Hiˈo-faahou-raa no te Haapiiraa o te taviniraa teotaratia

Hiˈo-faahou-raa ma te tapiri i te buka no nia i te mau tumu parau i tuatapapahia i roto i te Haapiiraa o te taviniraa teotaratia i te hebedoma no te 1 no tenuare e tae atu i te 22 no eperera 1996. A papai i te mau pahonoraa o te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.

[Nota: I roto i te taime faataahia no te hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]

A tuu “tano” aore ra “hape” i muri aˈe i te mau pereota i muri nei:

1. Mai te peu e e rave te hoê kerisetiano i te mea o ta ˈna e manaˈo ra e mea tia, e rave iho â oia i te mau faaotiraa maitatai. (Mas. 14:12) [uw api 8 par. 8]

2. Ua haamata mai te haapiiraa no nia i te Toru Tahi i te taime a fa mai ai te amuiraa faaroo kerisetiano. [uw api 15 par. 8]

3. Ua faaorehia te Ture a Mose, tera râ, aita te Bibilia e faahiti ra e ua faaore-atoa-hia na Ture Ahuru. [rs api 346 par. 2]

4. Ia faaauhia te Roma 8:16 e te Roma 1:7, te itehia ra e te faaau ra o Paulo i te huitaata taatoa mai ‘te mau tamarii a te Atua.’ [uw api 26 par. 12]

5. Te faufaa faahitihia i roto i te Ieremia 31:31, 33, o te faufaa ïa no te hoê Basileia o ta Iesu i fafau e ta ˈna mau pǐpǐ faatavaihia. [si api 122 par. 39]

6. E pae pehepehe to roto i te buka Oto, e maha i papaihia ia au i te faanahoraa reta piapa. [si api 123 par. 6]

7. I muri aˈe i to ˈna tia-faahou-raa, ua fa mai o Iesu e rave rahi taime, i mua noa râ i ta ˈna mau pǐpǐ. [rs api 322 par. 2]

8. E ô te mau kerisetiano mau i roto i te tau faafaaearaa a te Atua na roto i te faatupuraa i te faaroo i roto i te tusia o te Mesia e na roto i te haapaeraa i te mau ohipa ta ratou i manaˈo na e e faariro ia ratou ei feia tia. (Heb. 4:10) [rs api 348 par. 1]

9. I roto i te Apokalupo 20:5, te pereota ra “te tahi pae o te feia i pohe ra” i ora faahou mai, e tano ïa no te tia-faahou-raa o te mau mamoe ê atu i nia i te fenua nei. [rs api 326 par. 2–api 327 par. 2]

10. I to Iesu pahonoraa i te uiraa ra teihea te faaueraa rahi roa ˈˈe i roto i te Ture, aita oia i faahiti i te hoê noa ˈˈe o na Ture Ahuru. (Mat. 22:35-40) [rs api 346 par. 1]

A pahono i te mau uiraa i muri nei:

11. I te mea e ua turai te here rahi o Iehova ia ˈna ia tono mai i ta ˈna Tamaiti no te horoa i to ˈna ora no tatou nei, eaha ta to tatou here no te Atua e turai ia tatou ia rave? (Kor. 2, 5:14, 15) [uw api 14 par. 6]

12. Eaha te auraa o te parau e haere ma te iˈoa o Iehova? [uw api 18 par. 14]

13. Eaha ta tatou e haapii no nia i te mau huru maitatai o Iehova ia taio tatou i te buka Oto? (Oto 3:22, 23, 32) [si mau api 124-5 mau par. 13, 15]

14. Eaha te mau parau i faaohipa-pinepine-hia no nia ia Ezekiela e ia Iesu Mesia atoa? [si api 125 par. 2]

15. No te aha e mea tano ia tiaturi e e haavahia te feia o te faatiahia mai i nia i te fenua nei ia au i ta ratou mau ohipa e rave a muri aˈe? (Roma 6:7) [rs api 326 par. 1]

16. Eaha na tumu e maha o te turu nei i te autahoêraa ta te nunaa o Iehova e fanaˈo nei i teie mahana? [uw mau api 8-9 mau par. 8, 9]

17. No te aha tatou e tano ai i te parau e e tupu te mau ohipa taaihia e te vairaa mai o te Mesia i roto i te area e rave rahi matahiti? (Mat. 24:37-39) [rs api 329 par. 1]

18. Taa ê atu i te mau huru maitatai faahiahia o Iehova oia hoi te here, te parau-tia, te paari, e te puai, eaha ta tatou e nehenehe e haapii no nia i to ˈna huru au mau i roto i te Exodo 34:6, te Salamo 86:5, e te Ohipa 10:34, 35? [uw api 13 par. 3]

19. I muri aˈe i te faaauraa i te Ioane 14:9, 10 e te Luka 5:12, 13, no te aha tatou e faaoti ai e e aroha rahi to Iehova i te huitaata e mauiui nei? [uw api 26 par. 12]

20. No te aha aita te mau kerisetiano i faahepohia ia haapao i te mahana sabati i te mau hebedoma atoa? (Roma 10:4) [rs api 343 mau par. 2, 3]

