Mau parau faaite

◼ Mau papai e pûpûhia i te avaˈe Mati: Te ravea e itehia ˈi te oaoa i te utuafare no te tino moni e 80 tara. Eperera e Me: Te Pare Tiairaa e te A ara mai na! no te tino moni e 20 tara. I roto i te hebedoma e i roto i te mau tuhaa fenua poro-pinepine-hia, e nehenehe e pûpû i te vea iti apî ra Eaha ta te Atua e titau ra ia tatou? Tiunu: Te ite e aratai i te ora mure ore no te tino moni e 80 tara. A tutava i te haamata i te mau haapiiraa Bibilia i te fare o te taata.

◼ E tia i te tiaau-peretiteni aore ra te hoê taeae o ta ˈna i maiti, ia hiˈopoa i te tabula faufaa moni a te amuiraa i te 1 no Mati, aore ra i muri noa iho i teie taio mahana. I muri iho, e faaarahia ˈtu te amuiraa e ua oti teie hiˈopoaraa.

◼ I teie matahiti, e vauvauhia te oreroraa parau taa ê i faanahohia no te tau o te oroa Haamanaˈoraa i roto i te rahiraa o te mau amuiraa i te Sabati 6 no Eperera. Teie te upoo parau: “Ia haapae tatou i te mau haaviiviiraa o teie nei ao.” E tia ia tatou pauroa ia tae mai e ia titau manihini atoa i te feia farii maitai o tei haere mai i te oroa Haamanaˈoraa. Eita e ore e e haapuai teie oreroraa parau ia tatou ia tutava â i te faaoaoa i te Atua.

◼ Ia faufaahia tatou i te haapiiraa i te buka ra Te taata rahi roa ˈˈe i roto i te mau haapiiraa buka, a taio faahou i te mau manaˈo maitatai roa e horoahia ra i te api 1 o Te taviniraa o te Basileia no Setepa 1992. Te faataa ra teie tumu parau e nafea ia faaineine i te tuhaa tataitahi e nafea atoa te haapiiraa buka ia faaterehia. E faufaahia te mau taeae faatere i te haapiiraa buka e te feia atoa e haere mai nei i teie putuputuraa, ia taio faahou ratou i teie mau manaˈo.

◼ I tera e tera tau o te matahiti, e taime faaearaa haapiiraa ïa e aita atoa e ohipa i te mau mahana férié. E mau taime tano roa ïa no te amuiraa ia poro hau atu â. E tia i te mau matahiapo ia faanaho i taua mau taime ra, e ia faaara atea i te amuiraa e eaha te mau faanahoraa i ravehia no te pororaa tapǔpǔ i te mau mahana férié.

◼ Buka apî:

Farani: Les Saintes Écritures—Traduction du monde nouveau (neneiraa apî, buka parauhia de luxe DLbi12, paa iri puaa ereere aore ra uteute paˈo)

◼ Pehe uira apî:

Pehe o te Basileia, Pehe 2 (cdm-2)

◼ Buka e vai faahou ra:

Farani: Les Saintes Écritures—Traduction du monde nouveau (neneiraa apî)

◼ Ripene e vai faahou ra:

E haamaitai ia Iehova na roto i te himene (113 ripene i roto e 5 afata)