Putuputuraa no te taviniraa no febuare
Hebedoma o te 7 no febuare
Himene 131
15 mn: Parau faaara e Mau parau faaite tano o Te taviniraa o te Basileia. A faaite e nafea ia pûpû i te mau vea apî. A hiˈopoa i te mau manaˈo faufaa o te tumu parau Pahonoraa i ta outou mau uiraa.
18 mn: “E huti tatou i te anaanatae o te mau taata i nia i te Basileia o te Atua, Basileia o te hau.” Aparauraa e te feia i putuputu mai. E piti faahiˈoraa. I muri aˈe i te paratarapha 2: pûpûraa o te hoê api parau iti i te hoê taata ru. E ui te taata poro i te hoê uiraa ma te aravihi no te faaineine i te niu no te hoê farereiraa i mua. I te hiˈopoaraa o te paratarapha 3: e faaite te taata i te anaanatae e e faaohipa te taata poro i te hoê vea iti. I reira faahou, e tuuhia te niu o te hoê hoˈi-faahou-raa e farerei.
12 mn: E huti mai tatou i te mau haamaitairaa o te Buka matahiti 1994 (farani). Ma te faaohipa i te mau api 10-18 o te Buka matahiti 1994, e hiˈopoa te hoê matahiapo e te hoê tavini tauturu i te tahi mau manaˈo faaitoito o te nehenehe e faaohipahia no te faarahi i te aau mehara i te faanahonahoraa teotaratia.
Himene 137 e pure faaotiraa.
Hebedoma o te 14 no febuare
Himene 126
10 mn: Parau faaara e tabula faufaa moni. A taio i te mau haamauruururaa a te Taiete no te mau ô haponohia. A haapopou i te feia i putuputu mai no te turu taiva ore ta ratou e horoa ra i te mau ohipa a te amuiraa. A faaitoito i te feia poro ia poro i teie hopea hebedoma e a faaite i te mau faanahoraa ravehia no te pororaa.
20 mn: “E turu tatou i te tupuraa i te pae varua na roto i te mau hoˈi-faahou-raa e farerei aravihi.” Ma te mau uiraa e mau pahonoraa. Faahiˈoraa: hoˈi-faahou-raa e farerei ma te rave faahou i te mau manaˈo o te paratarapha 3. A faaite e e tia ia faaite i te ite ma te ore e faahiti rahi i te mau manaˈo i te farereiraa, e a haapapu i te faufaaraa ia faaara i te anaanatae no te hoê hoˈi-faahou-raa e farerei i mua.
15 mn: “E mea maitai ia faatia i te mea ta Iehova i rave.” Mau paratarapha 1-11; ma te mau uiraa e te mau pahonoraa. A uiui e piti taeae ineine tei haamau i te hoê porotarama haapiiraa tataitahi aore ra e te utuafare no te taioraa i te buka. A ani ia raua ia faahiti i te hoê manaˈo ta raua i oaoa i te haapiiraa.
Himene 122 e pure faaotiraa.
Hebedoma o te 21 no febuare
Himene 198
5 mn: Parau faaara.
15 mn: “E farii tatou i te Tamaiti Fanau tahi a Iehova!” E tuatapapa te hoê matahiapo i te tumu parau ma te mau uiraa e mau pahonoraa ma te mahanahana e te aau tae. E faaitoito oia i te feia i putuputu mai ia hamani i te hoê tabula o te feia ta ratou e titau manihini i te oroa Haamanaˈoraa e i te oreroraa parau huiraatira i mua. Faahiˈoraa o te rave faahou i te mau manaˈo o te paratarapha 7: e tauaparau te hoê taata poro i te hoê taata o te tae maira i te Piha no te Basileia o te hiˈo na pihai iho ia ˈna. E ite atura te taata poro e ua faaitoitohia taua taata ra ia haere mai e te hoê fetii o te faaea i te tahi atu mataeinaa. E titau manihini oia i te taata ia parahi i pihai iho ia ˈna e to ˈna utuafare no te apee e o ratou i te Bibilia e te buka himene. E ani te taata poro e pahono oia i te mau uiraa atoa i muri aˈe i te putuputuraa. A faaoti ma te faaite i te hora e faatupu ai te amuiraa i te oroa Haamanaˈoraa.
10 mn: Te Bibilia: ta tatou tumu faaitoitoraa maitai roa ˈˈe. Buka Haaferuriraa (farani) mau api 119-22. Oreroraa parau na te hoê matahiapo. E rave rahi, i roto mai rapae atoa i te amuiraa, o te hinaaro ra ia faaitoitohia. A faaite e nehenehe te mau taata poro atoa e faaohipa i te Parau a te Atua no te faaitoito ia vetahi ê.
15 mn: “E ririhia outou e te mau fenua atoa.” Oreroraa parau na te hoê matahiapo aravihi.
Himene 208 e pure faaotiraa.
Hebedoma o te 28 no febuare
Himene 219
5 mn: Parau faaara e Mau parau apî teotaratia.
15 mn: “E mea maitai ia faatia i te mea ta Iehova i rave.” Mau paratarapha 12-20; ma te mau uiraa e te mau pahonoraa. E faahiti e piti taata poro ineine i te mau haamaitairaa ta raua i huti mai i te taioraa o te buka.
15 mn: “Ia haafaufaa rahi tatou i te putuputuraa huiraatira o ta tatou amuiraa.” Oreroraa parau e, peneiaˈe, hoê aore ra e piti uiraa i te feia i putuputu mai. A faataa e nafea ia farii maitai i te mau taata farii maitai o te haere ra i te putuputuraa huiraatira no te taime matamua. E faahiti te hoê taata poro ineine i te mau haamaitairaa ta ˈna i ite ma te haere tamau i te putuputuraa huiraatira.
10 mn: “E ape tatou i te hamani maitai tano ore.” Oreroraa parau.
Himene 197 e pure faaotiraa.