Putuputuraa no te taviniraa no Setepa

Hebedoma o te 7 no Setepa

Himene 28

10 mn: Parau faaara. Mau parau faaite e tano a Te taviniraa o te Basileia. A haapoto i te tumu parau tarenihia “E manaˈo teie.”

15 mn: “E nehenehe tatou e rave i te mau ohipa rahi atu â.” Ma te mau uiraa e te mau pahonoraa. A faaitoito i te feia tataitahi ia haamau i te mau tapao e tano no te matahiti taviniraa apî e ia rave i te mau tutavaraa rahi ia naeahia te reira.—Hiˈo Notre ministère, mau api 116-118.

20 mn: “Te tauturu nei te mau pionie ia vetahi ê.” E faataa te hoê matahiapo e, taa ê atu i te faaineineraa ta te Haapiiraa o te Taviniraa Teotaratia e horoa ra, ua ravehia te mau faanahoraa ia horoa te mau pionie i te hoê tauturu taa ê ia vetahi ê i roto i te taviniraa. E faahiti oia i te mau uiraa e vai ra i roto i te tumu parau e e ani oia i te feia i tae mai ia pahono mai, te mau pionie iho â râ e te feia poro e apiti ra i taua porotarama ra. A faaite e nafea ia faufaahia i te reira. E nehenehe te mau pionie e faahiti i te mau oaoa e te mau haamaitairaa ta ratou e fanaˈo ra ia tauturu ia vetahi ê. E nehenehe atoa te feia poro e fanaˈo ra i taua porotarama ra e faaite i to ratou manaˈo no nia i taua faanahoraa î i te here ra e e faahiti i te mau mea i aravihi e i oaoa roa ˈtu ai ratou i roto i te taviniraa.

Himene 172 e pure faaotiraa.

Hebedoma o te 14 no Setepa

Himene 160

10 mn: Parau faaara. Tabula faufaa moni.

15 mn: Eaha ta te Atua e titau ra ia tatou? Oreroraa parau. E haamata tatou i te hiˈopoa i teie vea iti i te hebedoma i mua nei i roto i te haapiiraa buka. A titau i te taata tataitahi ia faaineine ia ratou e ia tae mai i te mau hebedoma atoa no te ite maitai e no te haapii i te vea iti e te tahi atu mau taata. A taio i roto i te vea iti i te paratarapha ra “Nafea ia faaohipa i teie vea iti.” Maoti Te Pare Tiairaa o te 15 no Tenuare 1997, mau api 16-17, a haamatara i te faufaaraa ia haapii ma te faaohipa i te mau uiraa, te mau irava e te mau hohoˈa i roto i te vea iti. E tia i te mau taeae faatere i te haapiiraa buka ia horoa i te hiˈoraa maitai i te feia e faatere ra i te mau haapiiraa Bibilia i te fare o te mau taata, na roto i te oreraa e paraparau rahi roa e e faaô mai i te mau manaˈo hau.—Hiˈo Te taviniraa o te Basileia no Tiunu 1996, api 3, par. 5.

20 mn: Eaha ta tatou i rave i te matahiti i mairi aˈenei? E hiˈopoa te taeae papai parau e te tiaau no te taviniraa i te tabula taviniraa a te amuiraa e te mau numera o te feia i tae mai i te mau putuputuraa i te matahiti i mairi aˈenei. E faahiti raua i te mau tuhaa maitatai o te tabula e e haamatara raua i te mau tuhaa te nehenehe e haamaitaihia. I te avaˈe Atete, 100 % feia poro anei tei apiti i roto i te taviniraa? A faaite i te mau tapao ta te mau matahiapo e tutava i te titau i te mau avaˈe i mua nei (e tauturu iho â râ ratou i te feia poro atoa ia apiti tamau mai). A faahiti i te mau manaˈo e tano o te tabula hopea a te tiaau haaati.

Himene 144 e pure faaotiraa.

Hebedoma o te 21 no Setepa

Himene 122

10 mn: Parau faaara. Mau parau apî teotaratia.

15 mn: Mau hinaaro o te amuiraa.

20 mn: “E haapii anaˈe i te haamatau i to tatou mau taeae.” Ma te mau uiraa e te mau pahonoraa. A rave i te mau manaˈo o Te Pare Tiairaa o te 1 no Atopa 1988, mau api 10-11. A titau i te feia atoa i tae mai ia tutava i te haapii i te haamatau maitai te tahi i te tahi.

Himene 34 e pure faaotiraa.

Hebedoma o te 28 no Setepa

Himene 17

12 mn: Parau faaara. A faahaamanaˈo i te feia poro ia faahoˈi mai i ta ratou tabula taviniraa no Setepa. A faaitoito i te feia tataitahi ia rave i te mau faanahoraa no te poro hau atu â na te mau fare i te avaˈe Atopa no te opere hau atu i te mau vea. E ite outou i te mau manaˈo tauturu i roto i Te taviniraa o te Basileia no Atopa 1996, api 8, no te faaineine i te mau faaiteraa. Faahiˈoraa: a faaite i te mau vea apî roa. E rave rahi anaˈe i te mau vea no te pororaa i te hopea hebedoma.

20 mn: “Te mau tiaau o te aratai nei ia tatou: te tiaau no te taviniraa.” Oreroraa parau na te tiaau no te taviniraa. I muri aˈe i te faaiteraa i ta ˈna mau hopoia, e faataa oia e na roto i teihea mau ravea papu maitai e nehenehe ai te amuiraa e turu no te poro hau atu â e ma te maitai aˈe i roto i te tuhaa fenua.

13 mn: Nafea ia riro ei taata poro maitai? Oreroraa parau e te tahi mau uiraa e uihia ˈtu i te feia i tae mai. Eita e titauhia te tahi mau huru aravihi faahiahia roa aore ra te tahi mau ite taa ê; mea maitai aˈe e na tatou taitahi iho e hinaaro, ia î tatou i te here, te haehaa, te itoito e te mauruuru. A ani i te feia i tae mai ia parau e no te aha e mea maitai 1) ia oaoa, 2) ia haere e ia apiti tamau i te mau putuputuraa, 3) ia farii ma te aau tae i te mau hopoia e ia rave i te reira, 4) ia turu i te mau matahiapo e te mau faanahoraa i ravehia no te amuiraa, 5) ia anaanatae mau ia vetahi ê na roto i te tururaa ˈtu ia ratou e 6) ia apiti tamau i roto i te pororaa e ia faahoˈi oioi i te hoê tabula i te mau avaˈe atoa.

Himene 25 e pure faaotiraa.