Nafea ia aratai i te hoê haapiiraa bibilia i te fare o te taata
1 Nafea ia aratai ma te aravihi i te hoê haapiiraa bibilia i te fare o te taata? Eaha te hiˈoraa ia apee? Nafea ia hiˈopoa i te mau irava i roto i te tuhaa e haapiihia? O vai te tia ia taio i te mau paratarapha? Hau atu i te aratai i te haapiiraa mai tei matauhia, eaha te titauhia no te tauturu i te taata haapii ia tapea i te parau mau? Eaha te mau herepata te tia ia apehia?
2 Nafea ia aratai i te hoê haapiiraa: I roto i te rahiraa o te tupuraa, te apee nei te hoê haapiiraa bibilia i te fare o te taata i te hiˈoraa o te haapiiraa o Te Pare Tiairaa. E taiohia na mua te paratarapha e hiˈopoahia. I muri iho, e ani te taata e aratai ra i te haapiiraa i te uiraa neneihia ia au i te paratarapha e e vaiiho i te taata haapii ia pahono. Mai te peu e e haamarirau rii o ˈna, e tia i te taata aratai ia ineine i te ani i te mau uiraa hau o te turai ia ˈna ia feruri i nia i te tumu parau e ia huti mai i te hoê faaotiraa maitai.
3 A hiˈo na i te tuatiraa o te mau irava i te paratarapha. A faaite i te taata haapii nafea ia ite i te mau irava faahitihia e a feruri e o ˈna no nia i to ratou faaohiparaa. Mai te peu e te vai ra te mau irava, aita râ i faahitihia, e mea maitai ia hiˈopoa ia ratou i roto i te Bibilia ia ore râ ia roa roa. A titau manihini i te taata haapii ia taio e ia faataa e nafea ratou ia turu aore ra ia haamaramarama i ta te paratarapha e parau ra.
4 A tauturu i te taata haapii ia tapea mai i te parau mau: A faaitoito i te feia haapii ia faaineine maitai no te haapiiraa. A haapapu e mea faufaa roa te taioraa no te haapiiraa. Rahi atu te taata haapii i te taio e i te feruri hohonu i nia i te tumu parau o te haapiiraa, e e faufaa rahi to te reira. Te faataio nei vetahi i te taata haapii i te taatoaraa o te mau paratarapha. Te tauiui nei vetahi e o ˈna no te taioraa. E tia ia rave i te hoê faaotiraa tano ma te tapea i roto i te feruriraa i te mau haereraa i mua pae varua a te taata haapii.
5 E tauturu paha te hiˈopoaraa i te tumu parau ma te paraparau noa i te taata haapii ia noaa mai te ite, tera râ, te tiaturi ra anei o ˈna i te mea ta ˈna e haapii ra? Mai te peu te tapea ra o ˈna i te parau mau, e tia ia ˈna ia ite no te aha e no ˈna atoa te tumu parau. Eaha to ˈna manaˈo no nia i te mea ta ˈna e haapii ra? Nafea o ˈna e nehenehe ai e faaohipa i te reira? A ui ia ˈna i te tahi mau uiraa hohonu no te haaputapû i to ˈna mafatu.
6 A ape i te mau herepata: Ia aratai tatou i te hoê haapiiraa bibilia, e tia ia ape i te tahi mau herepata. Ia faahitihia te mau uiraa aita i roto i te tumu parau, e mea maitai aˈe ia tauaparau i te pae hopea o te haapiiraa aore ra i te tahi atu taime. E mea faufaa atoa ia pahono mai te taata haapii na roto i ta ˈna mau iho mau parau, maoti râ i te taio noa i roto i te buka. E haapapu te reira e ua taa anei ia ˈna i te tumu parau.
7 No te aha e ore ai e haamau i te tapao e aratai hoê noa ˈˈe haapiiraa bibilia? E ere i te mea fifi mai te peu e e turui outou i nia ia Iehova e e apee outou i te hiˈoraa o te haapiiraa o Te Pare Tiairaa. Te aratairaa i te mau haapiiraa bibilia i te fare o te taata o te hoê ïa ravea aravihi roa ˈˈe no te haapii i te parau mau e no te faariro i te mau taata ei mau pǐpǐ. I te na reiraraa, e nehenehe atoa outou, e ite i te oaoa o te feia o te haapao taatoa nei i te aˈoraa a Iesu i roto i te Mataio 28:19, 20 e ite ra.