Putuputuraa no te taviniraa no Novema
Hebedoma o te 2 no Novema
Himene 38
10 mn: Parau faaara. Mau parau faaite e tano a Te taviniraa o te Basileia. A tauaparau no nia i te tabula taviniraa a te amaa no te avaˈe Atete e ta te amuiraa atoa. A faaara i te mau faanahoraa taa ê i ravehia no te pororaa i te 11 no Novema.
15 mn: “E tia ia ratou ia ‘farii maite i te parau ma te mafatu taatoa’!” Ma te mau uiraa e te mau pahonoraa. A rave atoa i te tahi mau manaˈo faahitihia i roto i te api hau o Te taviniraa o te Basileia no Tiunu 1996, par. 21.
20 mn: “E hinaaro vau i te hoê haapiiraa Bibilia!” Tauaparauraa e te feia i tae mai vauvauhia mai e te tiaau no te taviniraa. A faataa nafea tatou, i roto i te amuiraa, ia tutava i te faatupu i te mau hoˈi-faahou-raa e farerei. Mai te peu e e nehenehe, e tauturu te feia poro aravihi i te feia poro apî. E vai ara te feia e haere ra na nia i te hoê â pereoo ia ore ratou ia rahi roa, e nehenehe ïa ratou e rave hau atu â i te mau hoˈi-faahou-raa e farerei. A hiˈo faahou i te mau manaˈo i roto i te api hau o Te taviniraa o te Basileia no Eperera 1998, par. 12-15. Faahiˈoraa: e pûpû te hoê taata poro aravihi i te hoê haapiiraa i roto i te hoê hoˈi-faahou-raa e farerei. A faaitoito i te taatoaraa ia tutava i te haamata i te hoê haapiiraa.
Himene 35 e pure faaotiraa.
Hebedoma o te 9 no Novema
Himene 187
13 mn: Parau faaara. Tabula faufaa moni. Pahonoraa i ta outou mau uiraa.
15 mn: Mau hinaaro o te amuiraa.
17 mn: “E patu anaˈe tatou te tahi i te tahi ma te pahono i te mau putuputuraa.” Ma te mau uiraa e te mau pahonoraa. A faataa e nafea te pahonoraa e tauturu ai ia tatou ia haere i mua i te pae varua. (Hiˈo te Buka no te Haapiiraa, haapiiraa 38, par. 4.) A ani ia vetahi ia faataa mai nafea to ratou haapaiumaraa i to ratou anaanatae ore e horoa i te mau pahonoraa i te mau putuputuraa e te mau haamaitairaa ta ratou i fanaˈo mai.
Himene 51 e pure faaotiraa.
Hebedoma o te 16 no Novema
Himene 182
8 mn: Parau faaara.
20 mn: “Te mau tiaau o te aratai nei ia tatou: te tiaau i te Haapiiraa o te Taviniraa Teotaratia.” Oreroraa parau vauvauhia e te tiaau i te haapiiraa. A hiˈo faahou i te Buka no te Haapiiraa, api 10-11, par. 6-12.
17 mn: “Ia aravihi tatou i roto i ta tatou taviniraa.” E tuatapapahia te mau paratarapha 1-7 o te api hau ma te mau uiraa e te mau pahonoraa. A onoono i nia i te mau manaˈo o te faaohipa-taa-ê-hia i roto i te tuhaa fenua a te amuiraa.
Himene 167 e pure faaotiraa.
Hebedoma o te 23 no Novema
Himene 89
8 mn: Parau faaara. A faahiti i te mau faatiaraa, e vai ra i te api hopea o te A ara mai na! o te 8 no Atete 1998, o te faaite ra i te faahopearaa o te buka ra Te taata rahi roa ˈˈe i nia i te mau taata. E tamoemoe te feia poro atoa i te mau taime no te pûpû atu i teie buka e tia ˈi.
17 mn: “Ia aravihi tatou i roto i ta tatou taviniraa.” E tuatapapahia ma te mau uiraa e te mau pahonoraa te mau paratarapha 8-21 o te api hau. E hiˈopoa maite outou i te mau manaˈo no nia i te tuhaa fenua a te amuiraa.
