Putuputuraa no te taviniraa no Tiurai
NOTA: Te vai ra i roto i Te taviniraa o te Basileia te porotarama o te hoê putuputuraa no te taviniraa no te hebedoma tataitahi o te mau avaˈe Tiurai e Atete. E rave te mau amuiraa i te mau tauiraa e titauhia ma te ara e e haere atu ratou i te tairururaa mataeinaa “Te faaroo i roto i te Parau a te Atua” e e rave ratou, i te putuputuraa no te taviniraa e tupu i te hebedoma i muri iho, i te hoê hiˈo-faahou-raa e 30 minuti no nia i te mau manaˈo faufaa roa ˈˈe o te porotarama. E horoa-oioi-hia teie hiˈo-faahou-raa i tera e tera mahana na e piti aore ra e toru taeae aravihi o te haamatara i te mau manaˈo faufaa roa ˈˈe. Ia faaineine-maitai-hia, e tauturu oia i te mau melo o te amuiraa ia tapea mai i te mau manaˈo matamua, ia faaohipa ratou no ratou iho e i roto i te pororaa. E mea poto e te papu te mau pahonoraa a te feia i putuputu mai e te mau faatiaraa e faahitihia.
Hebedoma o te 7 no Tiurai
Himene 6
10 mn: Parau faaara. Mau parau faaite e tano a Te taviniraa o te Basileia. A faataa i te tabula taviniraa o te avaˈe Eperera no Polinesia nei e no te amuiraa atoa. A faahiti i te mau faanahoraa i ravehia no te pororaa i te 14 no Tiurai.
15 mn: “E haamauruuruhia te taiva-ore-raa.” Ma te mau uiraa e te mau pahonoraa. A faahiti i te aamu i roto i te A ara mai na! o te 8 no Tenuare 1993, api 29-32.
20 mn: “E tauturu anaˈe i te taata ia ite i te tamǎrûraa.” Aparauraa e te feia i tae mai. A faaineine hoê aore ra e piti faahiˈoraa no nia i te mau faaiteraa e horoahia ra. A ani i te tahi mau melo i tae mai ia faatia e mea nafea to ratou haamataraa i te mau aparauraa i nia i taua mau vea iti atoa ra, na roto i te tahi mau ravea ê atu. A faaitoito ia faaohie e ia maiti maitai i ta tatou parau no te faaara i te anaanatae. (Hiˈo te Buka no te Haapiiraa, api 7, par. 9-11.) A faahiti i te tahi atu mau vea iti e vai nei i roto i te amuiraa, e nehenehe atoa e pûpûhia.
Himene 70 e pure faaotiraa.
Hebedoma o te 14 no Tiurai
Himene 5
12 mn: Parau faaara. Tabula faufaa moni. Haapotoraa o te tumu parau ra “E haapii tatou i te buka ra Te oaoa i te utuafare.”
18 mn: “E poro anaˈe i te vahi e tei reira te taata.” Oreroraa parau. Mai te peu e e taimehia, a faahiti i te tahi atu mau aamu no roto mai i te Annuaire 1997, api 43-46.
15 mn: E te mau metua: a haapii i ta outou mau tamarii mai te aruaruraa mai â. E hiˈopoa te hoê matahiapo i te mau faaueraa tumu a te mau Papai e haamatara ra i te faufaaraa ia haapii te mau metua i ta ratou mau tamarii mai te aruaruraa mai â. (Mas. 22:6; Tim. 2, 3:14, 15) Te manaˈo nei vetahi mau metua e e tia ia tiai e ia naea-roa-hia te mau tamarii i te matahiti e nehenehe ai ratou e rave i ta ratou iho faaotiraa, hou e horoa ˈtu ai i te hoê haapiiraa Bibilia papu. No reira ˈtura, e rave rahi mau tamarii o tei pee atu i teie nei ao. E tia ia haamatahia te haapiiraa pae varua mai te aruaruraa mai â. (g97-TH 8/3 14-15; w88-TH 1/8 10-11) A uiui i te hoê tane e ta ˈna vahine o te tapitapi nei no te huru pae varua o ta raua mau tamarii. A faaite e na te metua tane e rave nei i te opuaraa, tera râ, te rave nei ta ˈna vahine e o ˈna atoa i ta raua iho tuhaa no te horoa i te hoê porotarama haapiiraa tano maitai e te hohonu, na ta raua mau tamarii. E faataa raua i te mau tutavaraa ta raua e rave nei no te haapii i te parau mau i ta raua mau tamarii ma te pee i te mau manaˈo tauturu a te faanahonahoraa no te fanaˈo i te hoê porotarama haapiiraa ohie no te utuafare. E haapapu te matahiapo i te faufaaraa ia faaohipa i te mau aˈoraa ta te Parau a te Atua e horoa ra i te mau metua.—Eph. 6:1-4.
