Putuputuraa no te taviniraa no febuare

Hebedoma o te 1 no febuare

Himene 171

10 mn: Parau faaara e Mau parau faaite e tano a Te taviniraa o te Basileia. A faaite nafea ia pûpû i te mau vea apî.

20 mn: “Ia tahoê atu tatou e te taeae aratai i te haapiiraa buka.” Ma te mau uiraa e te mau pahonoraa.

15 mn: “Te mau faaiteraa ohie e te aravihi.” Ma te mau uiraa e te mau pahonoraa. Mau faahiˈoraa: Ia tuatapapahia te paratarapha 3, e faaara te hoê taata poro i te anaanatae o te hoê taata no te buka E ora e a muri noa ˈtu. E faaite te taata i to ˈna anaanatae rahi. Ia tuatapapahia te paratarapha 5, e faaohipa te taata poro i te hoê api parau iti no te faahaere â i te aparauraa i mua e te hoê taata mea iti roa to ˈna anaanatae.

Himene 215 e pure faaotiraa.

Hebedoma o te 8 no febuare

Himene 126

10 mn: Parau faaara. A huti mai i te tahi mau manaˈo anaanatae i roto i te mau vea apî. A faaitoito i te feia poro ia poro i teie hopea hebedoma. Tuatapaparaa i te tumu parau: “Nafea ia faaohipa i te ripene vidéo apî”.

20 mn: “E faatere anaˈe i te mau haapiiraa bibilia maoti te buka E ora e a muri noa ˈtu.” Ma te mau uiraa e te mau pahonoraa. Faahiˈoraa i muri aˈe i te tuatapaparaa i te paratarapha 6: E pûpû atu te hoê taata poro apî e e haamata oia i te hoê haapiiraa bibilia maoti te buka E ora e a muri noa ˈtu. E nehenehe atoa e faatia e mea nafea te mau taurearea o te amuiraa ia haamata i te mau haapiiraa bibilia.

15 mn: “E ere tatou i te feia hoo i te parau a te Atua.” Oreroraa parau a te tiaau peretiteni aore ra te tahi atu matahiapo, no roto mai i Te Pare Tiairaa o te 1 no titema 1992, api 26-29. A haapopou ma te mahanahana i te feia i tae mai no te turu o ta ratou e horoa ra i te ohipa a te Taiete na te ara, e tae noa ˈtu i te mau ohipa a te amuiraa. E nehenehe atoa outou e faahiti i te parau no te turu a te amuiraa i te Faufaa no te paturaa.

Himene 53 e pure faaotiraa.

Hebedoma o te 15 no febuare

Himene 143

10 mn: Parau faaara; tabula faufaa moni. A taio i te mau parau haamauruururaa a te Taiete no te mau ô i faataehia ˈtu. A haapopou i te feia poro no te turu tuutuu ore o ta ratou e horoa nei i te mau ohipa a te amuiraa. A faaitoito i te feia poro ia poro i teie hopea hebedoma, e a faaite i te mau faanahoraa i ravehia no te pororaa i roto i te hebedoma.

20 mn: “Ma te haapii atu (...) i te mau mea atoa ta ˈu i parau atu ia outou na.” Ma te mau uiraa e te mau pahonoraa. Ia tuatapapahia te mau paratarapha 4 e te 5, a horoa i te tahi atu mau hiˈoraa o te mau irava e te mau buka e tano maitai i te tuhaa fenua o te amuiraa. Faahiˈoraa faaineine-maitai-hia: nafea ia faatuati i te aparauraa no te omuaraa e te hoê api parau iti; mai te peu e e taimehia, e tuatapapahia hoê aore ra e piti paratarapha o te api parau iti. A faaitoito i te feia poro ia tamau noâ i ta ratou mau tutavaraa no te haamata i te mau haapiiraa bibilia.

15 mn: “Te toto.” Vea iti Haaferuriraa n° 1, mau api 14-16. I roto i te hoê hoˈi-faahou-raa e farerei, e ui te hoê taata i te mau uiraa i papai-orarahi-hia. E hutihia mai te mau pahonoraa a te taata poro i te mau tatararaa a te vea iti Haaferuriraa n° 1.

Himene 181 e pure faaotiraa.

Hebedoma o te 22 no febuare

Himene 150

10 mn: Parau faaara. Mau parau apî teotaratia.

20 mn: “Ia faaite tatou i to tatou mauruuru no te hoo.” Oreroraa parau a te hoê matahiapo.

15 mn: Mau hinaaro o te amuiraa aore ra “A haapii i te auraro na roto i te fariiraa i te aˈo”, oreroraa parau faaitoito ia au i te tumu parau i matara i roto i Te Pare Tiairaa o te 1 no atopa 1992. A faaite e te aˈohia nei te mau tavini atoa a Iehova, te mea apî e te mea paari, e a faahiti i te mau haamaitairaa o te faatupuraa i te hoê huru feruriraa maitai no nia i te auraroraa.

Himene 211 e pure faaotiraa.