Putuputuraa no te taviniraa no tiunu
NOTA: Te vai ra i roto i Te taviniraa o te Basileia te porotarama o te hoê putuputuraa no te taviniraa no te hebedoma tataitahi o te mau avaˈe tiurai e atete. E rave te mau amuiraa i te mau tauiraa e titauhia ma te ara e e haere atu ratou i te tairururaa mataeinaa “Te feia e arue i te Atua ma te oaoa” e e rave ratou, i te putuputuraa no te taviniraa e tupu i te hebedoma i muri iho, i te hoê hiˈo-faahou-raa e 30 minuti no nia i te mau manaˈo faufaa roa ˈˈe o te porotarama. E titauhia na mua ˈˈe e piti aore ra e toru taeae aravihi no taua hiˈo-faahou-raa ra i tera e tera mahana o te haamatara i te mau manaˈo faufaa roa ˈˈe. Ia faaineine-maitai-hia, e tauturu oia i te mau melo o te amuiraa ia tapea mai i te mau manaˈo matamua, ia faaohipa ratou no ratou iho e i roto i te pororaa. E mea poto e te papu te mau pahonoraa a te feia i putuputu mai e te mau faatiaraa e faahitihia.
Hebedoma o te 5 no tiunu
Himene 7
12 mn: Parau faaara e Mau parau faaite tano a Te taviniraa o te Basileia. A faaite i te mau ohipa i te roaraa o te mau tau faaearaa haapiiraa; a faahaamanaˈo i te faufaaraa no te taata tataitahi ia ohipa noa i roto i te pororaa, ia haere i te mau putuputuraa e ia horoa i ta ˈna tabula.
15 mn: “Te horoa ra o Iehova i te mana no tatou.” Ma te mau uiraa e te mau pahonoraa. A faaohipa i te mau manaˈo i roto i Te Pare Tiairaa 1 no febuare 1992, api 32.
18 mn: “O Iehova to tatou Poiete.” Aparauraa e te feia i putuputu mai. E piti faahiˈoraa ia au i te mau faaiteraa horoahia. A horoa i te tahi mau manaˈo poto no te rave i te mau hoˈi-faahou-raa e farerei i te mau taata o ta tatou i vaiiho i Te parau apî o te Basileia i te mau avaˈe eperera e me.
Himene 17 e pure faaotiraa.
Hebedoma o te 12 no tiunu
Himene 221
10 mn: Parau faaara. Tabula faufaa moni.
17 mn: “Te Mesia: te hoê hiˈoraa no te mau taurearea.” Ma te mau uiraa e te mau pahonoraa. A faaô i te tahi mau manaˈo no roto mai i Te Pare Tiairaa 1 no setepa 1986, mau api 4-6.
18 mn: “E tauturu anaˈe i te feia aita to ratou e faaroo.” E hiˈopoa te hoê taeae aratai i te haapiiraa buka i te tumu parau e piti aore ra e toru taata poro. E faaite o ˈna e nafea ia faaohipa i te mau manaˈo horoahia. E rave ratou i muri iho i te hoê faaineineraa i reira ratou e haamataro ai i te faaohipa i te mau faaiteraa.
Himene 122 e pure faaotiraa.
Hebedoma o te 19 no tiunu
Himene 80
10 mn: Parau faaara. E piti aore ra e toru faahiˈoraa poto: Faaiteraa i te mau vea o ta tatou e nehenehe e faaohipa i teie hebedoma i roto i te pororaa.
18 mn: E haamauruuru anaˈe ia vetahi ê. Oreroraa parau na te hoê matahiapo, niuhia i nia i Te Pare Tiairaa 1 no titema 1994, mau api 28-30. A haapapu i te faufaaraa ia faatura i to tatou mau hoa i roto i te amuiraa e ia tapitapi tatou no ratou ma te here.
17 mn: “E faaohipa maitai anaˈe i to tatou taime.” Ma te uiraa e te mau pahonoraa. No nia i te taime i mua i te afata teata, a faahaamanaˈo i te mau manaˈo i roto i te A ara mai na! 8 no me 1991, api 21, i raro aˈe i te tumu parau iti “A faaite i te haavî.”
Himene 208 e pure faaotiraa.
Hebedoma o te 26 no tiunu
Himene 75
15 mn: Parau faaara. A aparau poto i nia i te faufaaraa o te mau hoˈi-faahou-raa e farerei. Te ravehia ra te tuhaa rahi o ta tatou ohipa haapiiraa i roto i te mau hoˈi-faahou-raa e farerei o ta tatou e faatupu nei no te atuatu i te anaanatae. Mea iti te mau taata i haere i mua i te pae varua na roto noa i te mau buka. Ia ore tatou e hoˈi faahou e hiˈo ia ratou, te ere nei ïa tatou i te taime maitai roa ˈˈe no te tauturu ia ratou. Te mau hoˈi-faahou-raa e farerei o te omuaraa ïa o te mau haapiiraa bibilia. E rave rahi feia poro e ite nei i te mau faahopearaa maitai roa ˈˈe i roto i taua tuhaa ra na roto i te hoˈi-faahou-raa e hiˈo i te mau taata hoê aore ra e piti mahana i muri aˈe to ratou tere matamua maoti râ i te tiai hoê hebedoma.—Hiˈo i te buka ra Notre ministère, mau api 89-90.
15 mn: Pahonoraa i ta outou mau uiraa. Ma te mau uiraa e te mau pahonoraa. Na te taeae aratai i te haapiiraa o Te Pare Tiairaa. A faaô atoa mai i te mau manaˈo no roto mai i te Buka no te Haapiiraa, mau api 90-2.
15 mn: Te mau buka o ta tatou e pûpû i te avaˈe tiurai. A paraparau no nia i te mau huru taa ê o te mau vea iti a te amuiraa. Mau faahiˈoraa poto: e pûpû te feia poro i taua mau vea iti ra na te mau fare. Hiˈoraa: Te haapao mau ra anei te Atua ia tatou? (Hohora i te vea iti i te mau api 26-7, faaite i te mau hohoˈa e paraparau no nia i te mau irava e faahiti ra no nia i te Paradaiso a muri aˈe.) Eaha te tumu o te oraraa? Nafea outou e ite ai i te reira? (Hohora i te vea iti i te mau api 30-1, faaite hoê o te mau irava faahitihia e a paraparau no nia i te hohoˈa.) Ia pohe tei herehia e outou na. (Huti i te ara-maite-raa o te taata i nia i te mau uiraa faahitihia i te api 2, e paraparau i muri iho no nia hoê aore ra e piti irava bibilia tamahanahana i te api 31.) A faaite i te feia i putuputu mai e eaha te mau vea iti e vai ra i roto i te amuiraa.
Himene 225 e pure faaotiraa.