Putuputuraa no te taviniraa no atete

NOTA: Te vai ra i roto i Te taviniraa o te Basileia te porotarama o te hoê putuputuraa no te taviniraa no te hebedoma tataitahi o te avaˈe. E rave te mau amuiraa i te mau tauiraa e titauhia ma te ara e e haere atu ratou i te tairururaa mataeinaa “Te haapiiraa no ǒ mai i te Atua ra” e e rave ratou, i te putuputuraa no te taviniraa e tupu i te hebedoma i muri iho, i te hoê hiˈopoaraa e 30 minuti no nia i te mau manaˈo faufaa roa ˈˈe o te porotarama. E horoa-atea-hia teie hiˈopoaraa i tera e tera mahana na e piti aore ra e toru taeae aravihi o te haamatara i te mau manaˈo faufaa roa ˈˈe. Ia faaineine-maitai-hia, e tauturu oia i te mau melo o te amuiraa ia haamanaˈo i te mau manaˈo tumu, ia faaohipa ratou no ratou iho e i roto i te pororaa. Te mau pahonoraa a te feia i amui mai e te mau faatiaraa e faahitihia, e mea poto ïa e te papu.

Hebedoma o te 2 no atete

Himene 63

10 mn: Parau faaara e Mau parau faaite e tano o Te taviniraa o te Basileia. A faahiti i te mau manaˈo anaanatae o te mau vea apî. A faaitoito i te taatoaraa o te feia poro ia poro i teie hopea hebedoma.

20 mn: “Ia ite tatou i te huti mai i te ara-maite-raa.” Aparauraa e te feia e faaroo maira. A faahaamanaˈo i te faufaaraa ia anaanatae tatou iho i te taata tataitahi, i roto i te hoê tapao ia noaa mai te hoê aparauraa. Mau faahiˈoraa poto o te rave faahou i te mau manaˈo o te mau paratarapha 2 e 3. A faaitoito i te hoê faaohiparaa tamau o te mau vea i roto i te pororaa.

15 mn: “E tauturu anaˈe i te mau amuiraa o te titau ru nei i te mau Piha no te Basileia.” Paratarapha 1-11; ma te mau uiraa e mau pahonoraa e te taioraa i te mau paratarapha maitihia.

Himene 193 e pure faaotiraa.

Hebedoma o te 9 no atete

Himene 70

10 mn: Parau faaara, tabula faufaa moni e haamauruururaa no te mau ô. A haapopou i te feia i putuputu mai no ta ratou turu i te pae moni i te amuiraa e i te ohipa na te ao atoa nei a te Taiete.

15 mn: “E tauturu anaˈe i te mau amuiraa o te titau ru nei i te mau Piha no te Basileia.” Paratarapha 12-19; ma te mau uiraa e mau pahonoraa e te taioraa i te mau paratarapha maitihia.

20 mn: “E hoˈi tatou e hiˈo i te mau taata no te haapii ia ratou e nafea ratou ia ora e a muri noa ˈtu.” Ma te mau uiraa e te mau pahonoraa. Faahiˈoraa: hoˈi-faahou-raa e farerei ma te rave faahou i te faaiteraa o te mau paratarapha 5 e 6.

Himene 71 e pure faaotiraa.

Hebedoma o te 16 no atete

Himene 20

15 mn: Parau faaara. Mau parau apî teotaratia. Hiˈopoaraa i te tumu parau “Te porotarama o te tairururaa taa ê i mua e hoê mahana”. A faaitoito i te feia i putuputu mai ia rave i te mau faanahoraa no te haere i te mahana tairururaa taa ê o te matahiti taviniraa 1994. A faaite i te taio mahana e te vahi mai te peu ua itehia. A faaitoito i te feia poro ia poro i teie hopea hebedoma.

10 mn: A faahaamanaˈo i te faufaaraa o te buka E ora e a muri noa ˈtu. A faahiti i te mau numera o te haapapu ra i te maraaraa mai te taime a faaohipahia ˈi teie buka. E rave rahi tei ite i te parau mau na roto i te haapiiraa i te buka. A uiui hoê aore ra e piti taata poro o tei haapii i te taime a farii ai raua i te parau mau. E parau raua e eaha te mau haapiiraa ta raua i mauruuru e nafea ia faaohipa i teie buka i roto i te pororaa. A faaitoito i te feia poro ia pûpû atu ma te aau tae i te feia o te faaite ra i te anaanatae.

20 mn: “Te mea i titauhia i te hoê tavini, noa ˈtu e mea apî aore ra aravihi.” E hohora te hoê matahiapo i teie tuhaa ma te mau uiraa e mau pahonoraa. A faaoti na roto i te hoê faahaamanaˈoraa o te mau manaˈo tamahanahana, poto râ, tano i te mau hinaaro o te amuiraa.

Himene 6 e pure faaotiraa.

Hebedoma o te 23 no atete

Himene 148

10 mn: Parau faaara.

20 mn: “E imi tatou ma te itoito ia haamata i te mau haapiiraa bibilia.” E hohora te tiaau o te taviniraa i teie tuhaa ma te mau uiraa e mau pahonoraa. A taio i te taatoaraa o te mau irava o tei faahitihia e a tatara. A hiˈo i te haereraa i mua o te ohipa o te mau haapiiraa i roto i te amuiraa i te roaaraa o na matahiti e pae i mairi; mau parau faaotiraa ia au i te mau hinaaro o te amuiraa.

15 mn: Te faufaaraa o te mau taio mahana i roto i te haapiiraa o te Bibilia. Buka Haaferuriraa, “Taio mahana” (farani). Tumu parau poto hutihia i roto i te “Auraa”, api 84; aparauraa e te feia i putuputu mai no nia i te toea o te tumu parau. A hiˈopoa iho â râ i te uiraa “No te aha te mau Ite no Iehova e parau ai e ua haamauhia te Basileia o te Atua i te matahiti 1914?” A haapapu e e tauturu teie faataaraa i te feia apî ia turu i te poroi o te Basileia.

Himene 43 e pure faaotiraa.

Hebedoma o te 30 no atete

Himene 156

5 mn: Parau faaara. A faaite i te mau faanahoraa ravehia no te pororaa i te 6 no setepa.

15 mn: “E faatupu tatou i ta tatou taviniraa ma to tatou nephe atoa.” Oreroraa parau a te hoê matahiapo. Ia hiˈopoahia te paratarapha 2, a faahiti i te mau manaˈo tano o Te Pare Tiairaa horoahia ei faahororaa. Ma te faaotiraa, a taio i te Malaki 3:10 e a tatara.

10 mn: “E nehenehe te rahiraa o te faufaa e tamata i to outou faaroo.” Oreroraa parau niuhia i nia i te mau vea o Te Pare Tiairaa 15 no tiurai 1993 i te mau api 28-31.

15 mn: Mau hinaaro o te amuiraa. E nehenehe e rave faahou i te mau faaitoitoraa horoahia e te tiaau haaati i to ˈna tere hopea. A ani i te mau taeae ia haapao maitai ia horoa ratou i te taatoaraa o te mau tabula o te matahiti taviniraa 1993.

Himene 31 e pure faaotiraa.