Putuputuraa no te taviniraa no Novema

Hebedoma o te 4 no Novema

Himene 29

10 mn: Parau faaara e Mau parau faaite e tano a Te taviniraa o te Basileia. A faataa mai i te tabula taviniraa a te fenua nei e ta te amuiraa no te avaˈe Atete. A faahiti i te mau faanahoraa i ravehia no te pororaa i te mahana férié o te 11 no Novema.

15 mn: “Te tufa ra anei tatou i te Parau a te Atua ma te tia?” Ma te mau uiraa e te mau pahonoraa. A horoa atoa i te tahi mau manaˈo no nia i te buka ra Comment raisonner, i te upoo parau iti ra “Raisons d’examiner la Bible,” mau api 51-2.

20 mn: “Teie hoi te ora mure ore.” (par. 1-5) I muri aˈe i te hoê omuaraa parau poto noa niuhia i nia i te par. 1, a ani ia rave mai e piti feia poro aravihi i te mau faahiˈoraa ia au i te mau faaiteraa i horoahia i te mau par. 2-5. A haamatara e, te tapao, o te haamataraa ïa i te mau haapiiraa Bibilia.

Himene 128 e pure faaotiraa.

Hebedoma o te 11 no Novema

Himene 40

10 mn: Parau faaara. Tabula faufaa moni.

15 mn: “E faatura anaˈe ia Iehova i ta tatou mau ô.” Oreroraa parau na te hoê matahiapo.

20 mn: “Teie hoi te ora mure ore.” (par. 6-8) A faahiti i te mau vahi maitatai ia faaohipahia te ravea papu no te haamata i te mau haapiiraa. Mau faahiˈoraa ia au i te mau faaiteraa i te mau par. 6-7 ravehia mai e te feia poro aravihi. A ani i te feia e faaroo maira ia faatia mai i te tahi tupuraa i reira ua haamatahia te hoê haapiiraa i te farereiraa matamua. I te aniraahia ˈtu te hoê taata e hinaaro anei oia i te hoê haapiiraa, ua pahono mai oia e: “E. A tomo mai. Te hinaaro nei au i te hoê haapiiraa.” Ua haamatahia te haapiiraa e o ˈna; i te hebedoma i muri iho, ua apiti mai to ˈna utuafare taatoa, e aita i maoro ua haere pauroa ratou i te mau putuputuraa e ua haamata atoa i te apiti i roto i te ohipa pororaa. A faaitoito i te feia i tae mai ia afai mai i ta ratou tumu parau hau o Te taviniraa o te Basileia no Tiunu 1996 i te putuputuraa no te taviniraa i mua nei.

Himene 129 e pure faaotiraa.

Hebedoma o te 18 no Novema

Himene 140

10 mn: Parau faaara.

15 mn: “E ohipa tei faauehia mai ia tatou.” Ma te mau uiraa e te mau pahonoraa. A faataa poto noa mai i te mau par. 13-16 o Te Pare Tiairaa o te 1 no Tenuare 1988, mau api 20-1.

20 mn: E faatere anaˈe i te mau haapiiraa Bibilia o te haere i mua. Oreroraa parau na te tiaau no te taviniraa. Ua hau atu i te hoê matahiti i teie nei to tatou faaohiparaa i te buka ra Te ite i roto i te mau haapiiraa Bibilia. Ua oti aˈena paha te tahi feia haapii i te tuatapapa i teie buka, area vetahi ra ua fatata ïa i te hope. Ua faaitoitohia tatou ia tutava i te faatere i te mau haapiiraa Bibilia o te tauturu i te feia apî ia haapii oioi noa i te parau mau, ia faaohipa i roto i to ratou oraraa e ia riro mai ei mau melo no te amuiraa. Ua horoa mai te tumu parau hau o Te taviniraa o te Basileia no Tiunu 1996 i te mau manaˈo maitatai roa ia nehenehe tatou e riro ei feia aravihi no te haapii i te taata. A hiˈopoa poto noa i te tahi o te mau mea e nehenehe e ravehia no te haapii i te taata ma te aravihi, ia au i te mau par. 3-13. I muri iho, a haapapu maitai eaha te tia ia rave no te tauturu i te feia haapii ia rave i te tiaraa no te parau mau, mai te haamatarahia ra i roto i te mau par. 14-22. A taio i te mau par. 15, 17, 20-1. A tuatapapa i te tahi mau ohipa anaanatae i tupu e faaite ra i te mau faahopearaa maitatai i noaa mai i te tahi feia poro o te amuiraa. A horoa i te mau faaitoitoraa ia rahi atu te mau taeae o te faatere i te mau haapiiraa Bibilia.

Himene 85 e pure faaotiraa.

Hebedoma o te 25 no Novema

Himene 46

5 mn: Parau faaara.

20 mn: No te aha e horoa ˈi na Iehova? Aparauraa i rotopu e piti matahiapo e haamatara mai i te mau manaˈo faufaa o te tumu parau o Te Pare Tiairaa o te 1 no Novema 1996 i te mau api 28-31. E nehenehe atoa teie mau tumu parau e vauvauhia e te hoê matahiapo mai te hoê oreroraa parau.

5 mn: Pahonoraa i ta outou mau uiraa. Aparauraa e te feia i tae mai.

15 mn: Te buka ta tatou e pûpû i te avaˈe Titema. E pûpû tatou i te buka ra Te Bibilia—Parau na te Atua aore ra na te taata? A rave i te mau manaˈo no roto i te tumu parau ra “Te mana o te Parau a te Atua” i roto i Te taviniraa o te Basileia no Novema 1992, i te api matamua. Ia au i te mau manaˈo i te api 189 o te buka ra Te Bibilia—Parau na te Atua aore ra na te taata? a faahiti i te tahi faaiteraa e a faanaho i te hoê faahiˈoraa. E tia ia ravehia te mau faanahoraa papu no te hoˈi e hiˈo i te mau taata o tei anaanatae mai.

Himene 180 e pure faaotiraa.