Putuputuraa no te taviniraa no Mati

Hebedoma o te 3 no Mati

Himene 53

10 mn: Parau faaara. Mau parau faaite e tano a Te taviniraa o te Basileia. A faaitoito i te taata tataitahi ia haamata i te titau manihini i te feia farii maitai ia haere mai i te oroa Haamanaˈoraa e tupu i te 23 no Mati. A faaite i te hoê parau titau-manihini-raa i te oroa Haamanaˈoraa e a faaitoito i te taata atoa ia haere e tii i te tahi e ia haamata i te opere atu i teie hebedoma.

15 mn: “E patu anaˈe i to tatou utuafare.” Ma te mau uiraa e te mau pahonoraa. A faahiti i te mau aamu no roto mai i te Annuaire 1995, api 228.

20 mn: “E tauturu anaˈe i te mau utuafare ia haamau i te hoê oraraa papu no a muri aˈe.” (par. 1-5) A faataa poto noa mai i te par. 1 e a faaite i muri iho e nafea ia faaara i te anaanatae no te buka ra Te oaoa i te utuafare, na roto i te faaohiparaa i te mau upoo parau o te mau pene, te mau hohoˈa peni rau e te mau tumu parau haamanaˈoraa tarenihia. A ani i te tahi feia poro aravihi ia rave mai i te mau faahiˈoraa no nia i te mau par. 2-5. A faaitoito i te taata tataitahi ia tutava i te vaiiho i te buka ra Te oaoa i te utuafare na te mau utuafare o tei anaanatae na.

Himene 71 e pure faaotiraa.

Hebedoma o te 10 no Mati

Himene 56

10 mn: Parau faaara. Tabula faufaa moni. A faaite e e tia i te taata tataitahi ia haamanaˈo i te rave i te taioraa Bibilia no te oroa Haamanaˈoraa i faanahohia mai te 18 tae atu i te 23 no Mati; ua tapaohia teie porotarama i roto i te vea iti ra E hiˈopoa anaˈe i te mau Papai i te mau mahana atoa.

20 mn: “Ia mauruuru roa tatou.” Ma te mau uiraa e te mau pahonoraa. E tia ia tatou pauroa ia rave i te hoê tutavaraa taa ê no te titau manihini i te feia e haapii nei i te Bibilia, i te feia farii maitai, i to tatou mau fetii tei farii maitai mai, e i te mau taeae e te mau tuahine atoa o te ore e haere tamau mai nei i te mau putuputuraa, ia haere mai i te oroa Haamanaˈoraa. Faahiˈoraa poto noa: e titau manihini te hoê taata poro i te hoê taata farii maitai ma te faaohipa i te hoê parau titau-manihini-raa i te oroa Haamanaˈoraa. A faataa atoa i te manaˈo no roto mai i Te Pare Tiairaa o te 1 no Tiurai 1988, api 11, par. 16-17. A faaitoito i te feia atoa e nehenehe ia riro ei pionie tauturu i te mau avaˈe Eperera e Me.

15 mn: “E tauturu anaˈe i te mau utuafare ia haamau i te hoê oraraa papu no a muri aˈe.” (par. 6-8) A horoa i te tahi mau manaˈo e faaite e nafea ia pûpû i te buka ra Te oaoa i te utuafare ia poro anaˈe tatou i te taime faanaho-ore-hia i te vahi raveraa ohipa, i te fare haapiiraa, na te pae tahatai, na nia i te mau faurao, e ia haere atoa ˈtu tatou e hiˈo i to tatou mau fetii. A ani i te hoê taata poro aravihi ia rave i te hoê faahiˈoraa no nia i te mau par. 6 e te 7. E tia i te aparauraa i te taime hoˈi-faahou-raa e farerei, ia tauturu i te taata ia papu e e nehenehe te hoê haapiiraa Bibilia e haapaari i te mau taairaa i roto i te utuafare. E tia ia faaterehia te mau haapiiraa i nia i te vea iti ra Eaha ta te Atua e titau ra ia tatou? ma te fa e faahaere atu i te haapiiraa i nia i te buka ra Te ite, aore ra ia haamata roa i te haapiiraa i nia i te buka ra Te ite.

Himene 72 e pure faaotiraa.

Hebedoma o te 17 no Mati

Himene 63

15 mn: Parau faaara. A hiˈopoa i te tumu parau “Faahaamanaˈoraa no te oroa Haamanaˈoraa” e a faaite e eaha te mau faanahoraa i ravehia no ta outou amuiraa no te oroa Haamanaˈoraa. E tia ia tatou pauroa ia rave i te mau faanahoraa no te tauturu i te feia haapii i te Bibilia e te feia farii maitai ia haere mai.

