Putuputuraa no te taviniraa no Tenuare
Hebedoma o te 6 no Tenuare
Himene 6
10 mn: Parau faaara. Mau parau faaite e tano a Te taviniraa o te Basileia. A faataa mai i te tabula taviniraa a te amaa e ta te amuiraa no te avaˈe Atopa.
20 mn: Teie te taime no te faaapî i te tareta ra “Instructions médicales/Pas de sang.” E faahiti te hoê matahiapo aravihi iho â, i te faufaaraa ia faaî taatoa i te tareta e ia rave noa na muri iho ia tatou. Na teie tareta ïa e paraparau no outou, mai te peu e eita ta outou iho e nehenehe e paraparau i roto i te hoê tupuraa ru. (A hiˈo Maseli 22:3.) E mea titauhia ia faaî i te hoê tareta apî i te mau matahiti atoa, ia faaapîhia te faaiteraa no nia i te patoiraa i te toto. Oia mau, te parau nei te mau taote e te tahi atu mau taata e aita te mau tareta tei mairi i te hoê matahiti, e haapapu ra i te mau tiaturiraa a te taata i taua taime ra. I muri aˈe i te putuputuraa, e horoahia i te feia bapetizohia atoa te hoê tareta “Instructions médicales/Pas de sang,” e i te feia e tamarii apî bapetizo-ore-hia ta ratou, te hoê “Carte d’identité” na te tamarii tataitahi. E tia ia faaî-maitai-hia i te fare e ia tarima. I te putuputuraa no te taviniraa i muri iho, e tauturu atu te mau taeae faatere i te haapiiraa buka aore ra te mau matahiapo, i te feia atoa i ore i tae mai i te putuputuraa na mua ˈtu, e tae noa ˈtu i te taime e faaî maitai ai e e tarima ˈi te feia bapetizohia atoa i ta ratou tareta. Mai te peu e e hinaaro ratou, e nehenehe te feia bapetizo-ore-hia e papai i ta ratou iho faaueraa no ratou iho e no ta ratou mau tamarii, ma te faatano i te mau parau a te tareta i to ratou iho huru tupuraa e ta ratou mau tiaturiraa. E haamaitai mai Iehova ia tatou, ia faaite tatou i te aravihi ma te haapao maitai i teie mau tuhaa faufaa roa.—Mas. 16:20.
15 mn: “Aravihi e ineine no te haapii ia vetahi ê.” (par. 1-6). A faataa poto noa i te mau par. 1-2 ma te haamatara i te faufaaraa ia tiaturi na roto i te tauturu a Iehova, e nehenehe tatou e haapii ia vetahi ê ma te aravihi. No te mau par. 3-6, a faanaho e piti faahiˈoraa matamua, e e piti faahiˈoraa i muri iho, o te faaite e mea nafea ia haamata i te aparauraa matamua e ia rave i te hoˈi-faahou-raa e farerei.
Himene 14 e pure faaotiraa.
Hebedoma o te 13 no Tenuare
Himene 16
15 mn: Parau faaara. Tabula faufaa moni. A haamatara i te mau manaˈo no roto mai i te mau vea hopea, o ta tatou e nehenehe e faaohipa no te haamata i te hoê aparauraa. A horoa i te tahi mau manaˈo tauturu e nafea tatou ia faaite e o vai tatou i te hoê taata no te poro ia ˈna ma te faanaho-ore-hia. A ani i te feia i putuputu mai ia faaite mai e eaha ta ratou e parau i te omuaraa ia poro ratou na te mau fare toa, na nia i te purumu, i roto i te mau pereoo mataeinaa, e te vai atu â.
15 mn: “Aravihi e ineine no te haapii ia vetahi ê.” (par. 7-9). A faatia i te aamu i roto i te Annuaire 1995, api 45, no nia i te mau hoˈi-faahou-raa e farerei e a haamatara i te faufaaraa ia atuatu i te anaanatae. A ani i te hoê taata poro aravihi ia horoa mai i te hoê faahiˈoraa o te mau par. 7-8. Noa ˈtu e e vaiiho tatou i te tahi atu mau buka i te taime matamua, e tia râ ia tatou ia imi i te mau ravea atoa no te faatere i te mau haapiiraa Bibilia i nia i te buka ra Te ite. A faaitoito i te taata tataitahi ia faaherehere i te taime i roto i te hebedoma e haere maira no te rave i te mau hoˈi-faahou-raa e farerei.
15 mn: Mau hinaaro o te amuiraa aore ra “A tuu noa i ta outou hopoia i nia ia Iehova.” Oreroraa parau faaitoito niuhia i nia i Te Pare Tiairaa o te 1 no Eperera 1996, mau api 27-30.
Himene 15 e pure faaotiraa.
Hebedoma o te 20 no Tenuare
Himene 21
10 mn: Parau faaara.
15 mn: “E ora te mau huru taata atoa.” Ma te mau uiraa e te mau pahonoraa. A ani i te feia i putuputu mai ia faatia poto noa mai i te tahi mau aamu, e faaite ra e mea nafea ratou i te aratairaa i te mau taata no te mau huru oraraa totiale atoa ia farii i te poroi.
20 mn: E poro anaˈe na roto i to tatou haerea maitai. E tauaparau te hoê matahiapo e e piti aore ra e toru taurearea no nia i Te Pare Tiairaa o te 1 no Atete 1987, api 20-31. A faahiti i te tahi mau aamu no roto mai i te mau buka e te mau vea, e te mau aamu no ǒ nei, e faaite ra e mea nafea to te mau taata putapûraa i te haerea maitai o te mau Kerisetiano apî.
Himene 23 e pure faaotiraa.
Hebedoma o te 27 no Tenuare
Himene 20
5 mn: Parau faaara.
10 mn: Na te taeae papai parau e tuatapapa i te mau Pahonoraa i ta outou mau uiraa.
15 mn: “‘Te poro nei tatou i te parau.’” Ma te mau uiraa e te mau pahonoraa. A faahiti i te tahi mau manaˈo e faaite ra e te ite taatoa nei tatou i te faufaaraa o te Parau a te Atua.—A hiˈo i te A ara mai na! o te 8 no Atete 1984, api 23-26.
15 mn: Te mau buka ta tatou e pûpû i te avaˈe Febuare. A haamatara i te mau tuhaa anaanatae o te buka, mai: 1) te mau upoo parau putapû o te mau pene, 2) te mau hohoˈa penihia, 3) te mau tabula e te mau hohoˈa fenua faufaa no te haapiiraa, 4) te mau uiraa o te haaferuri. Ia au i tei parauhia i roto i te tumu parau na mua ˈtu, a faaitoito i te feia i tae mai ia faaohipa hoê irava e tano i roto i ta ratou faaiteraa. A faanaho hoê aore ra e piti faahiˈoraa poto. A faaitoito i te taata tataitahi ia haere e tii i ta ratou mau buka no te hebedoma.
Himene 26 e pure faaotiraa.