1996 “Te mau vea o te hau a te Atua”—Tairururaa mataeinaa

I TE TAU tahito, e faatupu na te nunaa a Iehova e toru mau oroa faufaa i te mau matahiti atoa. Oia atoa, i teie nei tau, te haaputuputu nei te nunaa o te amo nei i te iˈoa o Iehova e toru taime i te matahiti no te mau tairururaa. Te oaoa nei ratou i te haaputuputu no te hoê mahana tairururaa taa ê, no te tairururaa haaati e piti mahana e no te tairururaa mataeinaa e toru aore ra e maha mahana. I teie matahiti, te upoo parau o te tairururaa mataeinaa teie ïa “Te mau vea o te hau a te Atua.”

Auê taua upoo parau ra i te tano e! E “Atua o te hau,” oia mau, “te Atua o te horoa i te hau” to tatou Atua ra o Iehova. E “Arii no te hau” to tatou ra Aratai, Iesu Mesia, e e poroi o te hau a te Atua te poroi ta te mau tavini a Iehova e tufa nei. (Philipi 4:9; Roma 15:33; Isaia 9:6; Nahuma 1:15) Ua faanahohia te hoê porotarama tairururaa maitai roa o te tauturu i te taatoaraa ia taa hau atu â i te faufaaraa o te hau a te Atua.

I teie matahiti, i roto anaˈe i te mau Hau amui no Marite, e faatupuhia 198 mau tairururaa. Oia atoa, e tupu te hoê tairururaa i pihai iho i to outou vahi. No te aha eita outou e ani i te mau Ite no Iehova o to outou vahi faaearaa no nia i te taime e te vahi mau e tupu te reira e ia rave atoa i te mau opuaraa no te haere atu? E farii-popou-hia te feia atoa o tei anaanatae no nia i te hau mau e vai maoro.