Putuputuraa no te taviniraa no Tiurai
NOTA: Te vai ra i roto i Te taviniraa o te Basileia te porotarama o te hoê putuputuraa no te taviniraa no te hebedoma tataitahi o te mau avaˈe tiurai e atete. E rave te mau amuiraa i te mau tauiraa e titauhia ma te ara e e haere atu ratou i te tairururaa mataeinaa “Te mau vea o te hau a te Atua” e e rave ratou, i te putuputuraa no te taviniraa e tupu i te hebedoma i muri iho, i te hoê hiˈo-faahou-raa e 30 minuti no nia i te mau manaˈo faufaa roa ˈˈe o te porotarama. E horoa-oioi-hia teie hiˈo-faahou-raa i tera e tera mahana na e piti aore ra e toru taeae aravihi o te haamatara i te mau manaˈo faufaa roa ˈˈe. Ia faaineine-maitai-hia, e tauturu oia i te mau melo o te amuiraa ia tapea mai i te mau manaˈo matamua, ia faaohipa ratou no ratou iho e i roto i te pororaa. E mea poto e te papu te mau pahonoraa a te feia i putuputu mai e te mau faatiaraa e faahitihia.
Hebedoma o te 1 no Tiurai
Himene 90
12 mn: Parau faaara. Mau Parau faaite e tano a Te taviniraa o te Basileia. A faataa i te tabula taviniraa a Polinesia e a te amuiraa no te avaˈe Eperera.
15 mn: “E faatura anaˈe i ta tatou euhe i te mau mahana atoa.” Ma te mau uiraa e te mau pahonoraa. A faahiti faahou i te mau manaˈo no roto i te buka ra Auxiliaire, te api 1520, paratarapha 11, tae atu i te api 1521, paratarapha 1, ma te faaite e no te aha te euhe i riro ai ei hopoia te tia ia haapao maitai.
18 mn: “E pee anaˈe i te hiˈoraa o Iehova na roto i te tapitapi-mau-raa no vetahi ê.” (Paratarapha 1-3) A faaohipa i te paratarapha matamua no te vauvau i te upoo parau o te tumu parau. A faataa eaha te mau vea iti e vai ra ta te amuiraa, o te farii-maitai-hia i roto i ta outou tuhaa fenua. I muri iho, a tuatapapa i te mau paratarapha 2-3 anaˈe, e a faaite na roto i te mau faahiˈoraa nafea ia faaohipa i te vea iti ra Te haapao mau ra anei te Atua ia tatou? i te hoê farereiraa matamua e i roto i te hoê hoˈi-faahou-raa e farerei. A faaite e nafea te feia poro ia faaineine i ta ratou iho faaiteraa no nia i te tahi atu vea iti e tano i te tuhaa fenua o te amuiraa.
Himene 112 e pure faaotiraa.
Hebedoma o te 8 no Tiurai
Himene 43
10 mn: Parau faaara. Tabula faufaa moni.
15 mn: “E pee anaˈe i te hiˈoraa o Iehova na roto i te tapitapi-mau-raa no vetahi ê.” (Paratarapha 4-5) A tuatapapa i te mau paratarapha 4-5 anaˈe e vetahi mau manaˈo rarahi o te vea iti ra Ia pohe tei herehia e outou na. Faahiˈoraa ia au i te mau faaiteraa i horoahia no te hoê farereiraa matamua e te hoê hoˈi-faahou-raa e farerei.
20 mn: “Te hinaaro-rahi-hia nei te mau taeae pionie.” Ma te mau uiraa e te mau pahonoraa. Mai te peu e e taimehia, a tuatapapa i te mau manaˈo i roto i Te Pare Tiairaa o te 15 no Setepa 1993, mau api 28-31, e faataa ra nafea ia haapao i te mau mea hinaarohia i te pae materia.
Himene 16 e pure faaotiraa.
Hebedoma o te 15 no Tiurai
Himene 162
10 mn: Parau faaara.
20 mn: “Ua tamata anei outou i te poro i te ahiahi?” Oreroraa parau e apitihia mai e te feia e faaroo maira e te tahi mau uiuiraa manaˈo. A faahiti i te mea e itehia ra i to tatou nei fenua ia haere tatou e poro i roto i te tuhaa fenua i te avatea aore ra i te ahiahi. A faatia atoa i te mau ohipa e faaite ra i te mau faahopearaa maitatai o te pororaa i te ahiahi. A faahaamanaˈo i te porotarama o te mau putuputuraa no te pororaa a te amuiraa i roto i te hebedoma.
