Mau parau faaite

◼ Mau papai e pûpûhia i te mau avaˈe eperera e me: Te Pare Tiairaa e te A ara mai na! no te tino moni e 20 tara. I roto i te mau tuhaa fenua poro-pinepine-hia, e nehenehe e faaohipa i te vea iti atoa e tano no te tino moni e 40 tara. Ia anaanatae te taata ia hoˈi atu tatou e farerei ia ˈna, e nehenehe ïa e pûpû atu i te tamatahitiraa (200 tara e ono avaˈe e 400 tara e hoê matahiti). Tiunu: Te ite e aratai i te ora mure ore no te tino moni e 80 tara. Tiurai e atete: Hoê o teie mau vea iti e 32 api: Te haapao mau ra anei te Atua ia tatou?; E tia anei ia tiaturi i te Toru Tahi?; Te faatereraa o te haamau i te Paradaiso; Ia pohe tei herehia e outou na...; Eaha te tumu o te oraraa? Nafea outou e ite ai i te reira?; E oaoa oe i te fenua e a muri noa ˈtu!; “Inaha, te faaapî nei au i te mau mea atoa nei.” Ia tano anaˈe, e nehenehe e pûpû atu: Connaîtrons-nous un jour un monde sans guerre?; Mau varua o te feia pohe—E nehenehe anei ratou e tauturu ia outou aore ra e hamani ino ia outou? Te vai mau ra anei ratou?; Nos problèmes—Qui nous aidera à les résoudre? E pûpûhia teie mau vea iti faito rahi e 32 api no te tino moni e 40 tara.

◼ E tauihia te huru monoraa i te mau tareta pionie. I teie nei, na te Taiete e mono i te tareta a te mau pionie e taui i te faaearaa, e taui i te iˈoa, ua moe aore ra e ani ra ia tonohia ratou i te vahi ê. E tia ia faaorehia te mau tareta aita i faaîhia ˈtura, e vai ra i roto i te mau haapueraa parau a te papai parau. E rave-noa-hia te mau tauiraa no nia i te mau iˈoa e te mau vahi i reira e tonohia ˈi, mai tei matauhia, e tapao te papai parau i te mau haamaramaramaraa i te tahi aˈe pae o te api parau Rapport de congrégation (S-1) o te avaˈe iho. E hapono te Taiete i muri iho i te amuiraa te mau tareta apî a te mau pionie, hoê â taime e te mau tabula moni o te avaˈe no te mau vea e te mau papai. E tia ia faaara oioi i te Taiete i te mau tauiraa atoa, ia nehenehe matou e faatano e e tamahana i ta matou mau haapueraa parau. Hau atu, ia faaea noa ˈtu te hoê pionie i ta ˈna taviniraa aore ra ia tatarahia ta ˈna haamaitairaa, e tia ia faaî i te hoê api parau S-206 e e hapono oioi atu ai i te Taiete ma te haamarirau ore.

◼ I roto i teie numera o Te taviniraa o te Basileia, te vai ra te hoê porotarama tauihia no me e tae atu i titema 1996 no te Haapiiraa o te taviniraa teotaratia. No te mau amuiraa reo tahiti anaˈe. Te vai ra i roto te mau faahororaa o te buka apî ra Te ite e aratai i te ora mure ore. Teie te haapotoraa o te buka, kl e e niuhia te mau tumu parau n° 3 i nia i te buka mai te hebedoma o te 6 no me 1996 atu.

◼ E tia ia faataehia te mau uiraa atoa no nia i te mau taio mahana e te mau vahi e tupu ai te mau tairururaa mataeinaa i roto i te tahi atu mau fenua, i te amaa iho o taua mau fenua ra. E ite outou i te tabula o te mau vahi nohoraa o te mau amaa na te ao nei i te api hopea o te Annuaire.

◼ Mau papai apî e vai ra:

Beretane, paniora e tinito: Te ite e aratai i te ora mure ore. Tahiti: E hiˈopoa anaˈe i te mau Papai i te mau mahana atoa—1996; Eaha te tiaturiraa no te feia herehia e tatou tei pohe? (T-16).

◼ Ripene video apî e vai ra:

Beretane no te feia tariˈa turi: “Inaha, te faaapî nei au i te mau mea atoa nei.” Faaiteraa o te vea iti na roto i te ripene video, na roto i te reo ǎparaa rima marite. E taa atoa i te feia tariˈa turi iho â râ tei ite i te reo ǎparaa rima farani (LSF).