Hiˈo-faahou-raa no te Haapiiraa o te taviniraa teotaratia

Hiˈo-faahou-raa ma te tapiri i te buka no nia i te mau tumu parau i tuatapapahia i roto i te Haapiiraa o te taviniraa teotaratia i te hebedoma no te 2 no tenuare e tae atu i te 17 no eperera 1995. A papai i te mau pahonoraa o te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.

[Nota: I roto i te taime faataahia no te hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]

A tuu “tano” aore ra “hape” i muri aˈe i te mau pereota i muri nei:

1. I to te Atua fariiraa i te tatarahapa a Davida no ta ˈna hara e o Bate-seba, ua araihia o Davida e to ˈna utuafare i te mau faahopearaa peapea o to ˈna haerea ino. [uw api 127 par. 5]

2. Te manaˈo faufaa i roto i te Maseli 11:1 oia hoi ia riro tatou ei mau taata tiaraa maitai i te pae morare e te haavare ore i roto i ta tatou mau ohipa tapihoo mai te peu e te hinaaro nei tatou e fanaˈo i te farii maitai o Iehova. [Taioraa o te Bibilia; hiˈo w86-F 15/11 api 19.]

3. Te fariiraa i te mau aˈoraa o te hoê ïa tapao paruparu. [uw api 127 par. 4]

4. Te huti na mua ra te Maseli 14:17 i te ara-maite-raa i nia i te mau manaˈo horuhoru no te mea e pinepine te reira i te tupu na mua ˈˈe i te ohipa. [Taioraa o te Bibilia; hiˈo w93 15/8 mau api. 20-1.]

5. E ora te feia atoa o te pii ia Iesu e Fatu. [uw api 105 par. 5]

6. I te matahiti 33 o to tatou nei tau, i to ˈna faatia-faahou-raahia mai e to ˈna parahiraa i te rima atau o te Atua, ua haamata Iesu i te faatere i taua taime ra i nia i ta ˈna mau pǐpǐ faatavaihia. (Kol. 1:13) [gt pene 132]

7. Fatata 3 000 matahiti na mua ˈˈe te mau aivanaa iteraa i te tapao no ǒ mai i te mau tupuna, ua faaite aˈena te Salamo 139:13-16 i te reira. [Taioraa o te Bibilia; hiˈo w92 15/5 api 4.]

8. Ua riro noa te Maseli 8:22-31 ei faataaraa no nia i te paari. [Taioraa o te Bibilia; hiˈo w87-F 15/5 api 28.]

9. Eita e tia i te hoê kerisetiano mau ia riri i te mau mea atoa. [Taioraa o te Bibilia; hiˈo w92 1/1 api 21.]

10. Ua riro te Maseli 11:25 ei hiˈoraa no nia i te mau manaˈo tuea aore ra te mau manaˈo na roto i te huru papairaa hebera pehepehe, e te Maseli 10:7 o te hoê ïa hiˈoraa no te faaauraa faataa ê. [si api 102 par. 7]

A pahono i te mau uiraa i muri nei:

11. No te aha ua hau aˈe te mau Salamo i te hoê noa buka papaihia? [si api 99 par. 23]

12. Eaha te maitai ta Iesu i huti mai na roto i to ˈna iteraa i te mau Salamo? [si api 100 par. 30]

13. Na vai i horoa i te paari o Solomona, e eaha ta tatou e haafaufaa ra ia taio anaˈe tatou i te mau Maseli? [si api 101 par. 1]

14. O vai ta Maria i Magadala i manaˈo i to Iesu tei faatiahia, paraparauraa ia ˈna i roto i te aua, e na te aha i tauturu ia ˈna ia ite e o vai mau na o ˈna? [gt pene 128]

15. O vai na melo e piti o te Sunederi, tei mǎtaˈu ia itehia raua e o Iesu, tei faaineine i to ˈna tino no te tanuraa? [gt pene 127]

16. Nafea tatou ia faaite i roto i te mau ohipa i te mau mahana atoa i te here faatusia no to tatou mau taeae? [uw mau api 132-3 mau par. 3, 4]

17. Eaha te aamu e faatiahia ra i roto i te Salamo 136:10-15, e eaha tei tupu i nia ia Pharao? [Taioraa o te Bibilia; hiˈo w93 15/6 api 5.]

