Hiˈo-faahou-raa no te Haapiiraa o te taviniraa teotaratia
Hiˈo-faahou-raa ma te tapiri i te buka no nia i te mau tumu parau i tuatapapahia i roto i te Haapiiraa o te taviniraa teotaratia i te hebedoma no te 4 no setepa e tae atu i te 18 no titema 1995. A papai i te mau pahonoraa o te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.
[Nota: I roto i te taime faataahia no te hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]
A tuu “tano” aore ra “hape” i muri aˈe i te mau pereota i muri nei:
1. Te “tamaroa” e faahitihia ra i roto i te Isaia 66:7 e tano ïa i te fanauraahia o te nunaa i te pae varua o te mau kerisetiano i faatavaihia i te matahiti 1919, eiaha râ i te fanauraahia te Basileia Mesia i te matahiti 1914. [Taioraa o te Bibilia; hiˈo w89 1/9 api 8.]
2. Te tauturu nei Isaia 38:5 ia tatou ia taa e e nehenehe te mau aniraa onoono ma te aau rotahi e turai ia Iehova ia rave i te tahi mea o ta ˈna e ore e faatupu na roto i te tahi atu ravea. [Taioraa o te Bibilia; hiˈo w95 1/4 api 15.]
3. E nehenehe te hoê taata haihai roa i nia i te fenua nei e e haamauiui aore ra e faaoaoa i te Poiete o te ao nei. (Isa. 63:10) [Taioraa o te Bibilia; hiˈo w93 15/6 api 15.]
4. Te turu nei te Ieremia 1:5 i ta te Bibilia e faaite ra no nia i te haamataraa o te ora i to ˈna tôraa. [Taioraa o te Bibilia; hiˈo w89-F 15/6 api 29.]
5. Ua tohu te Isaia 53:5, 12 e e pohe o Iesu Mesia ei tusia taraehara no te faaore i te hara a vetahi ê. [Taioraa o te Bibilia; hiˈo w92 1/10 api 14.]
6. Te faaue nei te Isaia 48:17 ia tatou i teie mahana ia faaohipa i te Parau a te Atua i roto i to tatou oraraa e ia ite i te aravihi o te mau faaueraa tumu no tatou iho. [Taioraa o te Bibilia; hiˈo w95 1/3 api 12.]
7. Noa ˈtu e eita te mau Ite no Iehova e faaô ia ratou i roto i te hoê noa ˈˈe ohipa politita, eita ratou e tapea i te tahi pae no te apiti i roto i te hoê pǔpǔ politita, e titau i te hoê parahiraa, aore ra e maiti. [uw api 166 par. 12]
8. Aita to te mau tavini haapao maitai a te Atua i te tau hou te Mesia e ite no nia i te ao apî ta tatou e tiai nei. [Taioraa o te Bibilia; hiˈo w95 15/2 api 11.]
9. Ua riro o Kuro ei ‘faatahinu’ na Iehova noa ˈtu e aita e haapapuraa e ua maniihia te hinu mau i nia ia ˈna. (Isa. 45:1) [Taioraa o te Bibilia; hiˈo w92 15/11 api 30.]
10. No te tavini i te Atua ma te paieti taatoa, e tia i te mau kerisetiano ia ite i te mahana e te hora e haamou ai o Iehova i te faanahonahoraa a Satani i nia i te fenua atoa nei. [uw api 176 par. 2]
A pahono i te mau uiraa i muri nei:
11. Afea te hoê kerisetiano e paraparau ai e to ˈna taote no nia i ta ˈna faaotiraa e haapae i te toto? [uw api 158 par. 9]
12. I roto i teihea auraa e aita o Iesu i faaô ia ˈna i roto i te mau ohipa o teie nei ao? [uw api 161 par. 2]
13. Te faahitiraa i te Parau a te Atua ma te reo itoito, eaha ta te reira e ore e hinaaro ra e parau? [uw api 175 par. 13]
14. Mai te peu e e farii mau outou i te parau apî maitai, eaha te hopoia e vai ra ia tatou? [uw api 169 par. 2]
15. I roto i te mau fenua atoa o te ao nei, o vai te “fenua parau-tia, o tei haapao i te parau mau ra” no nia i te Atua, e o vai ma tei apitihia i taua nunaa ra? (Isa. 26:2, 15) [Taioraa o te Bibilia; hiˈo w95 1/1 mau api 10, 11.]
16. Ia au i te Isaia 32:1, 2, eaha te tiaraa matamua a te mau matahiapo? [Taioraa o te Bibilia; hiˈo w93 1/4 api 30.]
17. Eaha te mau faahopearaa ite-papu-hia ta te haapiiraa no ǒ mai i te Atua e faatupu ra i nia i te mau Ite no Iehova na te ao nei? (Isa. 54:13) [Taioraa o te Bibilia; hiˈo w94 1/3 api 17.]
18. Te horoa nei e toru Evanelia i te tahi mau haamaramaramaraa no nia i te tapao tatuhaahia e faaite ra i te “hopea o teie nei ao,” i roto i teihea mau buka e teihea mau pene? [uw api 178 par. 5]
19. No te aha i roto i te aamu papaihia no nia ia Senakeriba aita oia i nehenehe e teoteo no nia i te haruraa i te oire pu no Iuda, o Ierusalema mai to ˈna teoteoraa i te haru i te pare etaeta no Iuda o Lakisa? (Isa. 37:36) [Taioraa o te Bibilia; hiˈo w93 1/6 api 6.]
