Putuputuraa no te taviniraa no mati

Hebedoma o te 4 no mati

Himene 1

10 mn: Parau faaara. Mau parau faaite e tano a Te taviniraa o te Basileia.

15 mn: “E haamaitai anaˈe ia Iehova ‘i te mau mahana atoa.’” Ma te mau uiraa e te mau pahonoraa. A taio i te mau paratarapha 2-5, mai te peu e e taimehia. A faahiti i te taviniraa pionie, tauturu e tamau, ma te manaˈo tae e te faaitoito.

20 mn: “E aratai te ite no nia i te Atua mau i te ora.” A hiˈopoa i te mau faaiteraa i faahitihia. Hoê aore ra e piti faahiˈoraa.

Himene 78 e pure faaotiraa.

Hebedoma o te 11 no mati

Himene 164

10 mn: Parau faaara. Tabula faufaa moni.

20 mn: “Te mau haamaitairaa o te Haapiiraa o te taviniraa teotaratia no 1996—Tuhaa 3.” Orerohia mai e te tiaau no te haapiiraa. A faaitoito i te feia atoa o te nehenehe, ia tapao i to ratou iˈoa i te haapiiraa, e i muri iho, ia faaineine maitai i ta ratou mau tuhaa.

15 mn: E rave amui anaˈe i te mau ohipa e to tatou utuafare. Ma te faaohipa i Te Pare Tiairaa o te 1 no setepa 1993, mau api 16-19, e ma te au maitai, e tauaparau te hoê metua tane e to ˈna utuafare no nia i te faufaaraa ia rave amui i te mau ohipa. A haamatara iho â râ i te haapiiraa e te pororaa e te utuafare. A haafaufaa i te manaˈo ra e te amahamaha nei te mau utuafare “no teie nei tau,” no te mea mea iti roa te taime e farerei ai te mau melo o te utuafare e aita ratou e rave amui faahou nei i te mau ohipa. Te fanaˈo nei te mau melo o te mau utuafare kerisetiano i te hoê haamaitairaa: te neheneheraa e haapii amui i te Parau a te Atua e e haere amui i roto i te taviniraa. A haamatara i te faufaaraa no te metua tane ia faanaho maitai i teie mau ohipa e no te metua vahine ia tauturu ia ˈna. E tia i te mau tamarii ia anaanatae i te mau mea pae varua e ia tahoê maite atu e to ratou mau metua. E rahi atu te utuafare i te tahoê e i te puai no te patoi i te mau faahemaraa e haere noa ˈtura i te puairaa, ia pee i te mau haerea o teie nei ao.

Himene 211 e pure faaotiraa.

Hebedoma o te 18 no mati

Himene 6

10 mn: Parau faaara. E tia i te feia e faatere nei i te mau haapiiraa bibilia ia faaitoito i te feia o ta ratou e haapii ra, o te haere maitai ra i mua, ia haamau i te tapao e riro ei feia poro bapetizo-ore-hia. E nehenehe atoa te mau metua e tauturu i ta ratou mau tamarii ia na reira. A faahaamanaˈo i te huru raveraa i faataahia i roto i te buka ra Organisés pour bien remplir notre ministère, mau api 98-100.

15 mn: “Te mau ô no te turu i te haamoriraa mau.” Orerohia mai e te hoê matahiapo, ia au i te tumu parau ra “Nohea mai te moni?” no Te Pare Tiairaa o te 1 no titema 1995, mau api 28-31. A haamatara i te haamaitairaa taa ê e te hopoia e horoa i te mau ô no te turu i te mau haamâuˈaraa a te amuiraa.

20 mn: “E tauturu anaˈe ia vetahi ê ia noaa i te ite e aratai i te ora.” A hiˈopoa i te mau faaiteraa i faahitihia no nia i te mau hoˈi-faahou-raa e farerei. Hoê aore ra e piti faahiˈoraa. A tuu i te faufaa i nia i te tapao e haamata i te mau haapiiraa bibilia.

Himene 130 e pure faaotiraa.

Hebedoma o te 25 no mati

Himene 5

15 mn: Parau faaara. A hiˈopoa i te tumu parau tarenihia “Faahaamanaˈoraa no te oroa Haamanaˈoraa.” A faaite e no te aha e mea faufaa ia tae atu i te oroa Haamanaˈoraa. (Hiˈo i Te Pare Tiairaa o te 1 no setepa 1985, mau api 22-23.) A faahaamanaˈo i tei ravehia no te tauturu i te feia ruhiruhia aore ra hapepa, e tae noa ˈtu te feia i anaanatae apî mai i te parau mau, ia tae atoa mai ratou. A faahiti i te mau faanahoraa i ravehia no te poro hau atu i te hebedoma i mua nei. A hiˈopoa atoa i te tumu parau ra “Ia farii-maitai-hia te feia ěê” i roto i te A ara mai na! o te 8 no setepa 1995, api 32.

15 mn: Pahonoraa i ta outou mau uiraa. Orerohia mai e te hoê matahiapo. Ma te faaohipa i Te Pare Tiairaa o te 15 no tenuare 1992, mau api 16-17, a faaite e eaha te mea e turai ia tatou ia horoa maitai.

15 mn: “Te faaineineraa: te taviri o te manuïa.” Ma te mau uiraa e te mau pahonoraa. A faahaamanaˈo e e pûpû tatou i Te Pare Tiairaa e te A ara mai na! i te mau avaˈe eperera e me. E faaineine anaˈe ia tatou i teie nei iho, ma te ani faarahi i te mau vea e ma te faanahonaho ia tatou no te turu i te mau faanahoraa e ravehia e te amuiraa i “te mau mahana opereraa vea.”

Himene 7 e pure faaotiraa.