Hiˈo-faahou-raa no te haapiiraa o te taviniraa teotaratia
Hiˈo-faahou-raa ma te tamau i te buka no nia i te mau tumu parau i tuatapapahia i roto i te te Haapiiraa o te taviniraa teotaratia i te hebedoma no te 2 no me e tae atu i te 22 no atete 1994. A papai i te mau pahonoraa o te mau uiraa atoa o ta outou e nehenehe e hiˈopoa i roto i te area taime i faataahia, i nia i te hoê api parau taa ê.
[Nota: I roto i te taime faataahia no te hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i tapaohia i muri aˈe i te mau uiraa atoa no te faaohie i ta outou mau maimiraa. Aita te taatoaraa o te mau numera o te mau api e te mau paratarapha o Te Pare Tiairaa i faahitihia.]
A tuu “tano” aore ra “hape” i muri aˈe i te mau pereota i muri nei:
1. Ia taiohia te Salamo, aita e faufaa e faahiti i te parau ra “Sela,” o te itehia e 71 taime i roto i taua buka ra. [si api 96 § 5]
2. Ia au i te Salamo 15:4, ia ite te hoê kerisetiano e aita te mea ta ˈna i tǎpǔ e tuea ra e te Bibilia, e tia iho â ia ˈna ia tapea i ta ˈna parau. [Taioraa Bibilia; hiˈo w89 15/9 mau api 28-9.]
3. Te haapapu ra te buka a Ioba e ere o te Atua te tumu o te mauiui, te maˈi, e te pohe o te huitaata nei. [si api 95 § 42]
4. Ua haapapu te huru oraraa o Iesu e e nehenehe o Adamu e tapea i te haapao maitai tia roa ahiri e ua hinaaro mau oia e e aita e mea hape i roto i te poieteraa a te Atua. [uw api 52 § 11]
5. Te hara a te tavini faataahia i roto i te Luka 19:20-24, tei noaa hoê mina e tei vaiiho maite i roto i te vehî, oia hoi te haapao ore. [gt pene 100]
6. E nehenehe te hoê kerisetiano mau e hoo mai i te ora mure ore na roto i te rave-puai-raa i te ohipa e te pǔpǔ-taatoa-raa ia ˈna i te Atua. [uw api 36 § 13]
7. Te parau ra te Korinetia 1, 2:9 no nia i te paradaiso i nia i te fenua nei no a muri aˈe. [uw api 26 § 12 (3); hiˈo w85 15/9 api 30.]
8. Eita e tia ia tatou ia faariro i te haerea tia ore mai te hoê ohipa faufaa ore no te mea noa ïa e e ohipa matauhia te reira i roto i te ao nei. [uw api 52 § 13]
9. Te horoa ra te Salamo 49:15 i te hoê faaiteraa o te faaroo i roto i te tiaturiraa o te tia-faahou-raa. [Taioraa Bibilia; hiˈo w89-TH 1/3 api 13 § 13.]
10. I te tahi taime, na te tahi atu taata, o te faahua tavini ra ia Iehova, e aratai e e turai ia pee i te haerea o te mau taata o teie nei ao. [uw api 43 § 11]
A pahono i te mau uiraa i muri nei:
11. Eaha te hoê Salamo? [si api 92 § 2]
12. Eaha te haapapuraa nehenehe ta te Salamo 27:10 e horoa mai ra no tatou? [Taioraa Bibilia; hiˈo w92-TH 15/3 api 22 § 17.]
13. Ia au i te Salamo 10:13, eaha te manaˈo hape o te feia e rave ra i te ohipa ino ma te ore e tatarahapa? [Taioraa Bibilia; hiˈo w91 1/11 api 6.]
14. Ia au i te Exodo 9:15, 16, eaha ta te huru raveraa a Iehova i faatupu i nia ia Pharao? [uw api 57 §§ 6, 7]
15. A faahiti e piti ravea e nehenehe ai tatou e feruri i nia i te mau mea ta tatou e taio ia huti mai i te mau haamaitairaa e rave rahi. [uw api 27]
16. Eaha te auraa o te faaueraa a te Salamo 2:12 e: “A hôˈi na i te tamaiti ra”? [Taioraa Bibilia; hiˈo w86 15/8 api 20.]
17. Teihea huru tiamâraa ta Iesu e parau ra i roto i te Ioane 8:32? [uw api 40 § 6]
18. O vai tei faahohoˈahia i “te vahine” i roto i te Genese 3:15? [uw api 30 § 3]
19. No te aha i nehenehe ai o Davida e parau ia Iehova i roto i te Salamo 51:4 e: “I mua i to aro, to oe anaˈe ra, i hara ˈi au nei,” e ua ite hoi oia e ua faaino atoa ta ˈna mau hara i te mau taata-tupu? [Taioraa Bibilia; hiˈo w93-TH 15/3 api 11 § 13.]