20. O vai e eaha te faahohoˈaraa no nia ia “Leviatana” i roto i te Isaia 27:1? [Taioraa o te Bibilia; hiˈo w86-F 15/8 api 31.]
A faaî i te mau area i vaiihohia i roto i te mau pereota i muri nei:
21. Ia tapeahia te hoê kerisetiano i te fare maˈi, e tia ia ˈna ia faaite i ta ˈna mau aniraa ma te ․․․․․․․․ e eiaha e faaohipa i te toto, e e tia ia ˈna iho ia ․․․․․․․․ atu no nia i te reira i te taote o te haapao ia ˈna. [uw api 158 par. 9]
22. E piti ravea ta tatou no te faaite i to tatou tiaturiraa ia Iehova oia hoi na roto i te haere-tamau-raa i te mau e te fariu-tamau-raa i nia Ia ˈna na roto i te ․․․․․․․․. [uw mau api 170-1 mau par. 5-7]
23. Ua riro o Iesu ei ofai ․․․․․․․․ no te mau ati Iuda, ua riro râ oia ei ofai ․․․․․․․․ e i nia ia ˈna to Iehova paturaa i to ˈna fare i te pae varua ia au i tei faahitihia i roto i te Isaia 8:14 e Isa 28:16. [si api 123 par. 36]
24. Te niuhia ra te faanahonahoraa i faaitehia i roto i te Ephesia 1:9, 10 i nia ia ․․․․․․․․, e na roto ia ˈna te aratairaahia te mau taata i roto i te hoê huru ․․․․․․․․ e te Atua, vetahi e tiaturiraa e haere i nia i te ․․․․․․․․, e te tahi pae no nia i te ․․․․․․․․ nei. [uw api 186 par. 6]
25. “Te tamarii a te Atua” i faahitihia i roto i te Roma 8:19-21 o te mau tamarii ïa i faatavaihia e te varua moˈa o tei noaa ia ratou i te haamaitairaa no te ․․․․․․․․, e e faaitehia ia roaa anaˈe i te mau taata i nia i te ․․․․․․․․ nei i te haapapuraa e tei roto atoa ratou i te ohipa, ma te apiti e te Mesia i roto i te ․․․․․․․․ i teie amuiraa ino o te mau mea e vai nei. [uw api 188 par. 11]
A maiti i te mau pahonoraa tano i roto i te mau faahitiraa i muri nei:
26. Ua faaooohia te mau kerisetiano matamua ei feia o te ore e here i to ratou taata-tupu no te mea (eita ratou e paraparau i te feia aita e faaroo; aita ratou e haamori i te mau idolo; te ape nei ratou i te mau faaanaanataeraa haavî e te tia ore). [uw api 163 par. 7]
27. I roto i te faahohoˈaraa a Iesu i roto i te Mataio 13:36-43, te faahohoˈa ra te sitona i (te feia haapao maitai no mutaa ihora; te feia rahi roa; te mau kerisetiano i faatavaihia), area te zizania te faahohoˈa ra i (te feia atoa aita e tiaturi ra; te feia e faahua kerisetiano noa; te mau Papai parau e te mau Pharisea). [uw api 179 par. 7]
28. I muri aˈe to te mau faatere politita haamouraa i te haapaoraa hape, e huri tia ˈtu ratou ma te faatihaehae i nia i (te faanahoraa tapihooraa tauihaa; te mau Nunaa amui; te feia e turu nei i te tiaraa mana arii o Iehova). [uw api 182 par. 13]
29. I te matahiti 1914 te vai ra fatata e (1 100; 5 100; 10 100) feia e poro ra ma te itoito. [Taioraa o te Bibilia; w94 1/9 api 16.]
30. Te vai ra ia tatou i te hoê faataaraa taatoa no nia ia Ieremia i te tahi noa ˈˈe o te mau peropheta tahito taa ê atu ia (Daniela; Isaia; Mose). [si api 118 par. 6]
A faatuati i te mau pereota i muri nei i te mau irava e tano:
Lev. 17:11, 12; Isa. 43:10; Ier. 7:31; Ioa. 8:41, 44, 47; Ohi. 4:13.
31. E ere no te mea e aita te hoê taata i haere i te haapiiraa teitei eita ïa oia e nehenehe e riro ei taata poro itoito o te parau apî maitai. [uw api 172 par. 8]
32. Te faaohiparaa hoê roa i te toto ia au i te mau Papai no te faaiteraa ïa i to ˈna huru moˈa e no te haapapu i te faufaaraa o te tusia o te Mesia. [uw api 159 par. 11]
33. Te faaite papu ra te mau ohipa a te hoê taata e to ˈna haerea o vai to ˈna metua i te pae varua ia au i ta ˈna e parau ra. [uw api 186 par. 5]
34. Aita e atua na mua ˈˈe ia Iehova; e aita e atua i muri aˈe ia ˈna, e eita hoê aˈe no te mea e Atua mure ore oia, o te Arii Mana hope. [Taioraa o te Bibilia; hiˈo w92 15/1 api 22.]
35. Aita te rahiraa o te mau taata i teie nei mahana e manaˈo noa ˈˈe e pûpû i ta ratou mau tamarii na te mau idolo ei tusia, tera râ te haapohehia nei te tahi tau mirioni aiû na roto i te haamaruaraa tamarii, e e rave rahi mirioni taurearea teie e tonohia ra i te tamaˈi e ere atu ai i to ratou ora. [Taioraa o te Bibilia; hiˈo w88-F 15/1 api 31.]