Te haamanaˈo ra anei outou?

Ua faufaahia anei outou i te mau vea hopea nei o Te Pare Tiairaa? No te aha ïa e ore ai e tamata i ta outou e haamanaˈo ra na roto i te mau uiraa i muri nei:

◻ Eaha na uiraa e piti tei tauturu e rave rahi mau Kerisetiano tei rave i te tahi mau faaotiraa no te ohipa ia rave i te hoê faaotiraa no ratou iho?

Teie te uiraa faufaa matamua: Te faahapa ra anei te Bibilia i teie ohipa? Te piti o te uiraa, teie ïa: E riro anei te taata i rave i teie huru ohipa ei taata turu i te hoê peu faahapahia?—15/4, api 28.

◻ Mea nafea ‘te mau taata i te faariroraahia ei mea faufaa ore’? (Roma 8:20)

Ua “faarirohia” tatou “ei mea faufaa ore” no te ohipa a to tatou mau metua matamua ra o Adamu raua o Eva. ‘E ere i te mea hinaaro’ e tatou aore ra ei faahopearaa no te hoê maitiraa ta tatou i rave i tupu ai te reira. Ua naeahia tatou i te reira. Ma te aroha rahi, noa ˈtu e e nehenehe to tatou mau metua matamua e tufa i te huru tia ore, te hara e te pohe, ua faatia noa Iehova ia fanau i te tamarii. Ua taeahia te mau taata atoa e te pohe, o te auraa ïa o te parau ra e ua ‘faariro’ te Atua i te mau mea i hamanihia “ei mea faufaa ore.”—1/5, api 5.

◻ No te aha mea tano ia parau e e tupu ‘te tiaraa te mea riaria i te vahi moˈa’? (Mataio 24:15)

I roto i te hiˈoraa i tahito ra, ua tuati ‘te mea riaria e tia ra i te vahi moˈa’ i te aroraa a to Roma i raro aˈe i te aratairaa a te Tenerara Gallus i te matahiti 66 T.T. Te mea e tuea ra i taua aroraa ra i teie nei—oia hoi te omuaraa o te “ati rahi”—e tupu ïa i mua. (Mataio 24:21) No reira, aita â “te mea riaria e pau ai ra” i tia ˈtura i te vahi moˈa.—1/5, mau api 16, 17.

◻ Nafea te hoê metua tane e metua vahine rave ohipa e faataa ˈi i te taime no ta raua tamarii?

E nehenehe te metua vahine o te rohirohi roa i muri aˈe i te hoê mahana raveraa ohipa e ani i ta ˈna mau tamarii ia faaineine i te maa e o ˈna. E nehenehe te metua tane e tabula ohipa î maitai no te mau hopea hebedoma e rave i te tahi o teie mau ohipa e ta ˈna mau tamarii.—15/5, api 6.

◻ Eaha te tia i te feia ‘e haere ra na te eˈa o Iehova’ ia rave? (Ieremia 7:23)

E titauhia te taiva ore no te haere na te eˈa o Iehova—te faaoti-papu-raa e haamori ia ˈna anaˈe. E titauhia te tiaturi—te tiaturi taatoa e mea papu te tǎpǔ a Iehova e e tupu iho â. E titauhia te auraro no te haere na te eˈa o Iehova—te peeraa i ta ˈna mau ture ma te ore e haapehao e te tapearaa i ta ˈna mau titauraa teitei. (Salamo 11:7)—15/5, api 14.

◻ Eaha na hopoia faufaa e maha ta “te mau ô taata” e nehenehe e rave? (Ephesia 4:8, MN)

E nehenehe ratou e faatitiaifaro ia tatou ma te mǎrû, e patu ia tatou ma te here, e turu i to tatou autahoêraa e te amuiraa, e e paruru ia tatou ma te itoito. (Ephesia 4:12-14)—1/6, api 14.

◻ Eaha ta tatou e nehenehe e haapii mai na roto i to Paulo amuimuiraa ˈtu fatata e hanere taata i faahitihia i roto i te buka Ohipa e i roto i ta ˈna mau rata?

E tia ia tatou ia ohipa noa e te faanahonahoraa a te Atua, e ta tatou amuiraa e to tatou mau hoa faaroo. Te hinaaro nei tatou i ta ratou tauturu, faaitoitoraa, e tamahanahanaraa i te mau taime maitatai e i te mau taime fifi mau.—1/6, api 31.

◻ Eaha na manaˈo e toru e nehenehe e faaohipahia no te tauturu ia vetahi ê ia feruri i te Poiete?

Te tano-noa-raa i roto i te ao rahi materia, nohea mai te ora i nia i te fenua, e te huru otahi papu maitai o te roro o te taata e to ˈna mau aravihi huru rau.—15/6, api 18.

◻ No te aha mea faufaa roa te taaraa i te auraa o te iˈoa iho o te Poiete?

Te auraa o te iˈoa o te Atua oia ïa “Na ˈna e faariro” e te haapapu ra te reira e e opua e e ohipa atoa oia. Na roto i te iteraa e te faaohiparaa i to ˈna iˈoa, e nehenehe tatou e taa maitai aˈe e te faatupu ra oia i ta ˈna mau parau tǎpǔ e te rohi ra oia i te faatupu i ta ˈna opuaraa.—15/6, api 21.

◻ Nafea e nehenehe ai e faaô mai i te mau tamarii i roto i te hoê haapiiraa Bibilia utuafare?

Ia nehenehe, a faanaho i te tamarii taitahi ia rave mai oia i ta ˈna iho Bibilia e te papai e haapiihia. E nehenehe e anihia i te hoê tamarii apî ia faataa mai i te mau hohoˈa e vai ra i roto i te tumu parau e hiˈopoahia ra, e e nehenehe e faataa-oioi-hia i te hoê tamarii no te taio i te hoê irava. E anihia i te hoê tamarii paari aˈe ia faahiti i te tahi mau ravea no te faaohipa ma te ohie i te tumu parau e hiˈopoahia ra.—1/7, api 15.

◻ Eaha te tahi mau tapao ta te hoê utuafare e faaô i roto i te faaineineraa o te mau putuputuraa a te amuiraa?

(1) Ia ineine te melo utuafare taitahi i te pahono i te mau putuputuraa; (2) ia faaineine te melo taitahi i te horoa i te mau pahonoraa na roto i ta ˈna iho mau parau; (3) ia faahiti i te mau irava i roto i te mau pahonoraa; e (4) ia tuatapapa i te tumu parau no ˈna iho.—1/7, api 20.

◻ Eaha te hoê taviri no te hoê faaipoiporaa maitai?

Ia matara e ia fanaˈo i te mau oaoa faahiahia o te hoê faaipoiporaa maitai, te tauaparauraa maitai ïa te hoê ravea faufaa. Oia hoi te hoê opereraa i te mau manaˈo hohonu e te mau manaˈo. E titau te tauaparauraa maitai i te mau mea e patu, e tamǎrû e faaite i te maitai, e haamaitai, e e tamahanahana. (Ephesia 4:29-32; Philipi 4:8)—15/7, api 21.

◻ Eaha ‘te eˈa o Iehova’? (Salamo 25:8, 9, 12)

O te eˈa o te here taua eˈa ra. Ua niuhia i nia i te raveraa i te mea maitai ia au i te mau ture a te Atua. Te pii ra te Bibilia i teie faaohiparaa o te here niuhia i nia te mau faaueraa tumu “te eˈa maitai rahi roa ra.” (Korinetia 1, 12:31)—1/8, api 12.