Putuputuraa no te taviniraa no Tiunu

Hebedoma o te 7 no Tiunu

Himene 45

10 mn: Parau faaara. Mau parau faaite e tano a Te taviniraa o te Basileia. Mau parau apî teotaratia.

15 mn: “Te haapiihia ra tatou e Iehova.” A haapoto i ta outou mau omuaraa parau hoê aˈe minuti e i muri iho, a hiˈopoa i te reira ma te mau uiraa e te mau pahonoraa. A titau manihini i te feia i putuputu mai ia faaite i te mau haamaitairaa ta ratou i fanaˈo i te Haapiiraa o te Taviniraa Teotaratia, te Haapiiraa no te taviniraa pionie, te Haapiiraa o te Taviniraa o te Basileia, e te vai atu â. A faaite nafea teie mau haapiiraa e tauturu ai i te nunaa o Iehova ia aravihi roa ˈtu â i roto i te taviniraa.

20 mn: “E faahoona anaˈe i to tatou taime.” Aparauraa i rotopu i te hoê taeae e faatere ra i te haapiiraa buka e hoê aore ra e piti feia poro aravihi o te faataa nafea raua e faanaho ai i to raua taime no apiti hau atu â i roto i te pororaa. E faataa raua i te faufaaraa ia faanaho i te hoê tabula ohipa e au. E faataa raua nafea raua e ape ai i te haamâuˈa i te taime: e haamata oioi raua i te poro, e faanahonaho raua ia raua e eita raua e paraparau rahi i roto i te taviniraa. Ma te haapao maite i te mau tupuraa o te fenua iho, a horoa i te tahi mau manaˈo ohie ia hoonahia te taime.

Himene 48 e pure faaotiraa.

Hebedoma o te 14 no Tiunu

Himene 63

10 mn: Parau faaara. Tabula faufaa moni.

15 mn: Mau hinaaro a te amuiraa.

20 mn: “E nehenehe anei tatou e horoa i te rima tauturu?” Aparauraa e te feia e faaroo ra arataihia e te hoê matahiapo. A tauaparau no nia i te tahi mau manaˈo i roto i te A ara mai na! o te 8 no Atopa 1995, mau api 8-9, no te tauturu i te mau metua faaea hoê noa o te haapao nei i ta ratou mau tamarii. A titau manihini i te mau taeae e mau tuahine ia faaite i to ratou mauruuru no te turu î i te here ta te mau melo o te amuiraa e horoa ra.

Himene 53 e pure faaotiraa.

Hebedoma o te 21 no Tiunu

Himene 72

10 mn: Parau faaara. A faaite i te mau faanahoraa taa ê i ravehia no te pororaa i te 29 no Tiunu. Mai te peu e te vai ra ta te amuiraa te mau buka ra Les jeunes s’interrogent . . . aore ra Jeunesse, a faaite nafea tatou ia faaohipa maitai i te reira i roto i te taviniraa i te mau avaˈe Tiurai e Atete, ia farerei anaˈe tatou i te mau taurearea i ǒ ratou.

17 mn: E faaohipa maitai anaˈe i te mau ripene video e te mau darama i faaharuharuhia i nia i te mau ripene. E nehenehe anei tatou e faaohipa maitai aˈe i na ripene video 10 e i na darama e 8 na roto i te reo Farani i faaharuharuhia i nia i te mau ripene e horoahia ra e te Taiete? Ua mataitai anei tatou aore ra ua faaroo anei tatou e te toea o to tatou utuafare? A faahiti e rave rahi ripene e a faaite e nehenehe te reira e tauturu ia tatou ia haamaitai i ta tatou taioraa Bibilia, e haapuai te reira ia tatou i te pae varua e e horoa i te hoê faaiteraa maitai no nia i te parau mau. A faaroo i te tahi tuhaa iti no e piti aore ra e toru ripene i haruharuhia. A ani i te feia e faaroo ra eaha te ripene video aore te darama ta ratou e ite e manuïa iho â no te faaitoito i to ratou utuafare e no te aratai i te mau taata apî i roto i te faanahonahoraa. A faatia i te tahi mau tupuraa e faaite ra i te mau faahopearaa maitatai tei noaa mai. (Hiˈo i te Annuaire 1999, mau api 51-52.) A faaitoito i te taata taitahi ia faaohipa maitai i te mau ripene video e te mau darama i faaharuharuhia i nia i te mau ripene.

