Pahonoraa i ta outou mau uiraa

◼ Eaha te tia ia tatou ia afai i te mau putuputuraa?

Te fanaˈo nei tatou i te mau putuputuraa o te hebedoma te hoê haapiiraa e te mau faaitoitoraa no to tatou maitai (Isa. 48:17; Heb. 10:24, 25). Tera râ, tei te huru o ta tatou mau faaineineraa e huti ai tatou i te tahi mau haamaitairaa.

E mea maitai ia rave mai te melo tataitahi o te utuafare i te mau buka e haapiihia e te tahi atu â mau tauihaa faufaa no te mau putuputuraa, ei hiˈoraa te hoê Bibilia, te hoê buka himene, te aore ra te mau buka haapiihia, te hoê parau papai, e te hoê penitara.

I te Haapiiraa o te taviniraa teotaratia, e hinaaro tatou i te Porotarama no te Haapiiraa o te taviniraa teotaratia e te Buka no te Haapiiraa o te taviniraa teotaratia. Te tauturu nei te reira ia tatou ia haamanaˈo i te upoo parau o te mau tumu parau e vauvauhia e te feia haapii e ia faaroo maitai i te mau aˈoraa e horoahia e te tiaau no te haapiiraa. E nehenehe tatou iho e faaohipa i te mau manaˈo tauturu horoahia, e te reira no te haamaitai i te huru o ta tatou mau tumu parau e ta tatou mau faaiteraa i roto i te pororaa. Mai te avaˈe tenuare mai, ua niuhia te rahiraa o te mau oreroraa parau haapiiraa i nia i te buka ra Tahoêhia i roto i te haamoriraa o te Atua mau hoê roa. E mea maitai ia afai te melo tataitahi o te utuafare i ta ˈna iho buka ia nehenehe o ˈna e hiˈo atu.

I te putuputuraa no te taviniraa, e hinaaro tatou i Te taviniraa o te Basileia e te buka ra Comment raisonner. E haere tatou e te mau buka atoa e faaohipahia i te putuputuraa, ei hiˈoraa te mau buka e faaohipahia i roto i te mau faahiˈoraa. E tia i te mau matahiapo ia rave na muri iho ia ratou i te buka ra Organisés pour bien remplir notre ministère.

E tia i te mau metua ia imi i te mau ravea atoa ia parahi noa te mau tamarii e ia faaroo i te roaraa o te mau putuputuraa. Ma te horoa ˈtu i te hoê vea o Te Pare Tiairaa e te tahi atu mau buka, na mua atoa ratou e ite ai i te taio, e faaarahia to ratou anaanatae. Ia haapiihia i te mau tamarii ia haapao maitai i te mau buka e ia faaohipa ˈtu, e rave ratou i te mau peu maitatai i te pae varua o te faaora o ta ratou e tapea maite i te roaraa o to ratou oraraa.

E rahi roa ˈtu â te oaoa e te aau tae ta tatou e huti mai roto mai i te mau putuputuraa a te amuiraa ia apiti atu tatou ma te ineine maitai (Tim. 2, 3:17). O teie te ravea faahiahia roa ˈˈe ia ite papu tatou e ua “faaîhia mai [tatou] i te ite i to ˈna ra hinaaro [to te Atua], i te paari i te mau mea atoa, e te ite varua ra.”—Kol. 1:9.