Putuputuraa no te taviniraa no Setepa
Hebedoma o te 1 no Setepa
Himene 26
10 mn: Parau faaara. Mau parau faaite e tano a Te taviniraa o te Basileia.
15 mn: “E horoa anaˈe te tuhaa matamua i te mau mea hau atu i te faufaa.” Ma te mau uiraa e te mau pahonoraa. Mai te peu e e taimehia, a faataa mai i te mau paratarapha i raro aˈe i te upoo parau iti ra “A haamau na i te hoê tabura maitai no te mau mea faufaa roa ˈˈe” i roto i te A ara mai na! o te 8 no Febuare 1987, api 19-20.
20 mn: “E faaite anaˈe ia vetahi ê i Te ravea e itehia ˈi te oaoa i te utuafare.” Oreroraa parau. Mau faahiˈoraa no nia i te mau par. 2-5. A haamatara i te faufaaraa ia tapitapi no te faariroraa i te taata ei pǐpǐ e ia naeahia te fa e haamata i te mau haapiiraa Bibilia.
Himene 107 e pure faaotiraa.
Hebedoma o te 8 no Setepa
Himene 27
10 mn: Parau faaara. Tabula faufaa moni.
10 mn: Mau hinaaro o te amuiraa.
10 mn: “Te mau haapiiraa Bibilia o te faariro i te taata ei pǐpǐ.” Oreroraa parau.
15 mn: E tauaparau te hoê matahiapo no nia i te mau paratarapha i raro aˈe i te upoo parau iti ra “A faaitoito i te feia haapii ia pûpû ia ratou no te Atua e ia bapetizo” (api hau o te km-TH 6/96, par. 20-22) e te tahi feia poro aravihi o te faatere nei i te mau haapiiraa.
Himene 109 e pure faaotiraa.
Hebedoma o te 15 no Setepa
Himene 30
10 mn: Parau faaara.
15 mn: E faaohipa maitai anaˈe i te mau ripene video. A hiˈopoa faahou i te mau manaˈo e horoahia ra no nia i te faaohiparaa i te mau ripene video a te Taiete, e a faatia i te tahi mau ohipa i tupu e faataa ra e mea nafea ia faaohipa maitai atu â i teie mau ripene, i roto i to tatou utuafare e i roto atoa i te taviniraa.
20 mn: Te faaohipa ra anei tatou i te vea iti ra L’école? E tuatapapa te hoê matahiapo i te tumu parau o Te Pare Tiairaa o te 1 no Atopa 1985, api 30-31 (Farani), e te mau metua e te mau tamarii. E faataa mai ratou e nafea ratou ia faaohipa i te vea iti ra L’école.
Himene 112 e pure faaotiraa.
Hebedoma o te 22 no Setepa
Himene 32
8 mn: Parau faaara.
17 mn: Nafea ia haamata i te hoê aparauraa. Ia manuïa ta tatou taviniraa, te tuhaa faufaa roa ˈˈe, o te neheneheraa ïa e haamata i te mau aparauraa anaanatae mau e te taata. Ia manuïa tatou i te faahiti i te tahi parau o te huti mai i to ratou ara-maite-raa, e haapaiuma ïa tatou i te hoê o te mau otia faufaa roa ˈˈe e farereihia nei i roto i te pororaa. A tauaparau e te feia i tae mai no nia i te mau manaˈo faufaa o te haapiiraa 16, par. 11-14, o te Buka no te Haapiiraa. A ani i te tahi feia poro aravihi, mea ohie hoi no ratou ia haamata i te mau aparauraa, ia faaite mai e eaha te mau parau faaomuaraa o ta ratou e faahiti nei no te paraparau atu i 1) te hoê taata e hahaere noa ra na nia i te aroâ, 2) te hoê horopatete i nia i te pereoo mataeinaa, 3) te hoê rave ohipa aore ra te hoê taata hoo i roto i te fare toa, 4) te hoê taata e hoohoo haere ra aore ra o tei farereihia i te vahi tapearaa pereoo, 5) te hoê taata e parahi noa ra i roto i te hoê aua faafaaearaa e 6) te hoê taata i taniuniuhia ˈtu.
20 mn: A hiˈopoa i te tabula a te amuiraa no te matahiti taviniraa 1997. E haapopou te tiaau no te taviniraa i te amuiraa no te mau tutavaraa maitatai roa o ta ˈna i rave, i te mau avaˈe Mati, Eperera e Me iho â râ. E horoa oia i te mau manaˈo no ǒ mai i te tino matahiapo i niuhia i nia i te tabula a te tiaau haaati i to ˈna tere hopea nei, no te faaitoito i te ohipa pororaa e te mau haapiiraa Bibilia. E faahiti oia i te tahi mau fa tano maitai no te matahiti taviniraa apî, ei hiˈoraa, te haamataraa e te faatereraa i te mau haapiiraa Bibilia, te raveraa i te taviniraa pionie tauturu i te mau avaˈe Novema, Me e Atete, e pae hoi hopea hebedoma i taua mau avaˈe ra.
Himene 113 e pure faaotiraa.
Hebedoma o te 29 no Setepa
Himene 37
15 mn: Parau faaara. A faahaamanaˈo i te taata atoa ia tuu i ta ˈna tabula taviniraa. A faaite e e haamata tatou i te haapii i te buka ra Te oaoa i te utuafare i teie hebedoma i mua i roto i te mau haapiiraa buka. No te faaineine i te opereraa vea e tupu i te avaˈe Atopa, a faahiti i te faufaaraa ‘ia hiˈopoa maitai i ta tatou tuhaa fenua,’ ‘ia ite maitai eaha to roto i ta tatou mau vea,’ ‘ia faaineine i ta tatou mau parau faaomuaraa,’ ‘ia ite i te faatano ia tatou i te taata’ e ‘ia tauturu i te tahi e te tahi,’ e mau manaˈo teie i vauvauhia i roto i Te taviniraa o te Basileia no Atopa 1996, api 8.
15 mn: Nafea te hoê Kerisetiano ia titauhia mai oia no te hopoia tia haava? Oreroraa parau a te hoê matahiapo no nia i Te Pare Tiairaa o te 1 no Eperera 1997, api 27-29.
15 mn: E faahanahana anaˈe i ta tatou taviniraa. Aparauraa e te feia i tae mai no nia i te mau api 82-84 o te buka ra Notre ministère. A ui i te mau uiraa i muri nei no te haamatara i te mau manaˈo faufaa: 1) Eaha te mau haamaitairaa e noaa mai ia pee tatou i te hiˈoraa o Iesu? 2) Eaha te faufaaraa o ta tatou hopoia e poro? 3) Eaha te mea i turai ia tatou ia pûpû i to tatou ora no Iehova? 4) Eaha te haerea o te hoê taata o te hinaaro ra e tavini i te Atua? 5) Eaha ta tatou e haapii no nia i te huru pororaa a Iesu?
Himene 121 e pure faaotiraa.