Mau faaueraa no te tumu parau n° 3
1 Papu maitai e ua oaoa roa tatou i te matararaa mai te buka ra Te ite e aratai i te ora mure ore na roto i te reo tahiti. E nehenehe ïa tatou e faaohipa i teie buka apî roa i roto i te Haapiiraa o te taviniraa teotaratia i te avaˈe me e tae noa ˈtu i te avaˈe titema. E nehenehe ta tatou e hiˈo faahou i te tumu parau ra “Te mau haamaitairaa o te Haapiiraa o te taviniraa teotaratia no 1996—Tuhaa 1” i roto i Te taviniraa o te Basileia no tenuare 1996, no te hiˈo faahou i te mau faaueraa no nia i te tumu parau n° 3.
2 Teie te tahi mau faataaraa papu e nafea ia hohora i te tumu parau niuhia i nia i te buka ra Te ite. Ia hohorahia mai te hoê hoˈi-faahou-raa e farerei aore ra te hoê haapiiraa bibilia. E mea faufaa roa te reira, no te mea e faaohipa-rahi-hia te buka ra Te ite no te faatere i te mau haapiiraa bibilia i te fare o te mau taata.
3 Ia horoahia mai na outou te mau tumu parau e tei roto atoa te paratarapha hopea o te hoê pene o te buka ra Te ite, e nehenehe ta outou e hiˈopoa poto noa i te tumu parau tarenihia “A hiˈopoa na i to oe ite” i te pae hopea roa. E nehenehe atoa e hiˈopoa i te mau tumu parau tarenihia i roto i te mau paratarapha horoahia, mai te peu e e taime. Mai te peu e e tumu parau tarenihia to ropu i te mau tuhaa e hohorahia e e piti tuahine taa ê, e nehenehe ïa te tuahine o te hohora i te tuhaa matamua e faahiti mai. E nehenehe te mau hohoˈa o te buka e tatarahia ia tano iho â râ e te mau tumu parau e hiˈopoahia ra.
4 E ara iho â râ te tiaau no te haapiiraa e mea nafea te tuahine haapii ia haaferuri i to ˈna apiti e ia taa i te mau tuhaa e hiˈopoahia ra e ta ˈna huru faaohiparaa i te mau irava bibilia.
5 E haafaufaa anaˈe i te mau faanahoraa i ravehia i roto i te Haapiiraa o te taviniraa teotaratia no te tauturu ia tatou ia riro ei feia haapii maitai roa ˈˈe i te Parau a te Atua.