15 mn: “E pee anaˈe i te hiˈoraa o Iehova na roto i te tapitapi-mau-raa no vetahi ê.” (Paratarapha 6-8) Ma te faaohipa i te paratarapha hopea o te tumu parau, a faaitoito i te taata tataitahi ia hoˈi oioi atu e hiˈo i te feia i rave i te mau vea iti. Ia au i te mau paratarapha 6-7: mau faahiˈoraa e faaite e nafea ia pûpû i te vea iti ra Tumu o te oraraa i te farereiraa matamua e ia haamata i te hoê haapiiraa i nia i te pene matamua o te buka ra Te ite i te hoˈi-faahou-raa e farerei. A faahaamanaˈo i te feia poro e e nehenehe ratou e faaineine i ta ratou iho faaiteraa no nia i te tahi atu mau vea iti ma te pee i te mau hiˈoraa e horoahia ra i roto i Te taviniraa o te Basileia.
Himene 64 e pure faaotiraa.
Hebedoma o te 22 no Tiurai
Himene 108
10 mn: Parau faaara. A tuatapapa poto noa i te mau vea apî e a haamatara i te mau manaˈo anaanatae e nehenehe e faaohipahia i roto i te pororaa.
15 mn: E tapapa anaˈe i te fa o te taviniraa ma te taime taatoa. Aparauraa i rotopu i te hoê matahiapo e te hoê aore ra e piti taurearea, niuhia i nia i Te Pare Tiairaa o te 15 no Titema 1988, mau api 25-7 (farani). E feruri na taurearea i te mau fa ta raua e opua ra e tapapa ia oti ta raua tau haapiiraa. Te anaanatae ra raua i te mau maitai i te pae materia ta raua e nehenehe e fanaˈo ia noaa ia raua te hoê toroa i roto i teie nei ao. E huti te matahiapo i to raua manaˈo i nia i te mau tumu maitatai no reira e mea hau aˈe ia tapapa i te taviniraa pionie. E farii na taurearea i te reira, tera râ, aita raua e papu ra e e nehenehe ta raua e haapao i to raua mau hinaaro i te pae materia mai te peu e e riro raua ei pionie. E faahiti atu te matahiapo i te mau manaˈo no roto mai i te tumu parau o Te Pare Tiairaa e faaite ra e, e fa aifaito mau te taviniraa pionie, e nehenehe hoi e naeahia e te faaoaoa atoa ra e rave rahi mau taata. Ia hope te aparauraa, e faaite na taurearea i to raua mauruuru no ta te matahiapo i parau mai, e to raua hinaaro e feruri maitai i te fa ra, oia hoi te apiti-rahi-raa ˈtu i roto i te pororaa.
20 mn: “Nafea ia faariro i te mau taata ei pǐpǐ maoti te buka Te ite.” Oreroraa parau no nia i te mau paratarapha 12-16 o te api parau hau no Tiunu 1996. E piti faahiˈoraa no nia i te hoê haapiiraa Bibilia. E faaite mai te faahiˈoraa matamua nafea ia tauturu i te taata haapii ia faaineine i te pene na roto i te reniraa i te mau parau e te mau pereota faufaa e pahono roa ra i te mau uiraa. I roto i te piti o te faahiˈoraa, a faaite eaha te nehenehe e parauhia ˈtu no te faaitoito i te taata haapii Bibilia ia haere mai i te putuputuraa huiraatira e i te haapiiraa o Te Pare Tiairaa.
Himene 116 e pure faaotiraa.
Hebedoma o te 29 no Tiurai
Himene 212
10 mn: Parau faaara. A hiˈopoa i te tumu parau ra “Te porotarama o te tairururaa haaati i mua nei.”
20 mn: Nafea e noaa ˈi te hoê haapiiraa Bibilia? E aratai te hoê matahiapo i te hoê aparauraa e e piti aore ra e toru feia poro o tei manuïa i te faatereraa i te mau haapiiraa Bibilia; e hiˈopoa ratou i te mau ravea e nehenehe ai e manuïa no te haamata i te mau haapiiraa Bibilia: 1) A pure ia noaa mai te tauturu a Iehova. 2) A apiti tamau i roto i te mau tuhaa taa ê o te taviniraa ia itea mai te feia farii maitai. 3) A tapao i te feia atoa i anaanatae mai e a hoˈi oioi atu e hiˈo ia ratou. 4) A pûpû noa ˈtu i te haapiiraa i te feia e anaanatae ra. (Hiˈo te upoo parau iti “A haamata i te mau haapiiraa bibilia” i roto i Te Pare Tiairaa o te 15 no Febuare 1996, api 20.) 5) A tiaturi e e nehenehe tatou e haapii i te taata na roto i te faaohiparaa i na manaˈo e maha e faahitihia ra i roto i Te Pare Tiairaa o te 1 no Eperera 1985, mau api 25-30.
15 mn: Mau hinaaro o te amuiraa aore ra oreroraa parau vauvauhia mai e te hoê matahiapo, niuhia i nia i te tumu parau ra “Te tamahanahanaraa e te faaitoitoraa—E mau ofai taoˈa e rave rau tarairaa,” i roto i Te Pare Tiairaa o te 15 no Tenuare 1996, mau api 21-3.
Himene 165 e pure faaotiraa.