Mau parau faaite

◼ Mau buka e pûpûhia i te avaˈe Atete: Hoê o teie mau vea iti e 32 api: Te haapao mau ra anei te Atua ia tatou?; E tia anei ia tiaturi i te Toru Tahi?; Te faatereraa o te haamau i te Paradaiso; Te iˈoa o te Atua e vai noa e a muri noa ˈtu; Eaha te tumu o te oraraa? Nafea outou e ite ai i te reira?; E oaoa oe i te fenua e a muri noa ˈtu!; “Inaha, te faaapî nei au i te mau mea atoa nei” no te tino moni e 30 tara. Setepa: E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 160 tara te buka faito rahi aore ra e 80 tara faito nainai (reo farani). Atopa: Tamatahitiraa hoê matahiti i te mau vea Te Pare Tiairaa e te A ara mai na! no te tino moni e 320 tara i te tamatahitiraa hoê. Novema: Te mau Papai moˈa—Tatararaa a te ao apî (farani) e te buka Te Bibilia—Parau na te Atua aore ra na te taata? no te tino moni e 204 tara. FAAARARAA: Te mau amuiraa o te hinaaro i te mau buka i faahitihia ˈtu nei, a ani atu ïa i nia i ta ratou Parau aniraa buka i mua nei (S-14). A haamanaˈo e ani i te mau vea hau ta outou e hinaaro no te opereraa i te avaˈe atopa.

◼ E haamata te mau amuiraa i te ani i te Kalena a te mau Ite no Iehova 1995 i nia i ta ratou parau aniraa buka no setepa.

◼ Mai te 29 no atete e tae atu i te 1 no setepa, e taio te Taiete i te taatoaraa o te mau buka e toe ra i te Betela. Eita roa ˈtu râ e fariihia te hoê noa ˈˈe aniraa, i te roaraa o taua taime ra, no nia i te mau buka haponohia aore ra tei ravehia i reira.

◼ E noaa i te amuiraa tataitahi i te mau api parau no te matahiti taviniraa 1995. Eiaha e haamâuˈa i teie mau api parau. E tia râ ia faahereherehia no te faaohiparaa faataahia no ratou.

◼ E tia i te feia atoa e melo ratou no te hoê amuiraa ia tapao e ia faaapî na roto i to ˈna arai i te mau tamatahitiraa i Te Pare Tiairaa e i te A ara mai na!, tae noa ˈtu i ta ratou iho mau tamatahitiraa.

◼ Aita te Taiete e farii faahou i te mau aniraa o te mau buka tei rave-tataitahi-hia e te feia poro. E nehenehe te feia o te hinaaro i te hoê buka taa ê e faaite i te taeae haapao i te mau buka, o te papai oioi atu i nia i te aniraa o te mau buka i te avaˈe a te amuiraa. E faataio te tiaau-peretiteni i te avaˈe tataitahi i te hoê parau faaara o te faaite i te haponoraa i mua mai o te aniraa o te mau buka i te Taiete, ia faaite te feia poro i te mau buka ta ratou e hinaaro i te taeae faataahia.

◼ E noaa i te amuiraa tataitahi e toru api Parau faaite o te mau buka (S-18). I te haamataraa o te avaˈe atete, e faaau te papai parau o te amuiraa e te taeae haapao i te mau buka, no te taio mahana o te parau faaite o te mau buka e vai ra i te hopea o te avaˈe. E tia ia ravehia te hoê taioraa tia mau o te taatoaraa o te mau buka e vai ra e ia faaite i te taatoaraa i nia i te Parau faaite o te mau buka. E na te taeae haapao i te mau vea e faaite i te taatoaraa o te mau vea e toe ra. A ara i te afai mai ia matou ra te api parau matamua no te 6 no setepa. A faaherehere i te piti o te api i roto i ta outou pueraa parau. E faaohipahia te toru o te api parau ei papaipairaa. E hiˈopoa te papai parau i te parau faaite, e e hiˈo-faahou-hia te api parau tei faaîhia ma te tia maitai e te tiaau-peretiteni. E tarima te papai parau e te tiaau-peretiteni i te api parau.

◼ E tia i te feia poro o te hinaaro ra e rave i te taviniraa pionie tamau i te 1 no setepa 1994 ia faaî ma te haamarirau ore i te hoê aniraa faaô i roto i taua taviniraa ra.

◼ E haaputu te papai parau o te amuiraa i te mau tabula taviniraa no te haamauraa o te Tabula hiˈopoaraa o te amuiraa (S-10). E horoa oia i te mau aˈoraa tano i te matahiapo aore ra i te tavini tauturu o te tauturu ia ˈna ia haamau i te tabula. E haapapuhia te hoê papairaa tano o te mau parau i nia i te mau tabula taviniraa a te taata poro (S-21). E tia ia faaîhia te Tabula hiˈopoaraa o te amuiraa (S-10) ma te taa maitai e te mâ, e i muri iho ia hiˈo-faahou-hia e te tomite no te taviniraa ma te haapao maitai.