i te huru raveraa. A titau manihini i te feia e faaroo ra ia faataa nafea i nehenehehia ˈi e haamata i te tahi mau haapiiraa.
Himene 198 e pure faaotiraa.
Hebedoma o te 8 no Novema
Himene 204
10 mn: Mau parau faaara. A faahaamanaˈo i te mau faanahoraa i ravehia no te pororaa i te 11 no Novema. Tabula faufaa moni. A faaitoito i te feia e faaroo ra ia faaineine ia ratou no te hebedoma i mua no te hiˈopoaraa i na paratarapha matamua 18 o te api hau.
15 mn: Pahonoraa i ta outou mau uiraa. Oreroraa parau. A faahaamanaˈo i te mau faanahoraa o te fenua iho no te tamâraa i te Piha no te Basileia.
20 mn: “Eaha ta outou e parau i te hoê Mahometa?” Ma te mau uiraa e te mau pahonoraa. A onoono i nia i te faufaaraa ia ite i te haapaoraa ia aparau atu i te mau taata no te tahi atu nunaa. Faahiˈoraa faaineine-maitai-hia. No te mau haamaramaramaraa hau no nia i te haapaoraa Mahometa, a hiˈo i Te taviniraa o te Basileia no Febuare 1998, te api hau; Comment raisonner, mau api 23-24; L’humanité à la recherche de Dieu, pene 12.
Himene 208 e pure faaotiraa.
Hebedoma o te 15 no Novema
Himene 211
8 mn: Mau parau faaara.
25 mn: “Ia vai ara tatou i te mau fifi atâta o te Internet.” Par. 1-18; ma te mau uiraa e te mau pahonoraa. Taioraa i te mau paratarapha 4-7, 12, 16, 17. A faaitoito i te feia e faaroo ra ia faaineine maitai no te hebedoma i mua no te hiˈopoaraa o te mau paratarapha 19-36.
12 mn: E te mau metua: e haapiiraa utuafare tamau anei ta outou? Oreroraa parau e aparauraa e te feia e faaroo ra. A faataa i te faufaaraa ia haapii e te utuafare. (Hiˈo i te Buka no te Haapiiraa, mau api 37-38.) A aparau no nia i te mau fifi tei manaˈo-noa-hia i muri nei: 1) mea apî roa te mau tamarii ia taa ia ratou; 2) mai te mea ra e ua navai noa te taeraa mai i te mau putuputuraa; 3) ua rohirohi roa matou no to matou oraraa ohipa roa; 4) te rave rahi nei te afata teata i to matou taime. (Hiˈo i Te Pare Tiairaa o te 15 no Me 1994, mau api 11-12.) A titau manihini i te mau upoo utuafare ia faataa nafea ratou e faaruru ai i te mau fifi e e tapea ˈi i te hoê porotarama maitai o te haapiiraa utuafare. A onoono i nia i te mau tutavaraa, te faaotiraa papu e te tahoê-maite-raa e titauhia i te taata taitahi.
Himene 217 e pure faaotiraa.
Hebedoma o te 22 no Novema
Himene 158
10 mn: Mau parau faaara e mau faatiaraa o te pororaa.
10 mn: Ua ineine anei tatou i te rave i ta tatou tuhaa? Oreroraa parau e vauvauhia e te hoê matahiapo. Mea roa te tabula o te mau ohipa e titauhia no te tere-maitai-raa o te hoê amuiraa: e faaineine i te mau tumu parau, e tii i te mau taeae e mau tuahine no te putuputuraa, e afai ia ratou i roto i te pororaa, e tauturu i te mau ruhiruhia, e tamâ, e tataî e e faanehenehe i te Piha no te Basileia, e tâpû i te aihere. Eaha to outou huru ia anihia te mau rima tauturu? Aita vetahi e pahono ra i te mau aniraa, e rave vetahi ma te aau tae ore aore ra eita ratou e faaoti i ta ratou i haamata. A faataa no te aha e haamaitairaa nehenehe te fariiraa e te raveraa i taua mau ohipa ra. A faaitoito i te mau melo atoa o te amuiraa ia faatupu i te feruriraa horoa noa.—Sal. 110:3, nota i raro i te api a te MN; Isa. 6:8.
25 mn: “Ia vai ara tatou i te mau fifi atâta o te Internet.” Par. 19-36; ma te mau uiraa e te mau pahonoraa. Taioraa i te mau paratarapha 23-25 e 34-36.
Himene 223 e pure faaotiraa.
Hebedoma o te 29 no Novema
Himene 215
5 mn: Mau parau faaara. A faahaamanaˈo i te taata taitahi i te faufaaraa ia faahoˈi mai i ta ˈna tabula taviniraa no te avaˈe Novema.
15 mn: A faaitoito i te mau taata apî ia tae mai i te mau putuputuraa. Aparauraa i rotopu i te hoê matahiapo e hoê aore ra e piti tavini tauturu, ia au i te buka rairai ra Tahoêhia no te faatupu i te hinaaro o te Atua, mau api 14-15. A hiˈo faahou no te aha mea faufaa ia tae mai te mau taata apî i te mau putuputuraa. I reira ratou e fanaˈo ai i te tuhaa rahi o te haapiiraa, te mau faaitoitoraa e te turu. A faataa eaha ta te mau putuputuraa hebedoma taitahi e pae e hopoi mai. A faataa nafea te mau putuputuraa e faaitoito ai ia tatou ia faaite i te hoê haerea maitai e ia paari i te pae varua, e haafatata ˈi ia tatou i te faanahonahoraa, e tauturu ai ia faatupu tatou i te mau taairaa piri e to tatou mau hoa, e e faahaamanaˈo mai ai i te tumu mau o ta tatou taviniraa. A turai i te feia poro ia faaohipa i te buka rairai no te faaitoito i te mau taata apî ia haere mai i te mau putuputuraa.
10 mn: No te aha tatou e au ai i te Traduction du monde nouveau. Oreroraa parau e mau faahiˈoraa. I roto i te mau faanahonahoraa faaroo atoa, ta tatou anaˈe te nenei ra, te faaohipa ra e te opere ra i te hoê huriraa o te Bibilia i hurihia e te feia faatavaihia i te varua e haamori ia Iehova. Aita tatou e imi ra i te moni aore ra e haaparare ra i te mau manaˈo paetahi. Te na reira nei tatou ma te tapitapi e faahanahana i te iˈoa o te Atua e e tauturu ia vetahi ê ia ite maitai ia ˈna. E pinepine, mea taa ore te tahi atu mau huriraa o te Parau a te Atua; no reira, a hiˈo faahou i te mau vahi faahiahia otahi o te Traduction du monde nouveau. (Hiˈo Toute Écriture, mau api 327-331. A tapao na i te mau tatararaa o te paratarapha 3, te mau hiˈoraa o te mau huriraa maramarama roa i te paratarapha 6, e a haamatara i te mau vahi faahiahia e te mau haamaitairaa i faahitihia i te mau paratarapha 20-21.)—Hiˈo Comment raisonner, api 411.
15 mn: “Te carnaval—Mea tano anei aore ra mea tano ore?” Oreroraa parau niuhia i nia i te A ara mai na! o te 8 no Tiunu 1996, mau api 10-11.
Himene 205 e pure faaotiraa.