A faaî i te mau area i roto i te mau pereota i muri nei:

21. Ua faahohoˈa o Ebeda-meleka i ․․․․․․․․ o te faaorahia i ․․․․․․․․ no te mea ua tauturu atu ratou i te ․․․․․․․․ o te mau taeae o te Mesia. [Taioraa bibilia; hiˈo w83-TH 1/4 api 16 par. 11]

22. Noa ˈtu e e parauhia e e “atua” o Iesu, i roto râ i te Ioane 17:3, te pii nei oia ia Iehova “te Atua ․․․․․․․․ ra,” e i roto i te Ioane 20:17; te parau ra oia e o Iehova “․․․․․․․․ Atua ra e ․․․․․․․․ Atua ra.” [uw api 18 par. 12]

23. Ua tupu te mau ohipa i faatiahia i roto i te Ieremia 52:5-11 i te matahiti ․․․․․․․․ hou to tatou tau. [Taioraa bibilia; hiˈo w88-TH 1/4 api 7 par. 18]

24. Ia parau anaˈe te Apokalupo 1:7 e, i muri iho i te hoˈiraa mai o te Mesia, “e ite te mau mata atoa ia ˈna,” e ere ïa te iteraa ․․․․․․․․, te ․․․․․․․․ râ i te pae feruriraa. [rs api 331 par. 2]

25. I muri aˈe i to ˈna tia-faahou-raa, aita noa o Iesu i fa mai i roto i te hoê â ․․․․․․․․, peneiaˈe no te haapapu maitai i ta ˈna mau pǐpǐ e e ․․․․․․․․ oia i teie nei. E no reira, aita to ˈna iho mau hoa piri roa i ․․․․․․․․ e o ˈna tera. [rs api 323 par. 1]

A reni i te mau pahonoraa tano i roto i te mau faahitiraa i muri nei:

26. Te Bibilia, o te Parau ïa a te Atua no te mea (na te feia huri i mairi ia ˈna i tera iˈoa; na te mau taata haapao maitai i papai i teie buka; na te Atua iho i aratai i te papairaa). [uw api 20 par. 2]

27. Mai te peu e e taio noa tatou (hoê; e piti; e maha) api o te Bibilia i te mahana, e oti pauroa ia tatou i te taio i te Bibilia i roto i te area e (ono avaˈe; iva avaˈe; hoê matahiti). [uw api 24 par. 9]

28. Aita te mau faatureraa i te pae morare i ore i te hoperaa te Ture a Mose, tei roto atoa hoi na Ture Ahuru, no te mea i te anotau kerisetiano, (na te pǔpǔ tataitahi e haamau i ta ˈna iho mau ture i te pae morare; e arataihia te mau taata e to ratou anaˈe haava manaˈo; e rave rahi o te mau ture morare o na Ture Ahuru o tei faahiti-faahou-hia i roto i te mau Papai heleni kerisetiano). [rs api 347 par. 1]

29. Ua “vare” o Ieremia ia Iehova i te mea e ua (haavarevare Oia ia ˈna no te poro i te hoê poroi faautuaraa; ua faaohipa Oia ia ˈna no te rave i te ohipa o te ore e maraa ia Ieremia na roto i to ˈna iho puai; aita Oia i faatupu i te haamouraa o ta Ieremia i tohu). (Ier. 20:7) [Taioraa bibilia; hiˈo w89-F 1/5 api 31]

30. E tano te parau “apoo” [“menema haamanaˈoraa,” MN], i roto i te Ioane 5:28, no (te menema o te taata tataitahi; te menema o te huitaata atoa nei; te haamanaˈoraa te Atua i te taata i pohe). [rs api 327 par. 3]

A faatuati i te mau pereota i muri nei i te mau irava e tano:

Mas. 3:5, 6; Ier. 23:33; 32:9, 10; Oto 3:44; Apo. 15:3, 4

31. Te niu o te autahoêraa mau i roto i te haamoriraa, o te iteraa ïa ia Iehova e te oraraa ia au i to ˈna mau eˈa parau-tia. [uw api 5 par. 1]

32. E tia i to tatou oraraa taatoa—noa ˈtu eaha te vahi ta tatou e faaea ra e te ohipa ta tatou e rave ra—ia haapapu e na te Atua e aratai ra i to tatou mau manaˈo e to tatou mau hinaaro. [uw api 10 par. 11]

33. Eita Iehova e faaroo i te pure a te feia iino. [Taioraa bibilia; hiˈo w87-TH 1/7 api 24]

34. E faautuaraa teimaha te poroi haamǎtaˈuraa i tohuhia no roto mai i te Parau a te Atua, no te mea te faaite ra oia i te haamouraa a te amuiraa faaroo kerisetiano e fatata maira. [Taioraa bibilia; hiˈo w94-TH 1/3 api 12 mau par. 18, 20]

35. Ia faaau te feia haamori ia Iehova i te mau taairaa tapihooraa, e nehenehe te mau fifi e apehia a muri aˈe mai te peu e e papai-roa-hia te parau faaau. [Taioraa bibilia; hiˈo w95-TH 1/5 api 30]