Mau parau faaite

◼ Mau buka e pûpûhia i te mau avaˈe eperera e me: Tamatahitiraa i Te Pare Tiairaa e te A ara mai na! no te tino moni e 320 tara i te tamatahitiraa hoê aore ra 160 tara no te hoê tamatahitiraa e ono avaˈe. Ia ore te tamatahitiraa e fariihia, e nehenehe e faaohipa i te mau huru vea iti atoa no te tino moni e 30 tara, eiaha râ te vea iti L’école. Tiunu: La vie: comment est-elle apparue? Évolution ou création? no te hoê tino moni e 80 tara. Tiurai e atete: Hoê o teie mau vea iti e 32 api: Te haapao mau ra anei te Atua ia tatou?; E tia anei ia tiaturi i te Toru Tahi?; Te faatereraa o te haamau i te Paradaiso; Te iˈoa o te Atua e vai noa e a muri noa ˈtu; Eaha te tumu o te oraraa? Nafea outou e ite ai i te reira?; Ia pohe tei herehia e outou na...; E oaoa oe i te fenua e a muri noa ˈtu!; “Inaha, te faaapî nei au i te mau mea atoa nei” no te hoê tino moni e 30 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14).

◼ Mai tei faataa-aˈena-hia i roto i te mau parau faaite na mua ˈˈe, e faaitehia te matararaa mai o Te parau apî o te Basileia i te sabati 23 no eperera i te mau putuputuraa faatupuhia i roto i te mau amuiraa, e i te mau tairururaa haaati e te mau tairururaa taa ê hoê mahana faanahohia i taua mahana ra. E haamata oioi noa te opereraa o Te parau apî o te Basileia i muri noa ˈˈe i te faaiteraahia te matararaa. No te TAATOARAA o te mau amuiraa teie faaueraa, te mau amuiraa atoa o te tia ia taui i ta ratou porotarama putuputuraa no te hoê tairururaa, o te tere o te tiaau haaati aore ra te tahi atu â. E nehenehe te mau amuiraa i reira e hohorahia ˈi te oreroraa parau taa ê i muri aˈe i te 23 no eperera e faaite i te matararaa o Te parau apî o te Basileia e e haamata i te opere atu mai te 24 no eperera.

◼ No te faaohipa maitai i te mau tamatahitiraa, te faaite atu nei matou ia outou i te tahi mau manaˈo ohie:

Nota i te mau taeae papai parau: Te ani nei matou i te taatoaraa o te mau papai parau ia pine atu i nia i te tabula, i te mau avaˈe tamatahitiraa, i te api parau S-11-AB no te 12/90 te tumu parau “Nafea ia faaî maitai i te mau tamatahitiraa” ia nehenehe te taata tataitahi ia hiˈo atu.

Faaapîraa: A imi i te mau ravea atoa, ia tamatahiti faahou outou ia outou, a faaohipa i te mau api parau “Tamatahitiraa tei hope” (M-91 e M-191) ta matou e afai atu na outou i te mau avaˈe atoa no te faaite atu ia outou i te taio mahana hopea.

Mau tauiraa o te vahi nohoraa: A papai atu i nia i te mau api parau “Tamatahitiraa: tauiraa o te vahi nohoraa” (M-205) tei faanahohia no te reira, maoti râ i te hapono mai i te hoê rata. Mai te peu e e taui outou i te vahi nohoraa e e tamatahiti faahou outou i te hoê â taime, e papai atu i te tauiraa o te vahi nohoraa i nia i te api parau “Tamatahitiraa tei hope,” ma te papai maitai.

Mau tamatahitiraa aita i faataehia: Ia tae mai te api parau ra “Tamatahitiraa aita i faataehia” (M-210), e tia i te amuiraa ia hiˈopoa i te tumu i ore i faataehia mai faaitehia i nia i taua api parau ra e ia tutava i te ite i te vahi nohoraa apî o te taata tei tamatahiti ia ˈna mai te peu e ua taui oia i te faaearaa. I te tahi mau taime, e papai mai na te tahi mau amuiraa ia matou no te faaara mai e aita e tae faahou mai ra te mau vea a tera aore ra te tahi taata tei tamatahiti ia ˈna. Tera râ, te vai ra ta te amuiraa taua api parau ra e te tiai nei matou e ia faahoˈihia mai e te mau faaueraa papu no te ite e e nehenehe anei e hapono faahou i te tamatahitiraa e i teihea vahi nohoraa.

Ia tamatahiti outou i te hoê taata, e tae oioi atu ta ˈna tamatahitiraa. Mai te peu e ua hope hoê avaˈe e aitâ ta ˈna tamatahitiraa i tae mai, a faaara atu i te taata o te haapao ra i te mau tamatahitiraa no te faaite atu i te amaa na roto i te papairaa ˈtu i te mau faaiteraa atoa no nia i te taata tei tamatahiti ia ˈna, aore ra na roto i te taniuniuraa i te numera 54.70.00 (tuhaa haapao i te mau tamatahitiraa).