‘E paraparau ratou no nia i te hamani maitai e te here’

I TEIE mau matahiti i mairi aˈenei, ua faaino-rahi-hia te mau Ite no Iehova i Farani. Ua faahiti to ratou mau enemi i te tahi mau parau huru ê e te tahi mau parau tano ore no te faaino i to ratou roo i mua i te taata. I te omuaraa o te matahiti 1999, ua opere te mau Ite no Iehova 12 mirioni api parau iti teie te tumu parau Français, on vous trompe! e ati aˈe ia Farani. I roto i teie api parau iti, te faaite hua ra ratou i te mau parau faaino no nia ia ratou.

Tau mahana i muri aˈe i te opereraa, ua hapono o Jean Bonhomme Tane, te hoê taote e tepute tahito, i te hoê rata na te huiraatira i te hoê vea no to ˈna oire. Ua papai oia e: “I tera e tera taime, e haere mai te mau Ite no Iehova i to ˈu fare. E haere mai ratou e paraparau ia ˈu no nia i te hamani maitai e te here na te ao taatoa. . . . Ia haere mai ratou, eita ratou e faahepo mai. E paraparau ratou ma te mǎrû e e tâuˈa maitai mai ratou i to ˈu manaˈo tiaturi ore.”

Ua na ô Bonhomme Tane no nia i te manaˈo pae varua o te mau Ite no Iehova e: “E ere to ratou ino ore i te mea atâta. Area te ino ore o te tahi mau taata politita ra, e haamǎtaˈuraa rahi aˈe ïa no te hau o te mau tino huiraatira e te au-maite-raa o te totaiete.”