Te mau tairururaa nunaa i Marite Apatoerau i te matahiti 1998

Mai tei faaitehia i te rururaa matahiti a te Watch Tower Bible and Tract Society of Pennsylvania, i tupu i te Mahana maa 5 no Atopa 1996, te opua ra te Tino Aratai e faatupu i te mau tairururaa nunaa i te matahiti 1998. Taa ê atu i te mau tairururaa mataeinaa matauhia, e faatupuhia te mau tairururaa nunaa i Marite Apatoerau, e tae noa ˈtu i Afirika, i Asia, i Europa, i Marite Latino, i te mau motu Antilles e i Patitifa Apatoa.

E rave rahi o teie mau tairururaa taa ê te tupu i Marite Apatoerau, e e titau-manihini-hia te mau tia no te ao atoa nei. Hau atu, te opuahia ra e faahaere mai i te mau mitionare i taua mau tairururaa nunaa ra. E titau-manihini-hia te mau mitionare e vetahi atu mau taeae e rave ra i te taviniraa taa ê i te fenua ê, e te faaî nei i te mau titauraa, ia haere i te hoê o taua mau tairururaa ra i roto i to ratou iho fenua, aore ra i te hoê fenua tapiri.

E faataehia ˈtu te mau haamaramaramaraa hau atu a muri aˈe, no nia i te mau taio mahana, te mau vahi, te mau titauraa e tia ia faaî no te riro ei tia, te mau faanahoraa i ravehia no te mau tia no te mau fenua ěê, e vetahi atu mau tuhaa. E taotiahia te numera o te mau tia e nehenehe e haere atu i taua mau tairururaa nunaa ra i roto i te tahi atu mau fenua. Te feia e opua ra e faaî i te parau aniraa no te riro ei tia, e nehenehe ïa ratou e haamata i te haaputu i te moni no teie mau ohipa taa ê.