E mau mirioni o te haere atu—O outou atoa anei?

E haere ihea? I te oroa matahiti no te haamanaˈoraa i te poheraa o Iesu Mesia. i te matahiti 1996, 12 921 933 rahiraa taata tei haere.

No te aha te taata e haere ai? No te auraa ïa o te poheraa o Iesu no te huitaata nei. Te auraa, o te tiamâraa ïa mai te maˈi, te mauiui, e te pohe. E faatia-atoa-hia mai te feia herehia tei pohe, no te ora i nia i te hoê fenua o te faarirohia ei Paradaiso.

Nafea te poheraa o Iesu Mesia e nehenehe ai e horoa mai i teie mau huru haamaitairaa? Te ani atu nei matou ia outou ia haere mai ia ite outou i te pahonoraa. E farii popou te mau Ite no Iehova ia outou ia putuputu mai e o ratou i teie oroa faufaa.

A haere i te hoê Piha no te Basileia piri roa ˈˈe i to outou fare. I teie matahiti, e tupu te oroa i te Sabati 23 no Mati i muri aˈe i te toparaa mahana. A ani i te mau ite no iehova o to outou vahi i te hora tia e tupu ai.