15 mn: Mau hinaaro o te amuiraa aore ra oreroraa parau vauvauhia mai e te hoê matahiapo, niuhia i nia i te tumu parau “E tia mau anei ia outou ia tatarahapa?” no roto i Te Pare Tiairaa o te 15 no Setepa 1996, mau api 22-4. Mai te peu e te opua ra ta outou amuiraa e poro i te hoê tuhaa fenua tufa-ore-hia i te mau avaˈe Tiurai e Atete, e nehenehe outou e faaara ˈtu i te amaa.

15 mn: “E nehenehe outou e haamatara i taua mau haafifiraa ra!” Oreroraa parau vauvauhia mai e te hoê matahiapo, niuhia i nia i te tumu parau no roto i Te Pare Tiairaa o te 15 no Tiurai 1995, mau api 21-4.

Himene 75 e pure faaotiraa.

Hebedoma o te 24 no Mati

Himene 67

9 mn: Parau faaara. A faaite e e taime â no te horoa i te hoê aniraa pionie tauturu no te avaˈe Eperera. A faahiti i te mau putuputuraa no te pororaa ê atu i faanahohia no teie avaˈe i roto i te amuiraa.

24 mn: “Ia itoito â tatou i te raveraa i te mau hoˈi-faahou-raa e farerei.” (par. 1-20) Ma te mau uiraa e te mau pahonoraa. Faahiˈoraa poto noa no nia i te par. 16.

12 mn: E tauturu anaˈe i te hoê taata poro apî e haamata ra. A tuatapapa i te par. 19 o te api parau hau o Te taviniraa o te Basileia no Tiunu 1996. Faahiˈoraa: e faaite te hoê taata poro aravihi i te hoê taata haapii Bibilia tei faatiahia e te mau matahiapo ia riro ei taata poro bapetizo-ore-hia, e nafea ia faaineine ia ˈna. E hiˈopoa raua i te buka ra Notre ministère, api 111, par. 2. E paraparau te taata poro aravihi no nia i te ohipa e nehenehe e tupu ia poro anaˈe tatou na te mau fare, ma te faaite e eiaha e haaparuparu mai te peu e eita te rahiraa o te taata e farii maitai mai. E faatia oia i te hoê aamu faaitoito e faaite ra i te oaoa e noaa mai ia farerei anaˈe tatou i te hoê taata aau haavare ore o te faaroo mai. E faaineine raua i te hoê faaiteraa poto noa e te ohie no nia i te mau vea, e e faaineine â raua. E horoahia te mau faaitoitoraa mahanahana e e rave na feia poro i te mau faanahoraa papu no te haere e poro i roto i te hebedoma.

Himene 89 e pure faaotiraa.

Hebedoma o te 31 no Mati

Himene 70

15 mn: Parau faaara. A titau manihini i te mau taata farii maitai atoa ia haere mai i te oreroraa parau huiraatira taa ê e tupu i te 6 no Eperera. A faahaamanaˈo i te taata tataitahi ia tuu i ta ˈna tabula taviniraa no Mati. A faaite i te iˈoa o te mau taata atoa e rave i te taviniraa pionie tauturu i te avaˈe Eperera. A hiˈopoa i te tumu parau ra Pahonoraa i ta outou mau uiraa.

20 mn: “Ia itoito â tatou i te raveraa i te mau hoˈi-faahou-raa e farerei.” (par. 21-35) Ma te mau uiraa e te mau pahonoraa. A hiˈopoa i te tumu parau tarenihia i te api 3. A faaitoito i te taata tataitahi ia taio i te mau hoˈi-faahou-raa e farerei atoa o ta ˈna i rave i teie avaˈe, ia horoa anaˈe oia i ta ˈna tabula pororaa.

10 mn: Te mau papai o ta tatou e pûpû i te avaˈe Eperera. E pûpû tatou i Te Pare Tiairaa e te A ara mai na! A faahiti poto noa i te mau manaˈo e horoahia ra i te mau par. 3, 4 e te 8, i te api 8 o Te taviniraa o te Basileia no Atopa 1996 e faataa ra e nafea ia faaineine i te mau faaiteraa i te vea. Mau faahiˈoraa: e rave e piti feia poro i te hoê aore ra e piti faaiteraa poto noa. E tia i te feia poro ia tapao i te feia e farii mai i te mau vea e ia tuu atoa ˈtu i to ratou iˈoa i roto i ta ratou tabula opereraa vea.

Himene 92 e pure faaotiraa.