E pûpû anaˈe i te mau vea i te mau taime atoa
1 Te vai nei ia tatou i te mau tumu maitatai no te haafaufaa i Te Pare Tiairaa e te A ara mai na! Eaha ˈtu â te tahi mau vea anaanatae i roto i te ao nei? I teie avaˈe, e pûpû iho â râ tatou i teie mau vea; e mea faahiahia roa te mau tumu parau o te mau vea i te avaˈe atopa. Mai te matauhia, te pûpû nei tatou i te rahiraa o ta tatou mau vea i tera e tera fare, tera râ e faaineine anaˈe ia tatou no te pûpû atoa i te reira i te tahi atu taime e tano.
2 E “Te Pare Tiairaa” o te 15 no atete, e faaara anaˈe i te anaanatae no te tumu parau “Afea te mǎtaˈu e hope ai?,” ma te parau e:
◼ “E rave rahi taata o te aniani ra e no te aha, noa ˈtu te mau tutavaraa atoa a te mau taata, e au ra e aita e ravea no te haamau i te hoê ao aita e mǎtaˈu faahou. Eaha to outou manaˈo no nia iho i te mau parau tei faahitihia i te api 5 o Te Pare Tiairaa o te 15 no atete? [E taio anaˈe i te paratarapha piti e tae atu i te uiraa ‘No te aha i iti roa ˈi te faufaa o te ora?’] A hiˈo na i teie parau tǎpǔ a te Atua i roto i te Isaia 9:6, 7.” E taio anaˈe i taua irava ra. E parau poto noa tatou e te faaite nei Te Pare Tiairaa e o te Basileia o Iehova anaˈe o te nehenehe e haamau i te hoê ao hau, e e faaitoito anaˈe i te taata ia taio i te tumu parau.
3 No te faaite i te “A ara mai na!” no te 8 no atete, e nehenehe tatou e parau e:
◼ “Te faahiti ra te api matamua no nia i “Te haapiiraa tumu ore tei faahitimahuta i te ao nei.” I to oe manaˈo, eaha ïa te reira? [A tiai i te hoê pahonoraa.] Te faataa ra teie tumu parau i te mau manaˈo turuhia e Darwin i roto i ta ˈna buka no nia i te tupu-noa-raa o te mau mea, te faaite atoa nei râ e no te aha ua fariu e rave rahi taata i nia i te Bibilia no te ite i te opuaraa a te Atua no nia i te fenua e te huitaata. Te hinaaro nei au e vaiiho i teie vea na oe.”
4 Mai te peu e e farerei tatou i te mau taata o te au nei i te aparau no nia i te mau ohipa i te pae varua, no te aha e eiaha e haamaoro â i nia i te hoê tumu parau o “Te Pare Tiairaa” no te 1 no setepa? Peneiaˈe e anaanatae oia i te reira?
◼ “Te hinaaro nei au e ite i to oe manaˈo no nia i te hoê uiraa, oia hoi: E nehenehe anei e ite i te hoê mahana i nia i te fenua nei i te tiamâraa mau?” A tiai i te hoê pahonoraa, e i muri iho e faaite anaˈe e e nehenehe e itea i te hoê pahonoraa tamahanahana i teie uiraa i roto i te Bibilia. A pûpû atu te vea i te taata.
5 I tera e tera fare, eiaha tatou e ape i te mau fare toa rii e te mau fare hoohooraa. Te parau nei te feia e poro tamau ra i roto i te mau fare toa e mea au e mea hotu roa taua ohipa ra. E tamata anaˈe i te hoê faaiteraa ohie mai teie:
◼ “Ua ite matou e mea au na te mau taata mai ia oe, o te ohipa ra i roto i te tapihooraa, e ia faaarahia ratou no nia i te mea e haapeapea ra i te mau taata e haaati ra ia ratou. No reira te tiaturi papu nei au e e anaanatae oe i teie mau tumu parau.”
6 Mai te peu e mea rahi iho â te ohipa a te taata o ta tatou e farerei ra, e nehenehe tatou e faaite ia ˈna i te mau vea e e parau atu e:
◼ “Ua ite au e aita oe i manaˈo e e haere mai au e farerei ia oe i teie nei mahana, no reira e haapoto noa ˈtu vau. Te hinaaro nei au e ia taio oe i te hoê mea faufaa roa.” E haamatara anaˈe i te hoê tumu parau maitihia, e e pûpû atu tatou i te mau vea.
7 E rave anaˈe i te mau nota ohie na te mau fare, e hoˈi faahou anaˈe e hiˈo i te taata atoa tei farii i te hoê buka. Mai te peu e e ite tatou i te tahi anaanatae i te hoˈi-faahou-raa e farerei, e pûpû anaˈe i te hoê tamatahitiraa i te hoê aore ra e piti vea. Ia vai ineine noa tatou e ia ru noa tatou i te pûpû i ta tatou mau vea i te mau taime atoa.