20 mn: Te tahi mau manaˈo tauturu no te haamaitai i ta outou taioraa Bibilia. Oreroraa parau niuhia i nia i Te Pare Tiairaa o te 1 no Me 1995, api 16-17. A haamatara i te mau haamaitairaa o te fanaˈohia na roto i te taioraa Bibilia i te mau mahana atoa. A haapoto i te mau manaˈo i faahitihia e a faaite nafea ia faaohipa i te reira. E faataa e piti aore ra e toru feia poro nafea to ratou faufaaraahia i ta ratou taioraa i te Parau a te Atua i te mau mahana atoa.
Himene 46 e pure faaotiraa.
Hebedoma o te 30 no Novema
Himene 64
15 mn: Parau faaara. A faahaamanaˈo i te taatoaraa ia faahoˈi i ta ratou mau tabula taviniraa. A faaitoito i te feia aita i haamata i te haapiiraa Bibilia i te avaˈe Novema ia tutava maite i te avaˈe Titema, no te mea e pûpû tatou i te buka ra Te ite e te Traduction du monde nouveau. I roto i te hoê faahiˈoraa, e faaohipa te hoê taata poro aravihi i te tabula, api 19 o te buka ra Te ite, e e faataa oia nafea ia faaohipa i teie buka no te ite i te mau haapiiraa a te Bibilia; e haamata oia i te hoê haapiiraa.
15 mn: E faaohipa maitai anaˈe i te Calendrier des Témoins de Jéhovah 1999. Oreroraa parau. A tauaparau no nia i te mau tuhaa o te kalena: 1) te mau hohoˈa putapû o te faaite ra i te mau tupuraa e te mau haapiiraa Bibilia faufaa roa; 2) te porotarama o te taioraa Bibilia i te mau hebedoma atoa no te Haapiiraa o te Taviniraa Teotaratia; 3) te porotarama o te taioraa Bibilia no te oroa Haamanaˈoraa; 4) te faaararaa o te mau hiˈo-faahou-raa i mua nei; e 5) te mau faahaamanaˈoraa no te apiti tamau i roto i te opereraa o te mau vea. A faaite nafea ia faaohipa i te mau area uouo: tapao i ta tatou porotarama pororaa, tapao i te hora pororaa e te mau putuputuraa no te pororaa, tapao i te mau tumu parau i horoahia mai, te tere farereiraa o te tiaau haaati e te mau tairururaa i mua nei. Ma te tuuraa i te kalena i te hoê vahi e ite-mata-hia i ǒ tatou aore ra i ta tatou vahi raveraa ohipa, e nehenehe ïa tatou e haamata i te mau tauaparauraa Bibilia. A faatia i te tupuraa i roto i te Buka matahiti 1988, api 8 (Farani).
15 mn: E haafaufaa anaˈe i te vea iti apî ra Eaha te tupu i nia ia tatou ia pohe tatou? A haapoto i te mau manaˈo faufaa o te vea iti. Te faaite ra oia i te mau tumu o te tiaturiraa i roto i te pohe-ore-raa o te nephe e e faataa mai oia mea nafea te reira i te riroraa mai ei niu fatata i roto i te mau haapaoraa atoa o te ao nei. Te faataa ra oia ma te au i ta te Bibilia e parau ra no nia i te nephe, no te aha te pohe, te huru o te feia pohe, te tiaturiraa i te hoê oraraa i muri aˈe i te pohe e te mau tumu e tia ˈi ia tatou ia ite i te parau mau no nia i teie mau uiraa. E tia i te taatoaraa ia taio i teie vea iti. A haafaufaa vetahi o na hohoˈa e 40, e tae noa ˈtu i te mau faahitiraa e vai ra i te omuaraa o te mau pene atoa e o te nehenehe e faaohipahia no te faaara i te anaanatae o te taata. A faaite nafea ia pûpû i te hoê haapiiraa Bibilia ia au i te pene hopea. A ani i te feia poro ia faataa nafea ratou e manaˈo ai e faaohipa i teie vea iti i roto i te pororaa.
Himene 121 e pure faaotiraa.