20. I te senekele matamua, eaha “te mea riaria e pau ai”, e eaha te reira i teie nei mahana? (Mat. 24:15) [gt pene 111]
A faaî i te mau area i vaiihohia i roto i te mau pereota i muri nei:
21. I roto i te Ioba 40:15, te faaauhia ra te “Behemota” i te ․․․․․․․․, e i roto i te Ioba 41:1, te tuea maitai ra te “Leviatana” i te ․․․․․․․․. [Taioraa Bibilia; hiˈo ad mau api 184-5, 348-9, 906.]
22. Ua faaroohia te reo mau o Iehova i te ․․․․․․․․ o Iesu, i te taime o te ․․․․․․․․, e i te 10 no Nisana i te matahiti 33 o to tatou nei tau, i to ˈna pureraa i to ˈna Metua i te ․․․․․․․․ i Ierusalema. [gt pene 104]
23. E titia te mau Pharisea i te ․․․․․․․․ i topa i roto i ta ratou uaina, no te mea e mea viivii te reira ia au i te peu moˈa, no to ratou haapao ore i te parau-tia, te aroha, e te taiva ore, e au ïa e e te horomii ra ratou i te ․․․․․․․․, e animala viivii atoa hoi oia i te peu moˈa. [gt pene 109]
24. I te mea e ua haavare o Satani no te aratai i to tatou nau metua matamua ia rave i te hara, ua faariro o Iesu ia ˈna ei ․․․․․․․․. [uw api 53 § 13 (1)]
25. E Tamaiti ․․․․․․․․ o Iesu na te Atua no te mea o ˈna anaˈe ta te Atua iho i poiete. [uw api 29 § 1]
A maiti i te mau pahonoraa tano i roto i te mau faahitiraa i muri nei:
26. Ua ite o Ioba i te Atua, mai te faaitehia ra i roto i te Ioba Job 42:5, oia hoi (ua ite orama oia i te Atua i roto i te puahiohio; ua ite oia i te hoê melahi i te faraa mai i mua ia ˈna; ua ite maitai oia e o vai mau na Iehova). [Taioraa Bibilia; hiˈo w88-TH 15/8 api 24 § 11.]
27. Te vahine ta Iesu i faahiti i roto i te Mataio 26:13 o (Maria, te tuahine o Lazaro; Maria, te vahine a Keleopa; Maria i Magadala). [gt pene 101]
28. Te mau niu tei taihipapahia, mai ta te Salamo 11:3 e faahiti ra, o te (mau niu o te hiero i Ierusalema; o Iesu Mesia ei ofai tihi; te mau niu o te totaiete, mai te parau-tia, te ture, e te faanahoraa). [Taioraa Bibilia; hiˈo w86 15/8 api 20.]
29. Ua pii o Iesu i te mau aposetolo ra o (Petero e Anederea; Philipa e Baretolomea; Iakobo e Ioane) “te tamarii a te patiri” no to raua huru peepee maitai. [gt pene 98]
30. Te uiraa rahi roa ˈˈe ta Satani i faahiti i to ˈna patoiraa i te tiaraa o te Atua ia faatere e Ta ˈna huru faatereraa no nia ïa i (te mau tiaraa o te taata; te uiraa e o vai te mea puai aˈe; te mana arii o te Atua na te ao taatoa nei). [uw api 46 § 1]
A faatuati i te mau pereota i muri nei i te mau irava e tano:
Gen. 3:1-5; Sal. 24:1; Ohipa 8:32-38; Heb. 10:26, 27; Pet. 1, 4:3, 4
31. E tauturu te fariiraa e na te Atua i poiete i te taata e te fenua nei e na Iehova te mau mea atoa, ia tatou ia faahaehaa e ia auraro. [uw api 39 § 4]
32. E tia ia tatou ia vai ara noa ia ape i te haamatau i te rave i te mau mea ta tatou i ite e eita roa ˈtu Iehova e farii. [uw api 33 § 8 (3) e 8 (4)]
33. E turai te ite mau no nia i te Bibilia e te haafaufaaraa i ta ˈna poroi i te feia mai te mamoe ra ia bapetizo. [uw api 32 § 7]
34. Noa ˈtu te rave ra outou i te ohipa e te haere ra outou i te haapiiraa e te feia aita i roto i te parau mau, e faaite outou e ere ratou i to outou mau hoa ma te ape roa i te amuimui ia ratou. [uw api 44 § 13]
35. E mea faufaa ia ape tatou i te manaˈo o teie nei ao oia hoi te erehia ra te mau taata i te tahi mea mai te peu e eita ratou e nehenehe e haamau i ta ratou iho mau faaueraa tumu i roto i te oraraa. [uw api 46 § 1]