Putuputuraa no te taviniraa no Tiunu
Hebedoma o te 3 no Tiunu
Himene 181
10 mn: Parau faaara e Mau parau faaite e tano a Te taviniraa o te Basileia. A faataa i te tabula taviniraa no Polinesia nei e ta te amuiraa.
15 mn: “E pee anaˈe i to ratou faaroo.” Ma te mau uiraa e te mau pahonoraa. A hiˈopoa i te mau ravea no te faaite i to ˈna faaroo i faahitihia i roto i te tumu parau tarenihia i te api 25 o Te Pare Tiairaa 1 no Setepa 1991. A uiui hoê aore ra e piti taata poro e a ani ia raua e na te aha e tauturu ra ia raua ia tamau noa i te ohipa teotaratia e rave rahi matahiti i teie nei.
20 mn: “E haaparare anaˈe i te ite e aratai i te ora mure ore.” (Paratarapha 1-3.) A hiˈopoa i te paratarapha 1. (A faataa atoa i Te Pare Tiairaa 15 no Tenuare 1996, mau api 12-13, § 11-12.) A faaite e ua riro te faaiteraa apî i te api hopea o Te taviniraa o te Basileia ei tauturu no tatou ia ineine maitai aˈe no te hoˈi faahou e farerei i te mau taata. I te pae rahi, e mea maitai ia hoˈi faahou e farerei hoê aore ra e piti mahana i muri iho, eiaha râ e tiai maoro. E hiˈopoa ïa tatou i te mau hiˈoraa pûpûhia no te faaiteraa na te mau fare e no te hoˈi-faahou-raa e farerei i roto i taua noâ putuputuraa no te taviniraa ra. A hiˈopoa poto noa i te mau paratarapha 2 e 3, e te hoê faahiˈoraa no te paratarapha tataitahi. E hiˈopoahia vetahi atu mau hiˈoraa o te tumu parau i roto i na putuputuraa no te taviniraa e piti i mua nei.
Himene 143 e pure faaotiraa.
Hebedoma o te 10 no Tiunu
Himene 63
7 mn: Parau faaara. Tabula faufaa moni.
8 mn: E faaineine anaˈe i te mau tamarii i roto i te pororaa. Oreroraa parau a te hoê matahiapo. Mai to ratou tamarii-rii-raa mai â, e tia i ta tatou mau tamarii ia ohipa na muri iho ia tatou i roto i te taviniraa. E riro ïa te faaineineraa e te aravihi ta ratou e fanaˈo, ei niu papu no to ratou faaroo e te itoito no te mau matahiti a muri aˈe. E mea faufaa ia ite ratou e e ere te taviniraa i te ohipa hauti e ia faaite i te hoê haerea maitai. Eiaha te mau tamarii ia hauti haere; e ere te pororaa i te hoê taime hautiraa. E mea maitai aˈe ia apeehia ratou e te mau taata paari. E nehenehe ïa ta teie mau taata paari e tauturu ia ratou ia faaite i te poroi ia au i to ratou aravihi. (Hiˈo i Te Pare Tiairaa 1 no Atete 1988, api 13, § 20.) Na te mau metua te hopoia e hiˈopoa i ta ratou mau tamarii; eiaha ratou e afai i ta ratou mau tamarii i te mau putuputuraa no te pororaa e aita e taata paari no te haapao ia ratou. A haapopou i te mau tamarii ia rave ratou i te tahi mea maitai.
10 mn: “E haaparare anaˈe i te ite e aratai i te ora mure ore.” (Paratarapha 4-5.) I muri aˈe i te hoê omuaraa parau poto, e hohora mai te tahi mau faahiˈoraa i te mau hiˈoraa no nia i te farereiraa matamua e te hoˈi-faahou-raa e farerei e itehia ra i roto i te mau paratarapha 4 e 5. A faaitoito i te feia poro ia hoˈi oioi noa e farerei i te feia atoa o ta ratou i vaiiho atu i te buka Te ite.
20 mn: “Nafea ia faariro i te mau taata ei pǐpǐ maoti te buka Te ite.” Mau omuaraa parau poto niuhia i nia i te mau paratarapha 1-2. A hiˈopoa i te mau paratarapha 3-11 ma te mau uiraa e te mau pahonoraa. A faaite e e hiˈopoahia te tahi atu mau paratarapha o te api hau i roto i te mau putuputuraa no te taviniraa i te mau avaˈe Tiurai e Atete. A faaitoito i te taata tataitahi ia faaherehere noa i te reira.
Himene 92 e pure faaotiraa.
Hebedoma o te 17 no Tiunu
Himene 157
10 mn: Parau faaara. Pahonoraa i ta outou mau uiraa.
15 mn: “Te mau tauaparauraa auhoa o te haaputapû te mafatu.” Ma te mau uiraa e te mau pahonoraa. A ani hoê aore ra e piti taata poro ia faatia mai i te tahi mau tupuraa faaitoito e faaite ra e ua ite raua i te faahopearaa maitai ma te faaite i te huru auhoa.
20 mn: “E haaparare anaˈe i te ite e aratai i te ora mure ore.” (Paratarapha 6-7.) A haamatara i te mau tapao o te hoˈi-faahou-raa e farerei: e faaara noa i te anaanatae, e haamata i te hoê haapiiraa, e rave i te mau faanahoraa papu maitai no te hoˈi faahou e farerei. I muri aˈe i te hiˈopoa-poto-raa i te mau hiˈoraa o te mau paratarapha 6 e 7, a rave i te hoê faahiˈoraa o te paratarapha tataitahi e faaite ra nafea ia haamata i te hoê haapiiraa. A taio i te paratarapha 17, api 14, o Te Pare Tiairaa 15 no Tenuare 1996.
Himene 211 e pure faaotiraa.
Hebedoma o te 24 no Tiunu
Himene 6
10 mn: Parau faaara. A faahaamanaˈo i te mau faanahoraa i ravehia no te pororaa i te 29 no Tiunu.
15 mn: Hinaaro o te amuiraa. (Aore ra oreroraa parau niuhia i nia i te tumu parau “Te tufaraa i te parau mau ma te tia,” i roto i Te Pare Tiairaa 1 no Tenuare 1996, mau api 29-31.)
20 mn: “E tauturu anaˈe ia ratou ia tavini faahou.” Oreroraa e aparauraa na te hoê matahiapo. A ani ia faaohipa i te tumu parau “E fariu mai outou ia ˈu, e na ˈu e fariu atu ia outou,” i roto i Te Pare Tiairaa 1 no Atete 1992, no te faaitoito i te mau Kerisetiano e ore e ohipa faahou ra. A faahiti i te tahi mau manaˈo faufaa.
Himene 71 e pure faaotiraa.