Himene 71 e pure faaotiraa.
Hebedoma o te 21 no Tiurai
Himene 14
12 mn: Parau faaara. Haapotoraa o te tumu parau ra “Te porotarama o te rururaa haaati i mua nei.”
13 mn: “O vai te haere no tatou?” Oreroraa parau o te faaitoito. A faahiti i te titau-manihini-raa e riro ei pionie tamau e i te aamu i roto i te tumu parau hau o Te taviniraa o te Basileia no Febuare 1997, par. 16-17. Te feia eita ta ratou e nehenehe e riro ei pionie tamau, peneiaˈe e hinaaro ratou e faanaho hoê avaˈe aore ra hau atu no te riro ei pionie tauturu i roto i te matahiti taviniraa i mua nei.
20 mn: E faaineine anaˈe ia tatou no te horoa i te faaiteraa i te taime faanaho-ore-hia. I te mau mahana atoa, te fa mai nei te mau taime e tano no te horoa i te faaiteraa i te mau taata o ta tatou e farerei nei. I taua mau taime ra paha tatou e ite ai e aita ta tatou e Bibilia aore ra e papai. E tia ïa ia ineine aˈena. I te fare, a tuu i te tahi mau papai i te vahi ohie ia rave mai, i pihai iho i te opani i reira tatou e farii ai i te feia e haere mai i te fare. A tuu atoa i te tahi i roto i te hoê vairaa papie aore ra i te hoê pute ta tatou e rave na muri iho ia tatou aore ra ta tatou e vaiiho i roto i to tatou pereoo, i ta tatou vahi raveraa ohipa aore ra i roto i ta tatou afata tauihaa i te fare haapiiraa. A rave atoa i te tahi ia haere tatou na nia iho i te mau faurao huiraatira. Ia ratere anaˈe tatou no te tahi ohipa tapihoo, ia haere tatou i te hoê rururaa aore ra no te tau faafaaearaa, a tuu i te tahi mau papai i roto i ta tatou mau pute. A tuatapapa i te mau manaˈo ê atu e horoahia ra i roto i te Buka no te Haapiiraa, api 80-82, par. 11-16. Mau faahiˈoraa poto noa e faaite e nafea ia haamata i te aparauraa e te hoê taata hoo i te fare toa, te hoê hoa rave ohipa, te hoê hoa haapiiraa, te hoê ratere aore ra te hoê taata i te tau faafaaearaa.
Himene 72 e pure faaotiraa.
Hebedoma o te 28 no Tiurai
Himene 15
12 mn: Parau faaara. A faahaamanaˈo i te taata atoa ia tuu i ta ˈna tabula taviniraa. A faahiti i te papai e pûpûhia i te avaˈe Atete. I te avaˈe Atete, e tutava taa ê tatou no te hoˈi e farerei i te feia i rave i te mau vea iti i te avaˈe Tiurai, no te haamata i te mau haapiiraa Bibilia. Ma te faaohipa i te tumu parau hau o Te taviniraa o te Basileia no Mati 1997, a haamatara i te tahi mau manaˈo faufaa no te rave i te mau hoˈi-faahou-raa e farerei e manuïa. E tia ia haamata i te mau haapiiraa e te vea iti ra Titau aore ra te buka ra Te ite.
15 mn: Mau hinaaro o te amuiraa.
18 mn: Ia rave faahope roa tatou i ta tatou taviniraa. Oreroraa parau vauvauhia e te tiaau no te taviniraa niuhia i nia i te buka ra Notre ministère, api 5-8. A haamatara i te faufaaraa o te pororaa e te ru o teie ohipa na roto i te faaitoitoraa i te taata tataitahi ia haafaufaa i ta ˈna mau hopoia ei tavini.
Himene 75 e pure faaotiraa.