Putuputuraa no te taviniraa no novema

Hebedoma o te 1 no novema

Himene 5

10 mn: Parau faaara e te mau Mau parau faaite tano o Te taviniraa o te Basileia. A haapopou i te feia poro no to ratou apitiraa i roto i te pororaa.

10 mn: “Moemoeâ”. Buka Haaferuriraa mau api 333, 334. Aparauraa e te hoê taata haapii o te Bibilia o te ani ra mai te peu e mea maitai anei ia vaiiho e ia arataihia tatou e te mau moemoeâ. A hiˈopoa i te mau atâtaraa o taua huru haerea ra, e a faaite e nehenehe tatou e arataihia e te mau manaˈo o te ao nei e o te mau demoni. A haapapu i te faufaaraa ia vaiiho e ia arataihia e te mau faaueraa tumu a te Parau a te Atua.

10 mn: Mau hinaaro o te amuiraa aore ra “Te taairaa: e ere noa ïa te paraparauraa”. Oreroraa parau hutihia mai roto i te vea o Te Pare Tiairaa no te 1 no atete 1993, mau api 3-8.

15 mn: “Te faufaaraa o te Bibilia i roto i teie nei ao.” Aparauraa i rotopu i te tiaau o te taviniraa e te hoê taata poro o te hinaaro ra e haere i mua i roto i te pororaa. I muri aˈe i te hiˈopoaraa o te paratarapha 3, e ani te tiaau o te taviniraa, o ˈna te taata faaroo, i te taata poro ia tamata i te faaiteraa horoahia. I muri aˈe i te hiˈopoaraa o te paratarapha 4, e rave faahou te tiaau o te taviniraa i te faaiteraa horoahia e te taata poro ïa te taata faaroo. A faaitoito i te feia poro ia haapii i te feia farii maitai e te feia o te haapii ra i te Bibilia ia haafaufaa i te mau vahi maitatai o te Tatararaa a te ao apî.

Himene 52 e pure faaotiraa.

Hebedoma o te 8 no novema

Himene 7

10 mn: Parau faaara. Faahiˈoraa: faaiteraa i te hoê tumu parau i roto i te mau vea hopea o te faaohipahia i teie hopea hebedoma. A huti i te ara-maite-raa i nia i te tumu parau tarenihia “Te hoê avaˈe taa ê no te pororaa”, e a titau manihini i te feia atoa i putuputu mai ia hiˈopoa ma te haapao maitai i te ravea ia faarahi i ta ratou pororaa i te avaˈe titema, ma te riro mai ei mau pionie tauturu aore ra ma te poro e te mau pionie.

15 mn: “Te buka o te horoa i te hoê aratairaa mau.” Ma te mau uiraa e mau pahonoraa. Faahiˈoraa: hoˈi-faahou-raa e farerei hutihia i roto i te paratarapha 3. A faaitoito i te feia atoa i putuputu mai ia aparau ma te aau tae no te faufaaraa ohie o te Bibilia ia poro ratou i tera e tera fare aore ra i roto i te mau hoˈi-faahou-raa e farerei.

20 mn: “Te mau taurearea: a faaoaoa i te mafatu o Iehova.” E hiˈopoa te hoê matahiapo i te mau paratarapha 1-18 e e piti aore ra e toru taeae aore ra tuahine apî. A tuu i te tapao i nia i te mau haamaitairaa e noaa mai i te mau taurearea ia horoa ratou i te hiˈoraa maitai, e no nia i te faufaaraa o te mau tumu parau “Te uiui nei te mau taurearea . . .”. A taio i te mau irava i roto i te taime horoahia.

Himene 80 e pure faaotiraa.

Hebedoma o te 15 no novema

Himene 73

10 mn: Parau faaara, tabula faufaa moni e haamauruururaa no te mau ô. A haapopou i te feia i putuputu mai no ta ratou mau turu i te pae moni horoa maitai i te amuiraa e i te mau Afata a te Taiete e tae noa ˈtu i te ohipa na te ao atoa nei a te Taiete. A faaite i te mau faanahoraa ravehia no te pororaa i te tau oroa i mua.