18 mn: “E hiˈo noa anei tatou i te huru rapaeau?” Oreroraa parau ma te apitihia mai e te feia e faaroo ra. A haamatara i te mau tumu no te aha eita e tia ia tatou ia ore e hiˈo pae tahi atu i te mau taata ta tatou e farerei ra. A faahaamanaˈo poto noa i te haapiiraa ta Iehova i haapii ia Iona, o tei hiˈo ino i te feia o ta ˈna i faariro ei mau taata au ore. (Hiˈo Te Pare Tiairaa o te 15 no Atete 1997, api 22, par. 17-19.) A titau manihini i te feia i putuputu mai ia paraparau no nia i te mau taata huru rau ta ratou e farerei ra i roto i te tuhaa fenua e ia faaite mai nafea ratou ia tapea i te hoê hiˈoraa maitai no nia ia ratou e ia vaiiho e na Iehova e haava ia ratou.

Himene 77 e pure faaotiraa.

Hebedoma o te 28 no Tiunu

Himene 85

12 mn: Parau faaara. A faahaamanaˈo i te taata taitahi i te faufaaraa ia faahoˈi mai i ta ˈna tabula taviniraa no te avaˈe Tiunu. A hiˈo faahou i te pûpûraa no te avaˈe Tiurai. A faaite eaha te mau buka rairai e vai ra ma te navai maitai i roto i te amuiraa e a rave hoê aore ra e piti manaˈo ta tatou e nehenehe e haamatara ˈtu. A faanaho i te hoê faahiˈoraa i faaineine-maitai-hia.

13 mn: No te aha Iehova e faatia ˈi e ia hamani-ino-hia to ˈna nunaa? Oreroraa parau vauvauhia e te hoê matahiapo niuhia i nia i te buka ra Les Témoins de Jéhovah: Prédicateurs du Royaume de Dieu, mau api 676-677. Mai ta Iesu i faaite atea mai, “e ririhia [tatou] e te mau fenua atoa.” (Mat. 24:9) Te faaoromai ra paha tatou i te patoiraa ia poro tatou, ia amuimui atu tatou e te tahi mau melo o to tatou utuafare e ere i te Ite aore ra ia farerei tatou i te mau taata e ere i te mau Ite i te vahi raveraa ohipa aore ra i te fare haapiiraa. Ma te parau faaitoito, e faataa te taeae orero no te aha Iehova e faatia ˈi i te hamani-ino-raa aore ra te patoiraa e e hopoi mai to tatou faaoromai i te mau haamaitairaa i te pae hopea.

20 mn: E haere anaˈe i te vahi te reira te mau taata! Oreroraa parau niuhia i nia i te Annuaire 1997, mau api 42-48. A tamau noa ˈi tatou i te poro na te mau fare, te maimi ra tatou ma te ru i te mau ravea no te horoa i te faaiteraa ma te faanaho-ore-hia, i te mau taime atoa, i te mau vahi atoa. A faatia i te tahi mau tupuraa no roto mai i te Annuaire e faaite ra eaha te mau faahopearaa maitatai ta vetahi i noaa mai ia poro ratou ma te paraparau atu i te mau taata i roto i te pereoo utaraa taata, i roto i te aroâ aore ra i te pae tahatai, i roto i te pereoo o tei tapea ra e i te mau vahi tapearaa pereoo mataeinaa, ma te faaohipa i te niuniu paraparau e ma te papai i te mau rata. Mai te peu e taimehia, a ani i te feia i putuputu mai ia faatia i te tahi mau tupuraa ta ratou i farerei. A faaitoito i te feia tataitahi i putuputu mai ia faaohipa i te mau ravea atoa no te horoa i te hoê faaiteraa i te vahi te reira te mau taata.

Himene 75 e pure faaotiraa.