Putuputuraa no te taviniraa no eperera
Hebedoma o te 4 no eperera
Himene 16
10 mn: Parau faaara e Parau faaite a Te taviniraa o te Basileia. A faahaamanaˈo i te oreroraa parau taa ê no te 10 no eperera teie te tumu parau “E haamâha te haapaoraa mau i te mau hinaaro o te totaiete taata”. E tia ia ravehia i te hoê tutavaraa taa ê no te tauturu i te feia apî ia haere atoa mai.
15 mn: “Te Pare Tiairaa e te A ara mai na!—Mau afai parau o te parau mau.” Ma te mau uiraa e te mau pahonoraa. A ani i te feia i putuputu mai e eaha te mau ravea ta ratou i faaohipa no te opere rahi i te mau vea. Mai te peu e e taime, a faatia i te tahi mau tupuraa.
20 mn: “E pûpû tatou i te mau vea faahiahia roa ˈˈe.” Aparauraa e te feia tei putuputu mai ma te haapapu i te mau tuhaa taa ê faufaa roa o te mau vea. I te paratarapha 2, a ani i te hoê taata poro aravihi ia faataa e nafea ia haamatau i tei papaihia i roto e nafea ia faaineine no te pûpû atu. E piti faahiˈoraa: pûpûraa i te mau vea no te 15 no tenuare e no te 1 no febuare. Ei faaotiraa, a faaite teihea mau tumu parau e faaohipahia no te pûpû i te mau numera apî o te A ara mai na!
Himene 69 e pure faaotiraa.
Hebedoma o te 11 no eperera
Himene 80
10 mn: Parau faaara. A tuatapapa i te mau manaˈo matamua o te tumu parau “Pahonoraa i ta outou mau uiraa”.
15 mn: “Te faaineine ra te putuputuraa no te taviniraa ia tatou no te mau ohipa maitatai atoa.” Ma te mau uiraa e te mau pahonoraa. Faahiˈoraa: te faaineine ra te hoê utuafare i te putuputuraa; a haapapu i te faufaaraa 1) ia faaineine, 2) ia faaroo maitai e 3) ia apiti.
20 mn: “E tavini tatou ia Iehova ma te ore e fariu ê i te manaˈo.” Ma te mau uiraa e te mau pahonoraa; mau paratarapha 1-6.
Himene 90 e pure faaotiraa.
Hebedoma o te 18 no eperera
Himene 100
10 mn: Parau faaara, tabula faufaa moni e te mau haamauruururaa no te mau ô.
15 mn: “E hoˈi tatou e farerei i te feia tei farii i te mau vea aore ra i te hoê vea iti.” Aparauraa e te feia i putuputu mai. A ani i te feia i putuputu mai ia faataa e no te aha e tia ia ite maitai i tei papaihia i roto i te mau vea e ia hiˈopoa maite i te aparauraa i mairi no te faaoti eaha te ravea maitai roa ˈˈe te rave. Mai te peu e e taime, mau faahiˈoraa: e faaohipa te feia poro aravihi i te mau pûpûraa horoahia.
20 mn: “E tavini tatou ia Iehova ma te ore e fariu ê i te manaˈo.” Ma te mau uiraa e mau pahonoraa; mau paratarapha 7-12.
Himene 51 e pure faaotiraa.
Hebedoma o te 25 no eperera
Himene 70
10 mn: Parau faaara e Mau parau apî teotaratia. “Te hoê tauturu no te faaruru i te mau fifi o te mau mahana atoa.”
15 mn: “Faaroo.” Buka Haaferuriraa, mau api 168-72 (farani). Aparauraa i rotopu i te hoê matahiapo e te hoê pǔpǔ taurearea. E tuatapapa te matahiapo i te auraa o te faaroo e i muri iho e ani oia i teie mau uiraa e: No te aha aita te rahiraa e faatupu nei i te faaroo? Ua niuhia to tatou faaroo i nia i te aha? Nafea ia atuatu i te hoê faaroo puai? Nafea ia faaite i te reira? E faaoti te matahiapo ma te haapopou e ma te faaitoito i te pǔpǔ.
20 mn: “Te faahanahana ra te vai-mâ-raa i te Atua.” E tuatapapa te hoê matahiapo i te tumu parau e te feia i putuputu mai. A faaoti na roto i te hoê oreroraa parau poto ma te rave faahou i te mau aˈoraa o te Te Pare Tiairaa no te 1 no tiunu 1989, mau api 15-20 (farani).
Himene 75 e pure faaotiraa.