Putuputuraa no te taviniraa no tenuare
Hebedoma o te 2 no tenuare
Himene 83
5 mn: Parau faaara e Mau parau faaite tano a Te taviniraa o te Basileia.
25 mn: “‘Te feia e arue i te Atua ma te oaoa’—Tairururaa mataeinaa 1995.” Ma te mau uiraa e mau pahonoraa. Na te taeae papai parau. A taio na mua i te rata no te 7 no atete 1994 o te faaite ra i teihea tairururaa e titauhia te amuiraa.
15 mn: “Ia faaohipa maitai tatou i te mau buka tahito.” Aparauraa e te feia i putuputu mai. A faaite i te amuiraa eaha te mau buka tahito e vai ra. A faaitoito i te feia poro ia rave no te pororaa. Piti aore ra toru faahiˈoraa poto ia au i te mau faaiteraa horoahia.
Himene 188 e pure faaotiraa.
Hebedoma o te 9 no tenuare
Himene 183
15 mn: Parau faaara. Tabula faufaa moni. A faahaamanaˈo i te mau huru taa ê o te vea iti ra Ia pohe tei herehia e outou na (Hiˈo i Te taviniraa o te Basileia atopa 1994, api 7.) A faaitoito i te taata tataitahi ia afai i taua vea iti ra e ia pûpû atu ia tano anaˈe te taime. A faaite i te mau faanahoraa i ravehia no te poro i te 16 no tenuare.
15 mn: “Te tiairaa mamoe o te faaitoito.” Oreroraa parau a te hoê matahiapo niuhia i nia i te mau tumu parau o te upoo parau iti o Te Pare Tiairaa no te 15 no setepa 1993, mau api 21-23. A haamatara i te tahi mau aˈoraa bibilia o te tauturu ia faaruru e rave rau mau fifi.
15 mn: Ua ineine anei outou i te faaruru i te hoê fifi i te pae rapaauraa o te tamata i to outou faaroo? Oreroraa parau haapao maitai, ma te aau tae râ, a te hoê matahiapo aravihi. E tauturu oia i te mau taeae e mau tuahine ia taa maitai i te parururaa ta te parau “Mau faaueraa i te pae rapaauraa” e te parau tiaraa e horoa mai. E faahiti faahou o ˈna i te mea i parauhia i te avaˈe tenuare i mairi aˈenei eaha te tia i te feia e hinaaro ra e fanaˈo i taua parururaa ra e o te auraro ra i tei titauhia, ia rave no te faaî i ta ratou parau. No te tahi atu â mau haamaramaramaraa, hiˈo i Te taviniraa o te Basileia tenuare 1994, api 2, “Hebedoma o te 10 no tenuare.”
Himene 198 e pure faaotiraa.
Hebedoma o te 16 no tenuare
Himene 182
10 mn: Parau faaara. A faahiti i te tahi mau manaˈo no roto mai i te mau vea hopea o te nehenehe e faatupu i te hoê aparauraa. A faaitoito i te taata tataitahi ia apiti i roto i te pororaa i te hopea hebedoma i mua nei.
18 mn: “Ia faatura tatou ia vetahi ê—Tuhaa matamua.” Ma te mau uiraa e mau pahonoraa. A faahaamanaˈo e e tia i te mau matahiapo ia ohipa amui maite ratou no te hiˈopoa i te maitairaa o te tapoˈi fare, o te mau auri pape, o te matini faatoetoe mataˈi, o te mau tamaumauraa uira e te faanahoraa no te parururaa. Hiˈo i Te taviniraa o te Basileia no tenuare 1985, api 3, e no tenuare 1986, api 6 (farani).
17 mn: “E faaite tatou e te haapao nei tatou ia vetahi ê na roto i te mau hoˈi-faahou-raa e farerei.” E tauaparau e toru aore ra e maha taata poro no nia i te tumu o te mau hoˈi-faahou-raa e farerei e to ratou faufaaraa. A haapapu e te tapao o te haamataraa ïa i te mau haapiiraa bibilia. A tuatapapa i te mau faaiteraa horoahia. Hoê aore ra e piti faahiˈoraa. E haamatara na feia poro e toru aore ra e maha i te mau tuhaa maitatai e e horoa i te mau manaˈo e nafea ia haamaitai i te aore ra te mau ravea faaohipahia.
Himene 196 e pure faaotiraa.
Hebedoma o te 23 no tenuare
Himene 161
5 mn: Parau faaara.
15 mn: Mau hinaaro o te amuiraa.
10 mn: “Nafea ia faanaho i ta outou haapueraa buka teotaratia.” Oreroraa parau niuhia i nia i Te Pare Tiairaa no te 1 no novema 1994, mau api 28-31.
15 mn: “Te haapiiraa tataitahi: te hoê tuhaa te tia ia tatou ia ara maite.” Ma te mau uiraa e mau pahonoraa. A faaô i te tahi mau manaˈo hutihia mai roto mai i Te Pare Tiairaa no te 15 no tiunu 1985, mau api 8-13 (farani).
Himene 116 e pure faaotiraa.
Hebedoma o te 30 no tenuare
Himene 141
10 mn: Parau faaara. Mau parau apî teotaratia.
17 mn: “Ia rahi noa ta tatou ohipa.” Ma te mau uiraa e mau pahonoraa. A uiui e piti aore ra e toru taata poro mea î maitai ta ratou tabula ohipa (matahiapo, vahine faaea fare, pionie, e te vai atu â.): Nafea ratou e tapea ˈi i te oaoa a apee noa ˈi ratou i te hoê porotarama î maitai?
18 mn: E pûpû tatou i te buka ra E ora e a muri noa ˈtu i te avaˈe febuare. A parau e no te aha e mea faufaa ia ite te mau taata i te mau haamaramaramaraa i roto i taua buka ra. (Hiˈo i Te Pare Tiairaa no te 1 no eperera 1988, mau api 25-6, mau paratarapha 17 e 18 [farani].) A faatia poto noa i te tahi mau tupuraa o te faaite ra e ua anaanatae te mau taata aau rotahi i te taioraa i te buka. (Hiˈo i Te Pare Tiairaa no te 1 no setepa 1989, api 32, e no te 1 no titema 1991, api 32 [farani].) A horoa i te tahi mau manaˈo e nafea ia haamata i te mau haapiiraa bibilia e te mau taata tei anaanatae e o ta tatou i vaiiho atu i te buka ra E ora e a muri noa ˈtu. Faahiˈoraa poto a te hoê taata poro aravihi: faaiteraa maoti te piti o te omuaraa parau i roto i te vea iti Haaferuriraa i raro aˈe i te upoo parau iti “Oraraa/Oaoaraa,” api 5; aore ra, a faaohipa i te hoê faaiteraa e tano no te tuhaa fenua. A aˈo i te feia i putuputu mai ia rave i te tahi mau buka na mua ˈˈe e haere ai e poro i teie hebedoma.
Himene 199 e pure faaotiraa.