Putuputuraa no te taviniraa no atopa

Hebedoma o te 4 no atopa

Himene 225

10 mn: Parau faaara e Mau parau faaite e tano o Te taviniraa o te Basileia. A horoa i te mau ravea no te pûpû i te mau vea hopea. A faahaamanaˈo i te faufaaraa ia hoˈi faahou e hiˈo i te taata atoa o tei farii i te mau vea, e te tapao e haamata i te hoê eˈa opereraa vea.

15 mn: “Te faatura ra anei outou i ta outou vahi haamoriraa?” Oreroraa parau a te hoê matahiapo, hutihia i roto i te tumu parau o Te Pare Tiairaa no te 15 no tiunu 1993. A rave i te hoê faaohiparaa no to tatou fenua. Mai te peu e te vai ra te hoê fifi papu, a horoa i te mau aˈoraa tano ma te aravihi.

20 mn: E poro hau atu â tatou i tera e tera fare i te avaˈe atopa. E aparau te tiaau taviniraa aore ra te hoê taeae aravihi e te feia i putuputu mai no nia i te faufaaraa o te pororaa i tera e tera fare. Te horoa ra te pûpûraa no te avaˈe atopa, ohie ia faatano, i te mau faaiteraa rave rau. Faahiˈoraa: 1) E haamata te hoê taata poro i te aparauraa no te faaô i te hoê vea apî o te A ara mai na! aore ra o Te Pare Tiairaa. E pûpû oia i muri iho i te mau vea aore ra e horoa oia i te hoê api parau iti. 2) E haamata te hoê taata poro i te hoê aparauraa no te faaô i te buka Te huitaata i nia i te eˈa o te maimiraa i te Atua. Ia au i te mau tupuraa, e pûpû oia i te buka aore ra e piti vea. 3) E faaohipa te hoê taata poro i te hoê api parau iti no te haamata i te hoê aparauraa faanaho-ore-hia, e i muri iho e pûpû oia i te mau vea apî i te taata anaanatae. 4) I roto i te hoê eˈa opereraa vea, e opua te hoê taata poro i te pûpû i te tamatahitiraa. E tia i teie mau ravea ia faaitoito i te taata poro tataitahi ia poro hau atu â i tera e tera fare i te avaˈe atopa. E mau pionie tauturu paha vetahi i teie avaˈe. E nehenehe â te feia e te faatia ra to ratou huru oraraa ia faaî i te hoê aniraa.

Himene 42 e pure faaotiraa.

Hebedoma o te 11 no atopa

Himene 4

10 mn: Parau faaara, tabula faufaa moni e haamauruururaa no te mau ô. A haapopou i te feia i putuputu mai no ta ratou mau turu horoa maitai i te amuiraa e tae noa ˈtu i te ohipa na te ao atoa nei a te Taiete. A faahaamanaˈo poto noa i te mau faanahoraa ravehia no te pororaa i te roaraa o te hebedoma, e a haapapu e te haafaufaahia ra te turu itoito a te feia poro i roto i taua tuhaa ra.

15 mn: “E faaite tatou i ta tatou mau vea i tera e tera fare.” Aparauraa e te feia i putuputu mai. Te vai ra ia tatou te mau tumu papu no te faaite i te mau vea ma te aau tae, i tera e tera fare aore ra ma te huru faanaho-ore-hia. Noa ˈtu e ua tapaohia te taio mahana e te pûpû ra tatou i te mau vea apî i te mahana o te mau vea, eiaha tatou e haamarirau i te faaite i te mau vea tahito mai te peu e e nehenehe. E hiˈopoa ra tatou e mea mâ anei e aita i miˈomiˈo. Faahiˈoraa: e rave faahou te hoê taata poro aravihi i te faaiteraa horoahia i te paratarapha 4.

20 mn: “E mana puai to te haapiiraa no ǒ mai i te Atua ra.” Ma te mau uiraa e mau pahonoraa. Mai te peu e e taime, a taio i te mau paratarapha e te mau irava horoahia ei faahororaa. E faaite poto noa te tahi mau taata i to ratou aau mehara no te mau haamaitairaa ta ratou i huti i te tairururaa e no te mau buka apî.

Himene 44 e pure faaotiraa.

Hebedoma o te 18 no atopa

Himene 65

5 mn: Parau faaara. Mau parau apî teotaratia.

15 mn: “E faatupu tatou i ta tatou taviniraa ma te ore e hiˈo i te huru o te taata.” Ma te uiraa e te mau pahonoraa. A haapapu i nia i te mau manaˈo taa ê e tano no te tuhaa fenua o te amuiraa.

15 mn: “E apee tatou i te anaanatae.” Oreroraa parau e te tahi mau uiraa i te feia i putuputu mai. A faataa e nafea to te feia poro apeeraa i te anaanatae i roto i te tuhaa fenua, aore ra a ani i te hoê o ratou ia faatia mai i te hoê aamu apî o te faaite ra i te faufaaraa ia hoˈi faahou e hiˈo i te mau taata tei farii i te mau numera o te A ara mai na! aore ra o Te Pare Tiairaa.

10 mn: Mau hinaaro o te amuiraa aore ra “Te mau kerisetiano matamua e teie nei ao”: oreroraa parau faaitoito hutihia i roto i te vea o Te Pare Tiairaa no te 1 no tiurai 1993. A haamatara mai i te faufaaraa ia apee i te mau kerisetiano matamua.

Himene 60 e pure faaotiraa.

Hebedoma o te 25 no atopa

Himene 75

10 mn: Parau faaara. Mau faanahoraa ravehia no te pororaa i roto i te hebedoma. A faahiti i te mau manaˈo o te mau vea apî roa o te faaohipahia i te mau mahana i mua. Mai te peu e e taime, hoê aore ra e piti faahiˈoraa poto no nia i te pûpûraa e tano i te tuhaa fenua. A faahaamanaˈo i te faufaaraa ia hoˈi faahou e hiˈo i te mau taata atoa o tei faaite i te anaanatae.

15 mn: Ia ineine noa tatou i te tamahanahana i te feia o te oto ra (hutihia mai te buka Haaferuriraa, mau api 257-9). 3 mn: E faataa te taata o te vauvau i teie tuhaa e aita te mau Ite no Iehova e patoi ra i te taatoaraa o te mau peu no nia i te pohe. 5 mn: Faahiˈoraa: Ma te faaohipa i te buka Haaferuriraa, i te mau api 257-8, e faataa te hoê Ite i te hoê hoa no te aha aita te mau Ite no Iehova e rave ra i te tahi mau peu no te hevaraa. 7 mn: Aparauraa e te feia i putuputu mai i nia i te tuhaa “Mai te peu e e parau mai te hoê taata ia outou e”, mau api 258-9.

20 mn: “Nafea ia aratai i te hoê haapiiraa bibilia i te fare o te taata.” Ma te mau uiraa e mau pahonoraa. Faahiˈoraa faaineine-maitai-hia: e tauturu te hoê taata poro i te hoê taata haapii ia taa nafea te hoê irava e horoahia ra ei faahororaa ia haapapu i te manaˈo o te paratarapha hiˈopoahia. E ani atoa oia i te mau uiraa ê no te aratai ia ˈna ia anaanatae rahi i te parau mau. A maiti i te hoê tuhaa o te mau buka Tahoêhia i roto i te haamoriraa aore ra E ora e a muri noa ˈtu.

Himene 78 e pure faaotiraa.