Putuputuraa no te taviniraa no novema

Hebedoma o te 7 no novema

Himene 4

10 mn: Parau faaara e Mau parau faaite tano a Te taviniraa o te Basileia. A faahiti hoê aore ra e piti manaˈo anaanatae o te nehenehe e faaohipahia i te pûpûraa o te mau vea hopea tataitahi. A faaite i te mau faanahoraa ravehia no te poro hau atu â i te roaraa o te tau oroa no taua hebedoma ra.

18 mn: “Te mana o te Parau a te Atua.” Ma te mau uiraa e mau pahonoraa. A tauaparau no nia i te faufaaraa o te taio-tamau-raa i te Bibilia ma te faaohipa i te omuaraa parau o te vea iti ra E imi anaˈe na i te parau i papaihia ra i te mau mahana atoa—1994.

17 mn: “Te Bibilia: te hoê pu no te tamahanahanaraa e te tiaturiraa i roto i te hoê ao arepurepu.” Aparauraa e te feia i putuputu mai. Piti faahiˈoraa ia au i te mau faaiteraa horoahia.

Himene 24 e pure faaotiraa.

Hebedoma o te 14 no novema

Himene 25

10 mn: Parau faaara. Tabula faufaa moni e mau haamauruururaa no te mau ô.

17 mn: “Eaha te huru feruriraa ta tatou e faaite ra?” Oreroraa parau. A faaohipa i te mau manaˈo o Te Pare Tiairaa no te 15 no setepa 1977, api 561, paratarapha 4-5 (farani).

18 mn: “Ia poro tatou ma te aravihi atu â.” Ma te mau uiraa e mau pahonoraa. A titau manihini i te feia i putuputu mai ia faatia i te mau tupuraa ma te faaite e e noaa mai te mau faahopearaa maitatai ia faaohipahia te mau manaˈo o Te taviniraa o te Basileia.

Himene 37 e pure faaotiraa.

Hebedoma o te 21 no novema

Himene 40

12 mn: Parau faaara. Pahonoraa i ta outou mau uiraa. Oreroraa parau. A faatano i te mau manaˈo i te amuiraa.

15 mn: Mau hinaaro o te amuiraa, aore ra oreroraa parau na te hoê matahiapo i nia i te upoo parau “A haafaufaa i ta outou taviniraa moˈa”, ia au i Te Pare Tiairaa no te 1 no setepa 1994, api 29.

18 mn: “E horoa tatou i te ravea no ratou ia ‘faaroo faahou’.” Aparauraa e te feia i putuputu mai. Piti faahiˈoraa faaineine-maitai-hia o te faaite e nafea ia faaohipa i te Bibilia ia haamata-anaˈe-hia te hoê haapiiraa.

Himene 52 e pure faaotiraa.

Hebedoma o te 28 no novema

Himene 58

10 mn: Parau faaara. A horoa i te mau ravea no te pûpû i te mau vea hopea.

17 mn: “Te mau haamaitairaa no roto mai i te rave-amui-raa i te ohipa.” Ma te mau uiraa e mau pahonoraa. A faaitoito i te taatoaraa o te feia poro ia turu i te mau putuputuraa no te pororaa faanahohia e te amuiraa maoti râ i te rave i ta ˈna iho mau faanahoraa no te poro. E horoa mai te rave-amui-raa e te pǔpǔ i te mau haamaitairaa hau: pororaa aravihi atu â e te mau faaitoitoraa i te tahi e te tahi.

18 mn: Te pûpûraa i te buka Te taata rahi roa ˈˈe i ora aˈenei i te avaˈe titema. Te pahono ra teie buka i te hoê hinaaro rahi. Te parau nei tau hanere mirioni taata e pǐpǐ ratou na Iesu e te tiaturi ra i ta ˈna mau haapiiraa. Te hinaaro nei te mau taata e ite eaha te faataa ê ra ia Iesu i te tahi atu mau taata; ua niuhia to ratou ora i nia i te reira. Te taiohia ra i roto i te buka Te taata rahi roa ˈˈe i ora aˈenei, pene 133: “E putapû roa to tatou mafatu ia hiˈopoa tatou i to ˈna itoito rahi e to ˈna huru taata nei, to ˈna paari hau aˈe, to ˈna aravihi faahiahia mau ei orometua, to ˈna tiaraa aratai mǎtaˈu ore, e to ˈna here e to ˈna aroha.” Te faaite maitai ra te Bibilia ia ˈna mai te 1) hoê Ite (Ioane 18:37), 2) hoê Faaora (Ohipa 4:12) e 3) hoê Arii (Apo. 11:15). Faahiˈoraa: E pûpû te hoê taata poro aravihi i te buka ma te faaohipa i te tahi mau manaˈo i nia nei. A faaitoito i te taatoaraa o te feia poro ia pûpû i teie buka i te avaˈe titema.

Himene 61 e pure faaotiraa.