Putuputuraa no te taviniraa no tenuare
Hebedoma o te 1 no tenuare
Himene 133
10 mn: Parau faaara. Mau parau faaite e tano a Te taviniraa o te Basileia.
15 mn: “E poro anaˈe ma te ite.” A tuatapapa i te mau manaˈo faufaa roa ˈˈe. A faanaho hoê aore ra e piti faahiˈoraa. A faaite i te amuiraa eaha te mau buka tahito e vai nei.
20 mn: “‘Te mau vea o te hau a te Atua’—Tairururaa mataeinaa 1996.” Ma te mau uiraa e te mau pahonoraa. Na te papai parau e vauvau mai. A taio i te rata o te 15 no titema 1995 e faataa ra e e haere atu te amuiraa i teihea tairururaa.
Himene 28 e pure faaotiraa.
Hebedoma o te 8 no tenuare
Himene 138
10 mn: Parau faaara. Tabula faufaa moni. A haapopou ma te au i te feia poro no ta ratou turu i te pae moni i te amuiraa iho e i te ohipa pororaa o te parau apî maitai na te ao atoa nei.
15 mn: Te tareta Instructions médicales/Pas de sang: E ravea no te paruru ia tatou iho. E faataa te matahiapo i te amuiraa i te faufaaraa no te taata tataitahi ia faaî maitai i te tareta Instructions médicales/Pas de sang e ia rave noa tatou i teie tareta i nia ia tatou, e tae noa ˈtu i te faufaaraa ia vai noa te tareta Carte d’identité i nia i ta tatou mau tamarii. Te faataa ra te tareta na mua roa ˈˈe eaha ta tatou e hinaaro ra e eaha ta tatou e patoi ra i te pae rapaauraa. No te aha teie tareta e faaapîhia ˈi i te mau matahiti atoa? Inaha, e mana aˈe to te hoê tareta i tarimahia aita i maoro iho nei i te hoê tareta tahito aore ra o te ore e haapapu faahou ra i te mau tiaturiraa o te fatu o te tareta. Na te tareta e auvaha no tatou mai te peu e eita ta tatou iho e nehenehe e paraparau. E operehia te mau tareta i teie po. A faaî maitai i te fare, eiaha râ e tarima. Mai tei ravehia i na matahiti e piti i mairi aˈenei, e tarima te taata tataitahi i ta ˈna tareta i te haapiiraa buka i mua i te mau ite e i mua i te taeae faatere. Inaha, e tia i te feia e tarima i te tareta ei mau ite ia ite mata roa ˈtu i te fatu o te tareta ia tarima. E ravehia te reira i roto i te mau haapiiraa buka i te hebedoma o te 15 no tenuare. (Hiˈo Te taviniraa o te Basileia no tenuare 1994 api 2, no te tahi atu mau haamaramaramaraa.) E nehenehe te feia poro bapetizohia atoa e faaî i te tareta Instructions médicales/Pas de sang. E hinaaro paha te feia bapetizo-ore-hia e papai i ta ratou iho faaueraa i te pae rapaauraa ma te faatano i te mau parau a te tareta i to ratou iho huru tupuraa e ta ratou mau tiaturiraa. E nehenehe te mau metua e tauturu i ta ratou mau tamarii bapetizo-ore-hia ia faaî i ta ratou tareta Carte d’identité. A faahiti poto noa i te tumu parau tarenihia “Ia haapao maite tatou i mua i te mau fifi i te pae rapaauraa” i roto i Te taviniraa o te Basileia no titema 1995.
20 mn: “Ia riro tatou ei feia rave, eiaha noa ei feia faaroo.” Ma te mau uiraa e te mau pahonoraa. Mai te peu e e taimehia, a faataa i te faufaaraa o te auraroraa, niuhia i nia i te buka Auxiliaire, api 1099, mau paratarapha 1 e te 2.
Himene 70 e pure faaotiraa.
Hebedoma o te 15 no tenuare
Himene 77
12 mn: Parau faaara. A tuatapapa poto noa i te fifi e ite-pinepine-hia ra oia hoi aita e taata i te fare. A faaitoito i te feia poro ia faaherehere i te taime ma te rave i te opuaraa e paraparau atu i te mau taata e hahaere ra aore ra i te feia e parahi noa ra i roto i to ratou pereoo.
