Putuputuraa no te taviniraa no me

Hebedoma o te 2 no me

Himene 20

5 mn: Parau faaara e Parau faaite tano a Te taviniraa o te Basileia. A faahiti i te mau faanahoraa ravehia no te poro hau atu, ei hiˈoraa, te pororaa faanaho-ore-hia e i te ahiahi.

15 mn: “E rave tamau noa tatou i ta tatou mau ohipa teotaratia i te mau tau faafaaearaa.” Ma te mau uiraa e te mau pahonoraa. A faatia i te mau tupuraa tei farereihia i roto i te taviniraa pionie tauturu aore ra i roto i te pororaa faanaho-ore-hia e te amuiraa.

10 mn: “E tia anei ia taui pinepine i te faaiteraa?” Aparauraa i rotopu e piti matahiapo. A haapapu i te mau haamaitairaa e noaa mai ma te apiti tamau i roto i te pororaa.

15 mn: “E pûpû tatou i te mau vea no te faaite i te parau mau.” Aparauraa e te feia i putuputu mai. A faataa i te mea e taa ê ai ta tatou mau vea e no te aha tatou e pûpû atu ai i te mau taime atoa. A faaineine e piti faahiˈoraa poto.

Himene 128 e pure faaotiraa.

Hebedoma o te 9 no me

Himene 214

10 mn: Parau faaara. E tia ia tatou ia faaohipa i te mau taime atoa no te pûpû i te mau tamatahitiraa. E nehenehe tatou e pûpû atu i te feia o tei farii e o tei taio noa na i te mau vea i mutaa ihora. I roto i te rahiraa o te mau tupuraa, e pûpû tatou i te tamatahitiraa no te hoê matahiti, e nehenehe atoa râ e pûpû e ono avaˈe. A faataa e e tia ia faaî e toru parau tamatahitiraa.

20 mn: “E faaineine tatou i te feia haapii i te Bibilia no te taviniraa.” Ma te mau uiraa e te mau pahonoraa. Ia tuatapapahia te mau paratarapha 4 e 5, faahiˈoraa poto o te faaite e nafea ia tauturu i te hoê taata haapii ia faaineine ia ˈna ia horoa i te faaiteraa i tera e tera fare. E haamata te taata haapii na roto i te hoê faaiteraa ohie ma te faaohipa i te Salamo 37:11. E tâpû te taata e haapii ia ˈna ma te parau e: “E haapaoraa iho â ta ˈu.” Aita te taata haapii e ite nafea ia pahono. E hiˈo raua i te vea iti Haaferuriraa, mau api 10-11, e e hiˈo faahou i te tahi mau manaˈo e horoahia ra, e e maiti hoê e tano i te taata haapii. E haamata faahou te taata haapii e e haapaiuma i te patoiraa o te faaitoito ia ˈna.

15 mn: Te paturaa i te mau Piha no te Basileia. Aparauraa i rotopu e piti matahiapo. A faataa e nafea te taata e faaî ra i te mau titauraa no te apiti i roto i te paturaa o te mau Piha no te Basileia ia pahono i te Uiuiraa no te feia rave ohipa. A onoono 1) i nia i na toopiti huru taata rave ohipa o te nehenehe e faaî i te hoê uiuiraa e 2) e tia i te taatoaraa o te feia rave ohipa, te feia atoa tei rave aˈena, ia faaî i te uiuiraa apî. I muri iho, a hiˈopoa i te mau manaˈo faufaa roa o te ohipa tei ravehia na te mau tomite paturaa no te pae fenua, mai te itehia i roto i te buka Te mau Ite no Iehova: Feia poro i te Basileia o te Atua, mau api 322-8.

Himene 139 e pure faaotiraa.

Hebedoma o te 16 no me

Himene 173

10 mn: Parau faaara, tabula faufaa moni e te mau haamauruururaa no te mau ô. A faahiti i te mau vea iti o te nehenehe e vaiihohia, e a huti i te ara-maite-raa i nia i te tahi mau manaˈo anaanatae. A parau eaha te mau faanahoraa taa ê tei ravehia no te pororaa i te 23 no me.

17 mn: “E hoˈi tatou e hiˈo i te feia tei faaite i te anaanatae.” Ma te mau uiraa e te mau pahonoraa. Hoê aore ra e piti faahiˈoraa i nia i te mau faaiteraa tei horoahia.

18 mn: “E haafaufaa rahi tatou i te Haapiiraa o te taviniraa teotaratia.” Oreroraa parau na te tiaau o te haapiiraa e apiti atoa te feia i putuputu mai. A faaitoito i te feia atoa ia farii e ia hohora i ta ratou mau tumu parau. A haapapu i te faufaaraa e taio i te tuhaa o te Bibilia faanahohia i te mau hebedoma atoa. A faaite e nehenehe te taatoaraa o te amuiraa e haafaufaa i te mau aˈoraa e horoahia na te mau taata e tumu parau ta ratou.

Himene 53 e pure faaotiraa.

Hebedoma o te 23 no me

Himene 192

10 mn: Parau faaara. A faahiti i te mau tumu parau anaanatae roa o te mau vea hopea; a faaineine hoê aore ra e piti faahiˈoraa poto.

10 mn: “Te faatura ra anei outou ia vetahi ê ia horoa anaˈe outou i te aˈoraa?” Oreroraa parau na te hoê matahiapo, hutihia mai roto mai i Te Pare Tiairaa no te 1 no febuare 1994, mau api 25-9.

25 mn: “‘Te mǎtaˈu paieti’—Tairururaa mataeinaa 1994.” Tuatapaparaa ma te mau uiraa e te mau pahonoraa o te mau paratarapha 1-11, faaterehia e te hoê matahiapo. A huti iho â râ te ara-maite-raa i nia i te tumu parau tarenihia “Tairururaa mataeinaa—Faahaamanaˈoraa”.

Himene 19 e pure faaotiraa.

Hebedoma o te 30 no me

Himene 204

10 mn: Parau faaara e Mau parau apî teotaratia.

15 mn: Tuatapaparaa o te buka e pûpûhia i te avaˈe tiunu: Nohea mai te ora—Mea tupu noa mai aore ra mea poietehia? (farani). A huti te ara-maite-raa i nia i te mau hohoˈa nehenehe, mai te mau api 6, 236, 243 e 245. I roto i te hoê faahiˈoraa poto, e faaohipa te hoê taata poro aravihi i te hoê o taua mau hohoˈa ra e te Apokalupo 21:4. A faahiti eaha te mau faanahoraa tei ravehia no te pororaa i te hebedoma i mua nei.

20 mn: “‘Te mǎtaˈu paieti’—Tairururaa mataeinaa 1994.” Mau paratarapha 12-25; oreroraa parau na te taeae papai parau.

Himene 12 e pure faaotiraa.