Putuputuraa no te taviniraa no eperera
Hebedoma o te 1 no eperera
Himene 132
5 mn: Parau faaara. Mau parau faaite e tano a Te taviniraa o te Basileia. A faatia i te mau tupuraa faufaa no nia i te oroa Haamanaˈoraa i faatupuhia i roto i ta outou amuiraa.
10 mn: “Mau faaueraa no te tumu parau n° 3.” Orerohia mai e te tiaau no te haapiiraa.
15 mn: “Ia ‘itoito tatou i te mau ohipa maitatai ra’ i te avaˈe eperera.” Hiˈopoaraa i te mau paratarapha 1-10. Ma te mau uiraa e te mau pahonoraa. Na te tiaau no te taviniraa. A faaite 1) eaha te mau faanahoraa i ravehia i roto i te amuiraa no te ohipa pororaa rahi i te avaˈe eperera, 2) nafea te taata tataitahi e tauturuhia ˈi ia apiti mai, e 3) nafea ia faaô mai i te feia apî e te mau taurearea.
15 mn: “E imi anaˈe i te feia e haerea fariihia to ratou.” A hiˈopoa i te mau faaiteraa i horoahia. Piti faahiˈoraa. Mai te peu e e taime, a rave faahou mai i te tahi mau aˈoraa i roto i Te taviniraa o te Basileia no setepa 1995, i te api 5, no nia i te huru pûpûraa i te mau vea.
Himene 20 e pure faaotiraa.
Hebedoma o te 8 no eperera
Himene 72
15 mn: Parau faaara. Tabula faufaa moni. A faahiti i te mau haapapuraa e ua tae atu i te Taiete ra, te mau ô i haponohia ˈtu. A faaite e mea nafea ia tauturu roa ˈtu i te mau taata no anaanatae noa maira i te parau mau e tei haere mai i te oroa Haamanaˈoraa, ia haere i mua i te pae varua. A hiˈo i Te Pare Tiairaa o te 1 no eperera 1991, mau api 4-7.
15 mn: “E pûpû anaˈe i te hoê taviniraa moˈa i te rui e te ao.” Ma te mau uiraa e te mau pahonoraa. A taio i te mau paratarapha 5 e 6.
15 mn: “Ia ‘itoito tatou i te mau ohipa maitatai ra’ i te avaˈe eperera.” Hiˈopoaraa i te mau paratarapha 11-15. Ma te mau uiraa e te mau pahonoraa. A faaitoito i te taata tataitahi ia hiˈopoa i to ˈna iho huru oraraa e ia imi i te mau ravea no te apiti rahi atu â i roto i te taviniraa.
Himene 113 e pure faaotiraa.
Hebedoma o te 15 no eperera
Himene 133
10 mn: Parau faaara. A faahaamanaˈo i te feia i putuputu mai e e hohorahia te oreroraa parau taa ê i te 21 no eperera, teie te upoo parau “Ia vai hapa ore tatou i rotopu i te hoê ui piˈo.” A faaitoito i te taata tataitahi ia rave i te tutavaraa hau atu no te tauturu i te mau taata ia haere mai e faaroo i teie oreroraa parau.
15 mn: “Te taui nei te tau.” Ma te mau uiraa e te mau pahonoraa. A haapapu i te faufaaraa ia faaite i te poroi o te Basileia ma te aparau i nia i te mau mea e haapeapea rahi ra i te mau taata. A faahiti i te tahi mau fifi i roto i te utuafare aore ra no nia i te mau taairaa i rotopu te mau taata o te haapeapea ra e rave rahi taata, mai te faaitehia ra i roto i Te Pare Tiairaa o te 1 no tenuare 1994, mau api 22-3.
20 mn: “Na te ite maori e noaa ˈi te faaroo.” A faaite e mea nafea te mau vea e nehenehe ai e atuatu i te anaanatae o te mau taata e e aratai ai ia ratou ia haapii i te Bibilia maoti te buka ra Te ite. Piti aore ra e toru faahiˈoraa.
Himene 204 e pure faaotiraa.
Hebedoma o te 22 no eperera
Himene 6
15 mn: Parau faaara. A faahaamanaˈo i te tahi mau manaˈo faufaa o te oreroraa parau taa ê e a faaite e mea nafea te reira ia turai i te mau taata anaanatae ia turu papu i te haamoriraa mau. A huti atoa i te ara-maite-raa i nia i te tumu parau tarenihia “Ia rahi hoi to tatou ite papu” e a haapapu i te faufaaraa ia haere tamau i te haapiiraa buka.