15 mn: Te mau hinaaro o te amuiraa aore ra oreroraa parau vauvauhia e te hoê matahiapo niuhia i nia i te tumu parau “A tapea i to outou manaˈo ru” i roto i Te Pare Tiairaa o te 1 no atopa 1995, mau api 25-8.
18 mn: “Te mau hoˈi-faahou-raa e farerei o te faaora i te mau taata.” A tuatapapa i te mau faahiˈoraa i vauvauhia. A faaitoito i te feia poro ia haamau i te tapao e haamata i te mau haapiiraa bibilia i roto i te buka apî, Te ite e aratai i te ora mure ore.
Himene 156 e pure faaotiraa.
Hebedoma o te 22 no tenuare
Himene 200
5 mn: Parau faaara.
20 mn: “Te mau haamaitairaa o te Haapiiraa o te taviniraa teotaratia no 1996—Tuhaa 1.” Oreroraa parau a te tiaau no te haapiiraa. A faahaamanaˈo i te mau faaueraa no nia i te mau tuhaa a te taata haapii ia au i te Porotarama 1996 no te Haapiiraa o te taviniraa teotaratia i roto i Te taviniraa o te Basileia no atopa 1995.
20 mn: “E paraparau anaˈe ma te mǎtaˈu ore.” Oreroraa parau e aparauraa e te feia i tae mai. Vauvauhia e te hoê matahiapo. A faahaamanaˈo i te mau faanahoraa i ravehia e te amuiraa no te pororaa i te sabati. A haapopou i te feia e turu maira i teie mau faanahoraa e a horoa i te mau manaˈo tauturu i te mau vahi e titauhia ˈi ia haamaitai.
Himene 92 e pure faaotiraa.
Hebedoma o te 29 no tenuare
Himene 31
10 mn: Parau faaara.
15 mn: Te pororaa i te tau ûa. E rave rahi feia poro te tia ia faaoromai i te veavea, te haumi e te ûa i te tau veavea. E tauaparau e toru aore ra e maha taata poro no nia i ta ratou e rave no te tapea noa i te hoê ohipa maitai i roto i te taviniraa noa ˈtu e mea rumaruma te mahana. Te faanaho nei te tahi mau amuiraa i te mau putuputuraa no te pororaa i roto roa i te tuhaa fenua no te ore e teretere rahi roa. Te faaherehere nei te tahi i te mau fare rahi e te mau fare toa no te mau mahana rumaruma. A faaiti i te mau pǔpǔ pereoo ia ore e tiai rahi roa. A tatuhaa i te pororaa na te mau fare e te tahi mau hoˈi-faahou-raa e farerei. A oomo i te pereue faarari ia ore e rari. A rave i te mau fare amarara. A tuatapapa i te tahi atu mau manaˈo e mea ohie no outou no te faaohipa i roto i ta outou tuhaa fenua.
20 mn: E pûpû anaˈe i te buka Te Apokalupo i te avaˈe febuare. A faataa e no te aha te buka Apokalupo i faarirohia ˈi ei miterio mai mutaa ihora mai â. A tuatapapa i te mau paratarapha 6 tae atu i te 9 i te api 8 o te buka Te Apokalupo no te faaite i te faufaaraa o teie buka. A faaitoito i te feia poro ia haamanaˈo i teie mau tuhaa ia tauaparau ratou e te taata. A hiˈo i te tumu parau “Tabura o te buka Apokalupo” i te mau api 98 e 99, e a faaite nafea ia faaohipa i te reira no te faataa i te hoê hiˈoraa taatoa no nia i te buka Apokalupo. A huti i te ara-maite-raa i nia i te mau hohoˈa i te omuaraa e te hopea o te buka e a faaite e e nehenehe teie mau hohoˈa e faaohipahia no te haamata i te hoê aparauraa. A faahaamanaˈo i te taatoaraa ia haere e tii i te mau buka no te pororaa i teie hopea hebedoma.
Himene 143 e pure faaotiraa.