Putuputuraa no te taviniraa no Novema
Hebedoma o te 3 no Novema
Himene 48
10 mn: Parau faaara. Mau parau faaite e tano a Te taviniraa o te Basileia. “Te parau apî maitai i nia i te Internet.” A faataa mai i te tabula taviniraa o te fenua nei no te avaˈe Atete, e ta te amuiraa atoa. A faaite i te mau faanahoraa taa ê i ravehia no te pororaa i te 11 no Novema.
15 mn: “Ua iritihia te opani rahi no te taviniraa.” Oreroraa parau na te hoê matahiapo, e turuhia mai e te feia i tae mai. A faaitoito i te feia atoa e nehenehe ia poro hau atu â. A horoa atoa i te mau aˈoraa no roto mai i Te Pare Tiairaa o te 15 no Atete 1988, api 22 (Farani).
20 mn: “E faahotu anaˈe i te anaanatae o te taata i Te parau apî o te Basileia.” Ma te mau uiraa e te mau pahonoraa. Mau faahiˈoraa niuhia i nia i te par. 6. I roto i te hoê faahiˈoraa, a faaite e nafea ia haamata i te hoê haapiiraa Bibilia.
Himene 144 e pure faaotiraa.
Hebedoma o te 10 no Novema
Himene 51
10 mn: Parau faaara. Tabula faufaa moni. A faaite i te amuiraa e eaha te mau vahi o te tuhaa fenua te tia â ia operehia Te parau apî o te Basileia n° 35. A ani i te feia atoa i tae mai ia tutava rahi i roto i teie opereraa taa ê.
15 mn: Mau hinaaro o te amuiraa.
20 mn: “E anaanatae anaˈe i te mau hoa faaipoipo e ere ratou i te Ite.” Aparauraa i rotopu e piti matahiapo e hinaaro mau ra e haamatau i te mau hoa faaipoipo e ere ratou i te Ite no Iehova. E tuatapapa atoa raua i te mau manaˈo e horoahia ra i roto i Te Pare Tiairaa o te 1 no Me 1989, api 25-26, par. 6-9. A faahiti i te tahi mau faatiaraa no roto i Te Pare Tiairaa o te 1 no Atopa 1995, api 10-11, par. 11-12.
Himene 148 e pure faaotiraa.
Hebedoma o te 17 no Novema
Himene 53
10 mn: Parau faaara. A faatia mai i te tahi mau ohipa i tupu i roto i te opereraa i Te parau apî o te Basileia n° 35 i roto i te tuhaa fenua a te amuiraa.
20 mn: A faaohipa i teie ravea otahi! Oreroraa parau i niuhia i nia i te tumu parau o Te Pare Tiairaa o te 15 no Novema 1996, api 21-23.
15 mn: “Eaha ta ˈu e parau?” Aparauraa e te feia i tae mai. A faaohipa i te paratarapha e haamata i te reni hopea o te api 7 o te buka ra Comment raisonner e a faataa e mea nafea te huru faanahoraa o teie buka ia tauturu ia tatou ia faaite i te poroi ma te aravihi, no nia i te mau tumu parau tauaparauraa Bibilia taa ê. A faahohoˈa i te reira na roto i te hoê aore ra e piti faahiˈoraa faaineine-maitai-hia.
Himene 151 e pure faaotiraa.
Hebedoma o te 24 no Novema
Himene 56
8 mn: Parau faaara.
15 mn: Te mau peu maitatai i te Haapiiraa Buka a te Amuiraa. Te mauruuru nei tatou no te farii maitai o te mau utuafare e horoa nei i to ratou fare no te faatupu i te haapiiraa buka. E titau hoi te reira i te mau faaineineraa rahi e e ere atoa i te mea ohie. Ia haere anaˈe tatou i te haapiiraa, e tia ia tatou ia faaite i te mau peu maitatai, i te faatura e te haapao maitai, ma te ara iho â râ i te mau tuhaa i muri nei: 1) E tia ia tamǎrô maitai i to tatou avae hou tatou e tomo ai i roto i te fare, ia ore tatou ia faarepo i te tahua aore ra i te mau vauvau tahua. 2) E tia i te mau metua ia haapao i ta ratou mau tamarii, ia hiˈo e e haerea maitai to ratou e ia faaea noa ratou i roto i te piha o te fare i faataahia no te haapiiraa buka. 3) Noa ˈtu e mea nainai aˈe te pǔpǔ e tei roto i te hoê utuafare fetii, ua riro te haapiiraa buka ei putuputuraa no te amuiraa, e e tia ia tatou ia faanehenehe mai te ravehia i te Piha no te Basileia. 4) I muri aˈe i te putuputuraa, e ara tatou ia ore ia tauaparau maoro roa e te tahi atu mau taeae e mau tuahine, ia nehenehe te mau melo o te utuafare e fanaˈo rii i te tahi taime faafaaearaa no ratou. 5) Te vai ra paha te tahi mau taime, e faaineine te utuafare farii i te haapiiraa buka, i te tahi inu aore ra te tahi amuamuraa i muri aˈe i te putuputuraa, tera râ, e tia ia tatou tataitahi ia haamanaˈo e aita e titauraa i te reira aore ra e faaheporaa.
22 mn: E faariro anaˈe i te taata ei pǐpǐ, e haapii anaˈe ia ratou. E faatere te hoê matahiapo i te hoê aparauraa i rotopu e toru aore ra e maha feia poro; e pahono ratou i te mau uiraa e vauvauhia ra i roto i te buka ra Notre ministère, api 89-93: 1) No te aha e mea faufaa roa ia rave i te mau hoˈi-faahou-raa e farerei, ia manuïa ta tatou taviniraa? Nafea ia haapaiuma i te fifi ra e rave i te mau hoˈi-faahou-raa e farerei? 2) No te aha tatou e onoono ai i nia i te faufaaraa ia haamata i te mau haapiiraa Bibilia? Eaha te nehenehe e tauturu ia tatou ia faaaravihi ia tatou no te faatere i te mau haapiiraa? 3) No te aha e mea faufaa roa ia aratai i te mau taata haapii i roto i te faanahonahoraa? Nafea tatou ia rave i te reira? E faataa atoa te mau taeae e mea nafea te mau Taviniraa o te Basileia hopea nei no Tiunu 1996, no Mati e no Eperera 1997 i te tautururaa ia ratou i roto i teie mau tuhaa.
Himene 160 e pure faaotiraa.