12 mn: Pahonoraa i ta outou mau uiraa. Orerohia mai e te hoê matahiapo. A faataa e no te aha eita e tia i te mau taeae e faatere ra i te mau putuputuraa ia haamatau roa i te mau taeae e te mau tuahine, na roto i te piiraa ia ratou ma to ratou iˈoa pii na mua mai no te horoa i te pahonoraa.
18 mn: E tauaparau te hoê matahiapo e te hoê tavini tauturu i te tumu parau “Te mau utuafare paieti no te tau tahito—Ei hiˈoraa no to tatou nei tau,” i roto i Te Pare Tiairaa o te 15 no setepa 1995, mau api 20-3. E faatano raua i te mau manaˈo ia au i te mau hinaaro o te mau utuafare o te amuiraa.
Himene 143 e pure faaotiraa.
Hebedoma o te 29 no eperera
Himene 144
12 mn: Parau faaara. Te faariro nei vetahi i te mau Ite no Iehova mai te hoê “pǔpǔ faaroo amaha.” Te haavare nei ïa ratou i te mau taata no nia i ta tatou mau ohipa e ta tatou mau tapao. Maoti te buka ra Haaferuriraa (farani), mau api 396-7, a faaite poto noa e nafea ia pahono atu i teie mau faahaparaa.
15 mn: E poro tatou i ta tatou mau tuhaa fenua ma te hoê noâ ara-maite-raa. Orerohia mai e te tiaau no te taviniraa. Peneiaˈe te poro varavara nei tatou i roto i te mau tuhaa fenua e mea ateatea te mau fare. Te vai ra paha vetahi o te ape roa i te poro i roto i te mau tuhaa fenua e nohohia ra e te feia navai aore ra here rahi roa i te haapaoraa. Aita paha te mau vahi raveraa ohipa e tâuˈahia ra. Te ani tamau nei te mau taata poro i te mau tuhaa fenua mea au aˈe na ratou ia poro maoti râ i te tia hoi ia porohia. A faaitoito i te taata tataitahi ia amui mai e ia turu i te mau tutavaraa i ravehia no te poro i roto i te mau tuhaa fenua i ore i ohipahia. Tiurai e atete, e mau avaˈe tano maitai no te poro i te mau vahi atea; e nehenehe ïa e faauta e rave rahi taata i roto i te mau pereoo. A ara i te poro faahope roa i roto i te mau tuhaa fenua hou a faahoˈi atu ai, na roto iho â i te tutavaraa e farerei i te mau taata aita i te fare i te tere na mua ˈtu. A horoa i te tahi atu mau aˈoraa ohie e nafea ia poro maitai aˈe i roto i te mau tuhaa fenua.
18 mn: E pûpû anaˈe i Te Pare Tiairaa e te A ara mai na! i te avaˈe me. A faaite i te mau vea. I roto i te mau tuhaa fenua poro-pinepine-hia, e nehenehe e faaohipa i te mau huru vea iti atoa e tano. E tapao tatou i te mau papai atoa i ravehia, ia nehenehe tatou e faatupu i te hoê eˈa opereraa vea. Ia anaanatae mau iho â te hoê taata i te mau vea, e nehenehe e pûpû atu i te tamatahitiraa. A haapapu i te mea e ua riro te mau vea ei hoê o te mau ravea aravihi roa ˈˈe no te haaparare i te poroi no nia i te Basileia. E hiˈo maitai e te vai ra anei ta tatou ia haere anaˈe i te pororaa; e pûpû atu tatou i te mau taime atoa. Te hoê ravea maitai no te haamaraa i te rahiraa vea ta tatou e vaiiho ra na te taata, o te faanahoraa ïa i te hoê mahana i roto i te hebedoma no te opereraa i te vea. E mea hotu maitai atoa te pûpûraa i te mau vea na te mau fare toa. E hoˈi faahou tatou e farerei i te mau taata i anaanatae, e ma te tapao e haamata i te mau haapiiraa bibilia maoti te buka ra Te ite. Hoê aore ra e piti faahiˈoraa poto: pûpûraa i te mau vea apî (a hiˈo i te mau faaiteraa i roto i Te taviniraa o te Basileia no setepa 1995, api 3, mau paratarapha 3-5; a taio i te paratarapha 6).
Himene 195 e pure faaotiraa.