15 mn: “E haamâha tatou i te mau hinaaro pae varua o te feia tariˈa turi.” Ma te mau uiraa e mau pahonoraa. Mai te peu e aita e feia tariˈa turi i roto i te amuiraa, a onoono i nia i te faufaaraa ia ore ia haamoe i te feia o te tuhaa fenua.

20 mn: “Te mau taurearea: a faaoaoa i te mafatu o Iehova.” Hiˈopoaraa ma te mau uiraa e mau pahonoraa o te mau paratarapha 19-33 o te api hau. A uiui hoê aore ra e piti taata poro apî. A ani ia raua eaha te tauturu i noaa mai ia raua i roto i te amuiraa no te haere i mua i te pae varua.

Himene 90 e pure faaotiraa.

Hebedoma o te 22 no novema

Himene 74

10 mn: Parau faaara e te Mau parau apî teotaratia. A faaitoito i te feia poro ia pûpû i te mau vea hopea i teie hopea hebedoma.

15 mn: “E tauturu tatou i te feia e haapii ra i te Bibilia ia faaineine i ta ratou haapiiraa.” Ma te mau uiraa e mau pahonoraa. A taio i te mau paratarapha mai te peu e te vai ra te taime.

20 mn: “Te haaferuri ra anei tatou ia au i te mau Papai?” Na te hoê taeae aravihi i roto i te pororaa i tera e tera fare e i roto i te mau hoˈi-faahou-raa e farerei; ma te mau uiraa e mau pahonoraa. I muri aˈe i te hiˈopoaraa o te paratarapha 4, faahiˈoraa o te faaite nafea te hoê taata poro e tatara aore ra e faahiti aau i te hoê irava ia ru te taata. I muri aˈe i te faahiˈoraa, a faahaamanaˈo i te faufaaraa ia apee i teie manaˈo i te mea te tutava nei tatou i te ‘faaite i te parau’, area te rahiraa o te mau taata te ohipa ra ïa ma te tuutuu ore aore ra ua rahi roa ta ratou tapitapiraa i te mahana tataitahi (Tim. 2, 4:2). I muri aˈe i te hiˈopoaraa o te paratarapha 6, a ani i te hoê taata poro o te faaohipa ra ma te aravihi i te buka Haaferuriraa ia parau e mea nafea ta ˈna raveraa.

Himene 108 e pure faaotiraa.

Hebedoma o te 29 no novema

Himene 83

10 mn: Parau faaara. A faaitoito i te feia o te nehenehe e riro mai ei mau pionie tauturu i te avaˈe titema.

15 mn: “Te Bibilia: te hoê aratai ohie no te taata i teie nei tau.” Na te hoê upoo o te utuafare; oreroraa parau no roto mai i te vea o Te Pare Tiairaa no te 1 no me 1993. A haapapu e faatupu te faaohiparaa o te mau faaueraa tumu bibilia i te hau e te hoê oraraa utuafare î i te here. A ani i te hoê aore ra e piti taata ineine i putuputu mai ia faaite e nafea te mau aˈoraa a te Parau a te Atua i te tautururaa i te hoê utuafare aore ra i te hoê taata taa ê.

20 mn: E faaohipa tatou i te buka Te taata rahi roa ˈˈe i ora aˈenei no te tauturu i te ‘mau mamoe’ i te avaˈe titema. Aparauraa e te feia i putuputu mai. A ui i te mau aniraa i muri mai: eaha te aamu no nia i te taviniraa a Iesu aore ra to ˈna mau taairaa e o vetahi ê o tei haaputapû rahi ia outou? No te aha? Eaha te faufaaraa o teie buka no outou? Eaha ta outou i haapii no nia ia Iehova ma te haapiiraa i te reira? Eaha te mau manaˈo ta outou i haafaufaa i to outou pûpûraa ˈtu? Faahiˈoraa: e pûpû te hoê taata poro aravihi i te buka. A faaitoito i te taatoaraa o te feia i putuputu mai ia poro i te sabati.

Himene 94 e pure faaotiraa.