Ua rahi roa te buka!

“Ia tuatapapa i te buka ra aita e faaea ra,” o ta te Arii paari ra o Solomona no tahito ra ïa i papai. (Koheleta 12:12) I te matahiti 1995, fatata hoê buka i te faito au noa, tei neneihia i Beretane no e 580 taata atoa, o tei faariro ïa i taua fenua ra mai te fenua matamua na te ao nei i te pae no te neneiraa i te mau buka apî. O Taina, te fenua taata-roa ˈˈe-hia, te piti o te fenua, e 92 972 buka ia faaauhia e 95 015 i Beretane. O Helemani i muri iho mai (67 206 buka), e te mau Hau Amui no Marite i muri mai (49 276), e o Farani atu ai (41 234). “Te tumu hoê roa e rahi aˈe ai ta Beretane na te ao nei, no te reo Beretane noa ïa,” o ta te vea no Lonedona ra The Daily Telegraph ïa e tapao ra.

Te faaite ra te mau tabula e ua topa te makete hooraa buka e rave rahi matahiti te maoro, e i teie nei, e 80 % anaˈe o te feia paari i Beretane e hoo maira hoê buka aore ra hau atu i te matahiti hoê. Teie râ, te taio ra anei te taata i te mau buka atoa ta ratou e hoo maira?

Hoê buka teie e opere-noa-hia ra e e taio-rahi-hia ra, o te Bibilia ïa, i teie nei te vai ra mea tatuhaahia aore ra mea taatoa na roto hau atu i te 2 120 reo. Mai te peu e aitâ ta outou e Bibilia, a ani atu i te tahi i te piha ohipa a te Taiete Watch Tower piri roa ˈˈe. Mai te peu e e Bibilia ta outou, a rave e a imi i te mau irava i roto i te mau tumu parau i roto i teie vea. Ia na reira outou, e itea mai ïa ia outou i te ite faaora a te Bibilia.