Mau parau faaite

◼ Mau buka e pûpûhia i te avaˈe titema: Te ite e aratai i te ora mure ore (farani) no te tino moni e 80 tara. E rave tatou i te hoê tutavaraa taa ê no te hoˈi e hiˈo i te mau taata o tei farii i teie buka; ta tatou tapao oia hoi te haamataraa i te mau haapiiraa bibilia. E nehenehe te mau amuiraa aita ta ratou i teie buka e pûpû i te buka E ora e a muri noa ˈtu no te tino moni ra e 200 tara te buka rahi e e 100 tara te buka nainai. Tenuare: Te mau buka atoa e 192 api piahia hou te matahiti 1982 e vai ra i roto i te amuiraa no te tino moni e 80 tara. Te mau amuiraa aita ta ratou i teie mau buka, e pûpû ïa ratou i te buka Nafea ia faatupu i te hoê oraraa utuafare oaoa. Febuare: Te Apokalupo: Ua fatata roa to ˈna tatararaa rahi hopea nei! no te tino moni e 200 tara. Mati: Te ite e aratai i te ora mure ore (farani) no te tino moni e 80 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ E tia i te mau amuiraa ia haamata i te ani i te mau buka tahoêhia no te matahiti 1995 o Te Pare Tiairaa e te A ara mai na! i nia i ta ratou Parau aniraa buka no titema. (Hiˈo te tabula Liste des publications, mau paratarapha 6-8, 10.) Tei roto te mau buka tahoêhia i te mau buka e ani-taa-ê-hia.

◼ E hiˈopoahia te mau tabula faufaa moni a te amuiraa i te 1 no titema, aore ra i muri noa ˈˈe i teie taio mahana, e te tiaau-peretiteni aore ra te hoê taeae tei faataahia e ana. E faaitehia i muri iho i te amuiraa e ua ravehia taua hiˈopoaraa ra.

◼ Mai te 29 no eperera 1996, e tuatapapahia te buka Te ite e aratai i te ora mure ore i roto i te mau haapiiraa buka.

◼ I te matahiti 1997, e faatupuhia te oroa Haamanaˈoraa i te sabati 23 no mati, i muri aˈe i te toparaa mahana. Te faaite-atea-hia nei teie taio mahana ia nehenehe te mau piha e tapeahia aore ra e tarahuhia i te mau vahi i reira e rave rahi mau amuiraa o te faaohipa nei i te hoê â Piha no te Basileia, e titauhia hoi ratou ia imi i te tahi atu mau piha no teie oroa.

◼ Fatata roa matou i te faaoti i te hoê pehe roro uira apî piihia CD-ROM Bibliothèque de la Société Watchtower—Édition 1995. Te vai ra i roto te hoê porotarama hiˈopoa-faahou-hia tei apitihia ˈtu te mau pueraa buka i matara i te mau matahiti 1995, 1994 e mai te matahiti 1970 tae atu i te matahiti 1979. E matara oia na roto i te reo helemani, beretane, paniora e italia. Ua faataahia vetahi atu mau haamaramaramaraa i roto i te hoê rata a te Taiete o te 25 no novema 1995, i faataehia i te mau amuiraa atoa. E tia ia faatae atu i te aniraa no teie pehe roro uira na roto i te hoê reo aore ra hau atu i te amuiraa ra, hou te 15 no tenuare 1996.