Te hoê haamaitairaa faahiahia o te taviniraa
1 Ua parau te hoê taata taio i Te Pare Tiairaa e te A ara mai na! e mea hau aˈe te ite faufaa mau o ta teie nau vea i horoa mai na ˈna i na matahiti e ono o ta ˈna i haapii i te fare haapiiraa tuatoru. E ere ïa i te mea varavara e haapopou mai te mau taata taio haavare ore i muri aˈe i to ratou taioraa i te tahi noa mau numera o taua mau vea ra. Auê ïa haamaitairaa i te horoa-tamau-raa i ta tatou mau vea na te mau taata o te hinaaro mau nei!
2 Aita e rave rahi o tei anaanatae aita i maoro aˈenei i te parau mau i farii atura i te hoê haapiiraa bibilia. Tera râ e atuatu tatou i to ratou anaanatae mai te peu e e tamau noa tatou i te hopoi atu i te mau vea apî o Te Pare Tiairaa e te A ara mai na! Oia mau, ua farii te mau taata i te haapii tamau i te Bibilia no te mea ua tamau noa te hoê taata i te hopoi atu i te mau vea i roto i te tuhaa o te eˈa opereraa vea.
3 E mea faufaa mau ia roaa mai ia tatou i te hoê eˈa opereraa vea mai te peu e e taio tatou na mua ˈˈe te mau vea e a tapao ai i te mau manaˈo papu o te faaanaanatae i te mau taata taa ê o tei tapaohia i nia i ta tatou tabula.
4 Mai te peu e e faaite mai te hoê taata i te hoê anaanatae haavare ore ia farii o ˈna i ta tatou mau vea, e nehenehe tatou e faataa ˈtu e e matara mai te mau tumu parau au maitai i te mau hebedoma e piti atoa e e oaoa roa tatou i te hopoi mai ia ˈna ra. E ara i te hoˈi tamau e te faaohipa i te mau taime tano no te tauaparauraa i nia i te mau tumu parau bibilia. E oaoa mau tatou i teie haamaitairaa faahiahia o te taviniraa.