18. Eaha na tumu e piti i faaohipahia ˈi te toto o Iesu tei maniihia? [uw api 115 par. 13]

19. No te aha te mau aposetolo taiva ore, te taeae o Iesu ra o Iakobo, e na hau atu i te 500 pǐpǐ i tiaturi ai e ua faatia-faahou-hia mai o Iesu? [gt pene 131]

20. Na te aha i faariro ia Iesu Mesia ei taata rahi roa ˈˈe i ora aˈenei? [gt omuaraa parau]

A faaî i te mau area i vaiihohia i roto i te mau pereota i muri nei:

21. I roto i ta ˈna oreroraa parau tuiroo i te Penetekose o te matahiti 33 o to tatou nei tau, ua faahiti pinepine o Petero i te buka ․․․․․․․․; i taua taime ra fatata e ․․․․․․․․ taata tei bapetizo ia ratou e tei apiti i roto i te amuiraa. [si mau api 99-100 mau par. 25, 26]

22. Ua tohuhia e e pûpûhia te ․․․․․․․․ na Iesu no te inu i roto i te mau Salamo, te haa-mairi-kelero-raahia to ˈna ․․․․․․․․, e to ˈna manaˈoraa e e au ra e e ua faaruehia o ˈna e te ․․․․․․․․. [si api 100 par. 30]

23. E faanahonahoraa teotaratia ta Iehova, oia hoi na te ․․․․․․․․; te horoa nei Iehova i te aratairaa na roto i te arai o te Upoo o te amuiraa, o ․․․․․․․․, na roto i te arai o Ta ˈna Parau, te ․․․․․․․․; e ua horoa Iesu i te hopoia taa ê na “․․․․․․․․.” (Mat. 24:45) [uw mau api 118-19 mau par. 4-6]

24. Taa ê atu i na 144 000 taata o te haere i nia i te raˈi, e ora ˈtu te “․․․․․․․․,” eita e pau i te taata ia taiohia, i te ․․․․․․․․ o te tupu i nia i te ․․․․․․․․. (Apo. 7:9, 14) [uw api 104 mau par. 3, 4]

25. No te rave i te hoê faaotiraa e fariihia e te Atua, e hiˈopoa maitai te tino aratai i te senekele matamua eaha ta ․․․․․․․․ i parau no nia i te tumu parau i tuuhia mai e te faaiteraa a te ․․․․․․․․. (Ohipa 15:6-29) [uw api 120 par. 8]

A maiti i te mau pahonoraa tano i roto i te mau faahitiraa i muri nei:

26. I to ˈna rîraahia i nia i te pou, ua horoahia na Iesu i te uaina anoihia i te raau avaava, ua patoi râ o ˈna i te inu no te mea (e opanihia te reira e te ture; e Nazirea o ˈna; ua hinaaro o ˈna e ia vai ara noa oia). [gt pene 125]

27. Te auraa e horoi i to tatou ahu e ia teatea i te toto o te Arenio oia hoi ïa te (faaea nei tatou i te rave i te hara; hinaaro mau nei tatou i te mau maitai o te tusia a Iesu, pûpû nei tatou i to tatou ora no te Atua e te bapetizoraa ia tatou). [uw api 106 par. 7]

28. Ua faˈihia e aita ta Iesu e hara e pae taime na (Heroda; Pilato; Felisi), o tei farii i te pae hopea i te mau aniraa tuutuu ore a te mau ati Iuda e ua tuu atura ia ˈna i to ratou rima ia haapohehia oia. [gt pene 124]

29. Aita te mau tavini haapao maitai atoa a te Atua tei pohe e tei vai noa i roto i te pohe na mua ˈˈe i te Penetekose i te matahiti (36; 35; 33) o to tatou nei tau i faatavaihia i te varua moˈa no te ora i nia i te raˈi. [uw api 111 par. 5]

30. Te faahua parau nei Satani e e na te (here; riri; hinaaro miimii) e turai ra i te taatoaraa o te mau taata e ta ratou tapitapiraa matamua oia hoi o (te iˈoa o te Atua; vetahi ê; ratou iho). [uw api 124 par. 14]

A faatuati i te mau pereota i muri nei i te mau irava e tano:

Mas. 3:27, 28; Ioane 19:4-6; 19:25-27; Roma 15:2, 3; Apo. 7:16, 17

31. E hopoia na te mau kerisetiano e haapao i to ratou mau metua ruhiruhia. [gt pene 126]

32. E hiˈopoa tatou eaha ta tatou huru faanehenehe e faatupu i nia ia vetahi ê e ineine ïa tatou i te haapae i ta tatou e au ra. [uw api 130 mau par. 10, 11]

33. I te mau taime atoa e nehenehe tatou e rave i te maitai i nia ia vetahi ê, i te pae varua anei aore ra i te pae tino, e tia ia tatou ia rave mai i taua taime ra e ia tauturu i to tatou taata-tupu, to tatou iho â râ mau taeae i te pae varua. [Taioraa o te Bibilia; hiˈo w93 15/12 api 20.]

34. E nehenehe te tura aueue ore e te hau i mua i te fifi e faahanahana ia Iehova e e faaturahia mai e te mau taata. [gt pene 123]

35. Ua haamata aˈena tatou i te fanaˈo i te mau huru oraraa i tǎpǔhia mai e te parauhia ra ma te tano te “paradaiso i te pae varua.” [uw mau api 107-8 mau par. 9-11]